| e-texts navigator |
| Wylie |
84b1 བྱ་བ་དང་ཡོན་གནས་སུ་བྱ་བ་ཡིན་ནོ། །འབྲས་བུར་གྱུར་པ་དེའི་སྔ་རོལ་ཏུ་ནི་ཤའི་མིག་གིས་སྐྱོན་དང་ཡོན་ཏན་རྟོགས་པར་མི་ནུས་སོ། །རིགས་ཀྱི་བུ་གཞན་ཡང་དཔེར་ན་གྲོང་གིས་ཁོར་གཅིག་གི་ནང་ན་ཤིང་ཀ་ར་ཀ་མང་པོ་ཡང་ཡོད། དེའི་ནང་ན
84b2 ཤིང་ཏེན་ཏུ་ཀ་གཅིག་ཀྱང་ཡོད་ལ་ཏེན་ཏུ་ཀའི་ཤིང་དེ་ལ་ཡང་འབྲས་བུ་ཡོད། ཀ་ར་ཀའི་ཤིང་དེ་དག་ལ་ཡང་འབྲས་བུ་ཡོད་པ་ལས། དེ་ནས་བུ་མོ་གཞོན་ནུ་དབུལ་མོ་ཤིང་ཏོག་ཐུ་བ་ཞིག་གིས་ཏེན་ཏུ་ཀའི་འབྲས་བུ་བཏུས་ནས་ཀ་ར་ཀའི་འབྲས་བུ
84b3 ཡང་དེའི་བཅུ་འགྱུར་ཙམ་དུ་བཏུས་ཏེ། ཏེན་ཏུ་ཀའི་འབྲས་བུ་ཡིན་ནོ་སྙམ་ནས་དེ་རྣམས་ཀྱིས་སྐོན་པ་བཀང་སྟེ་གྲོང་དེ་ཉིད་དུ་འཚོང་བར་བྱེད་ལ། དེ་ནས་བྱིས་པ་རྣམས་ཀྱིས་འབྲས་བུ་རྣམ་པ་གཉི་ག་ཏེན་ཏུ་ཀའི་འབྲས་བུ་ཡིན་ནོ་སྙམ་ནས་ཉོས་ཏེ་ཟོས
84b4 པ་དང་ཤིའོ། །དེ་ན་བྱེ་བྲག་ཕྱེད་པའི་མི་ཏེན་ཏུ་ཀའི་འབྲས་བུ་ཟ་འདོད་པ་གང་ཡིན་པ་དེ་དག་གིས་ནི་བུ་མོ་གཞོན་ནུ་དེ་ལ་ལེགས་པར་དྲིས་ཏེ། ཆེ་ཞེ་འདི་དག་ཕྱོགས་གང་ལོགས་ནས་བླངས་ཤེས་བྱས་པ་དང་། དེས་དེ་དག་ལ་ས་ཕྱོགས་བསྟན་ཏེ།
84b5 དེ་དག་ལ་ས་ཕྱོགས་བསྟན་པ་དང་། དེ་ན་ཀ་ར་ཀའི་ཤིང་ནི་མང་ལ་ཏེན་ཏུ་ཀའི་ཤིང་ནི་གཅིག་པུ་ལས་མེད་པར་ཤེས་ཏེ། འདི་དག་ནི་དེ་ནས་བླངས་སོ་སྙམ་དུ་རིག་ལ། ཏེན་ཏུ་ཀའི་འབྲས་བུ་དེ་དག་བཙལ་ཏེ་མ་རྙེད་ནས་ཀ་ར་ཀའི་འབྲས་བུས་འཇིགས
84b6 ཤིང་སྐྲག་སྟེ། འཇིགས་པ་དེ་ཉིད་ཀྱིས་འཕྱ་བར་བྱེད་ཅིང་མ་ཉོས་པར་ཕྱིར་དོང་བ་དེ་བཞིན་དུ་རིགས་ཀྱི་བུ་དགེ་འདུན་གང་དག་གཞི་ཆེན་པོ་བརྒྱད་ཤེས་བཞིན་དུ་སྤྱོད་པར་བྱེད་པ་དེར་སྤྱོད་པར་བྱེད་པ་དེས་གལ་ཏེ་ཚུལ་ཁྲིམས་དང་ལྡན་པའི་དགེ
84b7 སློང་དག་འཁོད་ན། དེ་དག་ཇི་ལྟར་ཀ་ར་ཀའི་ཚལ་ན་ཏེན་ཏུ་ཀའི་ཤིང་འདུག་པ་བཞིན་དུ་དེ་དག་མཐོང་ན་དེ་ཚུལ་ཁྲིམས་དང་ལྡན་པ་ཡིན་དུ་ཟིན་ཀྱང་དགེ་བསྙེན་ཤེས་རབ་ཅན་གྱིས་དེ་དག་ལ་ཕྱག་མི་བྱ་ཞིང་མཆོད་པའི་གནས་སུ་མི་བྱའོ། །གལ་ཏེ
84b8 དེ་དག་ལ་ཕྱག་བྱ་བར་འདོད་ན་ཅི་ཁྱོད་གཞི་ཆེན་པོ་བརྒྱད་ལེན་པར་བྱེད་དམ། འོན་ཏེ་ལེན་པར་མི་བྱེད་ཅེས་དྲིས་ནས་གདོད་ཕྱག་བྱ་སྟེ། ལེན་པར་བྱེད་པ་གང་ཡིན་པ་དེ་དག་དང་ལྷན་ཅིག་ཏུ་སྐབས་དབྱེ་བ་དང་གསོ་སྦྱོང་གི་ལས་རྣམས་བྱེད་དམ་མི་བྱེད
iiif viewer powered by OpenSeadragon
