| e-texts navigator |
| Wylie |
85a1 ཅེས་དྲི་བར་བྱའོ། །གལ་ཏེ་འདི་སྐད་ཅེས་ཟེར་ཏེ། དགེ་འདུན་གྱི་གཞི་ཆེན་པོ་བརྒྱད་ནི་ལེན་པར་བྱེད་དེ། བཅོམ་ལྡན་འདས་སེམས་ཅན་ཐམས་ཅད་ལ་ཐུགས་བརྩེ་བས་ཀྱང་རྒྱལ་བུ་རྒྱལ་བྱེད་ཀྱི་ཚལ་དུ་གསེར་དངུལ
85a2 དག་བཞེས་སོ་ཟེར་ལ་དེའི་ནང་ན་ཁ་ཅིག་ལེན་པར་མི་བྱེད་དེ། བདག་ཅག་ནི་ལེན་པར་བྱེད་པ་དག་དང་ལྷན་ཅིག་ཏུ་སྐབས་འབྱེད་པ་དང་། གསོ་སྦྱོང་དང་། ཐལ་མོ་སྦྱར་བས་གདུད་པའི་ལས་ཀྱང་མི་བྱེད། ཐུག་པ་ཡང་མི་འཐུང་། དེ་དག་ལས་རྙེད་པ
85a3 དང་། བཀུར་སྟི་ཡང་མི་ལེན་ནོ་ཞེས་ཟེར་བ་དང་། ལྷའི་ཡང་ལྷ་སངས་རྒྱས་བཅོམ་ལྡན་འདས་དེས་ཀྱང་བཞེས་ན་དགེ་འདུན་གྱིས་བཞེས་པ་ལ་མི་བཟོད་པ་ཅི་ཡོད་ཅེས་དེ་སྐད་ཟེར་དུ་ཟིན་ཀྱང་དེ་དག་དང་ལྷན་ཅིག་ཏུ་ཁྱེད་སྐབས་འབྱེད་པ་དང་། གསོ
85a4 སྦྱོང་དང་། ཐལ་མོ་སྦྱར་བས་གདུད་པའི་ལས་མ་བྱས་གྲང་ཞེས་སྨྲ་བར་བྱེད་དེ། གལ་ཏེ་ཚིག་ཉན་ཏུ་མི་བཏུབ་པ་དེ་དག་ནི་ཡང་དག་པའི་མདོ་སྡེ་ཤེས་པ་ཡིན་ནོ། །ལེན་པར་བྱེད་པ་བྱིས་པ་དང་འདྲ་བ་དེ་དག་ནི་སེམས་ཅན་དམྱལ་བ་པ་ཡིན་པར་རིག
85a5 པར་བྱ་སྟེ། སེམས་ཅན་དེ་དག་ནི་བྱིས་པ་འཆི་བ་དང་འདྲའོ། །རིགས་ཀྱི་བུ་གཞན་ཡང་དཔེར་ན་གྲོང་ཁྱེར་ཆེན་པོ་ཞིག་གི་སྤོས་ཀྱི་ཚོང་འདུས་དག་ན་སྤོས་མ་དུ་ར་ཀ་དང་། གཞན་ཡང་སྤོས་ཀྱི་སྣ་གྲངས་དང་། སྨན་རྣམས་ཚོང་བ་དག་འཚོང་བར་བྱེད
85a6 ལ། དེ་ན་ཉོ་བའི་སེམས་ཅན་རྣམས་ཀྱིས་གངས་ཀྱི་རི་ལས་བྱུང་བའི་སྨན་ཅི་འདྲ་བ་མི་ཤེས་ནས་དེ་དག་གིས་དྲིས་ཏེ། གལ་ཏེ་གངས་ཀྱི་རི་ལས་བྱུང་བའི་སྤོས་མ་དུ་ར་ཀ་ལྟ་ཅུང་ཟད་ཅི་ཡོད་ན་བྱིན་ཅིག་ཅེས་བྱས་པ་དང་། དེ་གངས་ཀྱི་རི་ལས་བྱུང་བའི་སྤོས
85a7 ལྟར་བཅོས་པ་ལ་གངས་ཀྱི་རི་ལས་བྱུང་བའི་སྤོས་ཡིན་ནོ་ཞེས་བྱས་ཏེ་བྱིན་ནས། དེ་དག་གིས་འདི་ནི་གངས་ཀྱི་རི་ལས་བྱུང་བ་ཡིན་ནོ་སྙམ་དུ་ཡང་དག་པར་ཡིད་ཆེས་ཏེ་བཅོས་མའི་སྤོས་རྣམས་ལེན་པར་བྱེད་པ་དེ་བཞིན་དུ། ཚུལ་ཁྲིམས་འཆལ་པ་འམ།
85a8 ཚུལ་ཁྲིམས་དང་ལྡན་པ་ཡང་རུང་སྟེ། དེ་དག་ལ་འདི་དག་ནི་ཉན་ཐོས་ཀྱི་དགེ་འདུན་ཡང་དག་པ་ཡིན་ནོ། །འདི་དག་ནི་དགེ་འདུན་ཡང་དག་པ་ཡིན་ནོ། །འདི་དག་ནི་དགེ་འདུན་འཐུན་པ་ཡིན་ནོ་སྙམ་དུ་བསམས་ཏེ། ཤའི་མིག་དང་ལྡན་པའི་དགེ
iiif viewer powered by OpenSeadragon
