| e-texts navigator |
| Wylie |
81b1 འཚལ་ལམ། གཞན་ཡང་གླེང་འཚལ་བ་མཆིས་ཏེ། ཅི་ལགས་ཁྱིམ་ན་གནས་པ་ལས་ཆོས་རྟོགས་པར་འགྱུར་ན་ཡང་ཁྱིམ་ན་གནས་པ་ལ་ཕྱག་བགྱི་འཚལ་ལམ། ཧ་ཅང་ཞེ་ས་ཆེར་བགྱི་བར་མི་རིགས་ལགསོ། །ཁྱིམ་ན་གནས་པ་རྣམས་ནི་རབ་ཏུ
81b2 བྱུང་བའི་མཆོད་པའི་འོས་དང་ཡོན་གནས་མ་ལགས་སོ། །བསྟན་པ་འདི་ལ་ནི་གཞོན་ནུས་རྒན་པོ་རྣམས་ལ་མཆོད་པ་བགྱི་བའི་རིགས་ལགས་སོ། །རྒན་པོ་མཆོད་པའི་འོས་ཤེས་བགྱི་བ་ནི་བསྙེན་པར་རྫོགས་པ་འདུལ་བ་དང་། ཆོ་ག་དང་། སྤྱོད
81b3 ཡུལ་ལ་གནས་པ་ལགས་ལ། བཅོམ་ལྡན་འདས་ཀྱིས་ཀྱང་ཚུལ་ཁྲིམས་འཆལ་པ་རྣམས་ནི་ཞིང་གི་ནང་ན་ཞིང་གི་ངོ་དང་འདྲའོ་ཞེས་གསུངས་ན་ད་ནི། རྒན་ནམ་ཡང་ན་གཞོན་ཡང་རུང་། །གང་ལས་ཆོས་ནི་རྟོགས་འགྱུར་བ། །དབང
81b4 ཆེན་ལྷ་ལ་བྱ་བ་བཞིན། །དེ་ལ་བཀུར་སྟིས་ཕྱག་ཀྱང་བྱ་ཞེས་ཀྱང་གསུང་ངམ། ཚིག་གི་དོན་འདི་གཉིས་ནི་དཔྱད་འཚལ་ལགས་སོ། །དེ་མ་ལགས་ན་དེ་ལྟར་བགྱིས་དང་ཆད་པའི་གནས་སུ་འགྱུར་ལགས་སོ། །བཅོམ་ལྡན་འདས་དགེ
81b5 སློང་ཚུལ་ཁྲིམས་དང་ལྡན་པ་རྣམས་སླུ་བར་མཛད་ལགས་སམ། འདི་ལ་ནོངས་པ་མང་དུ་མཆིས་ལགས་ན། བཅོམ་ལྡན་འདས་ཀྱིས་མདོ་མང་པོ་དག་ལས་ཚུལ་ཁྲིམས་འཆལ་པ་རྣམས་ཆད་པས་གཅད་པར་བཀའ་སྩལ་ན། ཅི་ལགས
81b6 དེ་བཞིན་གཤེགས་པས་འདིར་དགོངས་ཏེ་གསུངས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྒན་ནམ་ཡང་ན་གཞོན་ཡང་རུང་། །གང་ལས་ཆོས་ནི་རྟོགས་འགྱུར་བ། །དབང་ཆེན་ལྷ་ལ་བྱ་བ་བཞིན། །དེ་ལ་བཀུར
81b7 སྟིས་ཕྱག་ཀྱང་བྱ་ཞེས་བྱ་བ་ནི་མ་འོངས་པའི་དུས་ཀྱི་བྱང་ཆུབ་སེམས་དཔའ་རྣམས་ཀྱི་ཕྱིར་ངས་བསྟན་པ་ཡིན་གྱི། ཉན་ཐོས་ཀྱི་ཐེག་པ་པ་རྣམས་ཀྱི་ཕྱིར་དེ་སྐད་བསྟན་པ་ནི་མ་ཡིན་ནོ། །རིགས་ཀྱི་བུ་ངས་སྔར་བསྟན་པ་དམ་པའི་ཆོས་ནུབ་པའི་དུས་དང་།
81b8 ཚུལ་ཁྲིམས་དང་ལྡན་པ་འགྲིབ་པའི་དུས་དང་། ཚུལ་ཁྲིམས་འཆལ་པའི་ཕྱོགས་རྣམ་པར་འཕེལ་བའི་དུས་དང་། ངེས་པར་གྲོལ་བ་དང་། ཆགས་པ་མེད་པ་ཟད་པའི་དུས་དང་། བྲན་དང་བྲན་མོ་ལ་སོགས་པ་རྫས་ངན་པ་དུ་མ་ཡོངས་སུ་འཛིན
iiif viewer powered by OpenSeadragon
