| e-texts navigator |
| Wylie |
82b1 དེ་ནས་གདོལ་པ་དེས་བསྒོ་བ། གལ་ཏེ་སུའང་དེ་ལྟར་བྱེད་དུ་མི་བཏུབ་ན་བྲམ་ཟེ་ཐམས་ཅད་གདོལ་པའི་ཁྱིམ་དུ་གདོལ་པ་རྣམས་དང་ལྷན་ཅིག་ཏུ་ཟན་ཟོ་ཤིག་།ཉོལ་ཅིག་།གལ་ཏེ་མི་བཏུབ་ན་དེ་ཡང་ངས་ནན་གྱིས་བྱེད་དུ་གཞུག་གོ། །དེ་སྟེ་ལ་ལ་ཞིག
82b2 བཏུབ་ན་ནི་ངས་རྒྱལ་སྲིད་ཀྱི་ཕྱེད་ཀྱང་སྦྱིན་ནོ། །སུམ་བཅུ་རྩ་གསུམ་པའི་ལྷ་རྣམས་ཀྱི་བདུད་རྩི་འཐུངས་ན་ལྷར་འགྱུར་བ་ཐོབ་པར་འགྱུར་བ་འཇིག་རྟེན་ན་དཀོན་པ་གང་ཡིན་པ་དེ་ང་དང་ལྷན་ཅིག་ཏུ་འཐུངས་ལ་ལྷར་འགྱུར་བར་བྱའོ་ཞེས་བསྒོའོ། །དེ་ནས་དེར་བྲམ་ཟེའི
82b3 གཞོན་ནུ་གཙང་སྦྲ་ཅན་ཐོར་ཚུགས་དང་ལྡན་པ། རིགས་བྱེད་ཀྱི་མཐར་ཕྱིན་པ། གཞོན་ནུ་ཚངས་པར་སྤྱོད་པ་ཞིག་གིས་བསྒོ་བ་དེ་ཐོས་ནས་རང་གི་ཐོར་ཚུགས་བཤིག་སྟེ། གདོལ་པ་དེའི་ཐད་དུ་སོང་ནས་དེ་ལ་ཕྱག་འཚལ་ཏེ་སྨྲས་པ། རྒྱལ་པོའི
82b4 ཞལ་སྔ་ནས་བཀའ་ཅི་སྩལ་པ་དེ་བཞིན་དུ་བགྱིའོ་ཞེས་བྱས་ཏེ། དེ་ནས་རྒྱལ་པོ་དེས་དེ་མདུན་ན་འདོན་དུ་དབང་བསྐུར་ཏོ། །དེ་ནས་བྲམ་ཟེ་རྣམས་ན་རེ་གདོལ་པའི་མདུན་ན་འདོན་པར་ཁས་བླངས་པ་ངན་པ་འདི་ངན་པ་འདི་ཞེས་འཛེར་ཏོ། །དེ་ནས་དེ་བཞིན་དུ
82b5 རྒྱལ་པོས་དེ་ལ་རྒྱལ་སྲིད་ཀྱི་ཕྱེད་བྱིན་ནས་དེ་དང་ལྷན་ཅིག་ཏུ་རྒྱལ་པོ་བྱེད་དོ། །དེ་ནས་སྐབས་ཤིག་ཏུ་བྲམ་ཟེ་དེས་གདོལ་པའི་རྒྱལ་པོ་དེ་ལ་སྨྲས་པ། རྒྱལ་པོ་ཆེན་པོ་བདག་གི་བྲམ་ཟེའི་ཚུལ་བོར་ནས་ཁྱོད་ཀྱི་མདུན་ན་འདོན་བགྱི་བར་ཁས་བླངས
82b6 ཏེ་ཁྱོད་ལ་རིག་པ་རེ་རེ་ནས་བསླབ་སྙམ་ན་ཁྱོད་ད་དུང་བདག་ལ་ཐུགས་མི་བསྟན་ཏོ། །དེ་ནས་རྒྱལ་པོ་དེས་དེ་ལ་སྨྲས་པ། ཁྱོད་ལ་ང་ཅི་སྟེ་ཡིད་མི་སྟོན། འདི་ལྟ་བུའི་ཡོན་ཏན་དང་ལྡན་པ་ཁྱོད་ལ་ཡིད་རྟོན་གྱིས། ད་ནི་རྒྱལ་པོ་ཤི་བ་དེའི་བདུད་རྩིའི
82b7 བུམ་པ་འདི་ཕྱེད་ཕྱེད་མཉམ་དུ་བཏུང་ངོ་ཞེས་བྱས་སོ། །དེ་ནས་ཐོག་མ་ཁོ་ནར་བློན་པོ་དེས་འཐུངས་པའི་འོག་ཏུ་བདུད་རྩི་དེའི་ནང་དུ་ཐབས་ཀྱིས་བཏུང་བ་གཞན་བླུགས་ནས་རྒྱལ་པོ་དེས་འཐུངས་པ་དང་། བརྒྱལ་ཏེ་ཤི་བ་བཞིན་དུ་འདུག་གོ། །
82b8 དེ་ནས་བྲམ་ཟེ་དེས་རྒྱལ་པོ་སྔ་མའི་བུ་རྒྱ་པོ་ནུས་པ་རྒྱལ་པོར་བཅུག་ནས་སྨྲས་པ། རྒྱལ་སྲིད་འདི་ལོང་ལ་ཆུད་མ་ཟོས་པར་གྱིས་ཤིག་།གདོལ་པ་ནི་རྒྱལ་སྲིད་འདི་ལ་རྒྱལ་པོའི་འོས་མ་ཡིན་ཏེ། ཁྱོད་ཉིད་རྒྱལ་པོར་འོས་པ་ཡིན་ནོ། །གདོལ
iiif viewer powered by OpenSeadragon
