| e-texts navigator |
| Wylie |
79b1 སྤོང་བར་མི་བྱེད་དེ། ལུང་ནོད་པར་བྱེད། ཉན་པར་བྱེད། འདྲི་བར་བྱེད་ལ་དོན་ནི་རྟོགས་པར་མི་འགྱུར་རོ། །གང་དག་གིས་སངས་རྒྱས་གང་གཱའི་ཀླུང་བཞིའི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི་ཕྱི་མའི་དུས་ན་ཡང་བྱང་ཆུབ་ཏུ་སེམས
79b2 བསྐྱེད་པར་འགྱུར་ཏེ་མཚུངས་པ་མེད་པ་སྤོང་བར་མི་བྱེད་ཅིང་ལུང་ནོད་པར་བྱེད། ཉན་པར་བྱེད། འདྲི་བར་བྱེད་ལ་དོན་ནི་བཅུ་དྲུག་ཆ་གཅིག་རྟོགས་པར་འགྱུར་ཏེ། དོན་རྫོགས་པར་རྟོགས་པར་མི་འགྱུར་རོ། །གང་དག་གིས་སངས་རྒྱས་གང
79b3 གཱའི་ཀླུང་ལྔའི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི་ཕྱི་མའི་ཚེ་མཚུངས་པ་མེད་པ་སྤོང་བར་མི་འགྱུར་ཏེ། ལུང་ནོད་པར་བྱེད། ལྟ་བར་བྱེད། འདྲི་བར་བྱེད་དེ། བྲིས་ནས་ཀྱང་བདག་ཉིད་འཆང་བར་བྱེད་ལ་དོན་ནི་བརྒྱད་ཆ
79b4 གཅིག་རྟོགས་པར་འགྱུར་ཏེ། དོན་རྫོགས་པར་རྟོགས་པར་མི་འགྱུར་རོ། །གང་དག་གིས་སངས་རྒྱས་གང་གཱའི་ཀླུང་དྲུག་གི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི་ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ལུང་ནོད
79b5 པར་བྱེད། འདྲི་བར་བྱེད། བྲིས་ནས་ཀྱང་འཛིན་པར་བྱེད་ལ་དོན་ནི་བཞི་ཆ་གཅིག་རྟོགས་པར་འགྱུར་ཏེ། དོན་རྫོགས་པར་རྟོགས་པར་མི་འགྱུར་རོ། །གང་དག་གིས་སངས་རྒྱས་གང་གཱའི་ཀླུང་བདུན་གྱི་བྱེ་མ་སྙེད་ལ་བྱང་ཆུབ་ཏུ་སེམས
79b6 བསྐྱེད་པ་དེ་དག་ནི་ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ལུང་ནོད་པར་བྱེད། འདྲི་བར་བྱེད། བྲིས་ནས་ཀྱང་འཛིན་པར་བྱེད་ལ་དོན་ནི་ཕྱེད་རྟོགས་པར་འགྱུར་ཏེ། དོན་རྫོགས་པར་རྟོགས་པར་མི་འགྱུར་རོ། །གང་དག་གིས་སངས
79b7 རྒྱས་གང་གཱའི་ཀླུང་བརྒྱད་ཀྱི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི་ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ལུང་ནོད་པར་བྱེད། ཉན་པར་བྱེད། འདྲི་བར་བྱེད། བྲིས་ནས་འཛིན་པར་བྱེད། འཆང་བར་བྱེད། ཀློག
79b8 པར་བྱེད། སྟོན་པར་བྱེད། སྦ་བར་བྱེད། སྲུང་བར་བྱེད། འཆད་པར་བྱེད། འཇིག་རྟེན་ཐམས་ཅད་ལ་སྙིང་བརྩེ་བའི་ཕྱིར་གླེགས་བམ་རྣམས་ལ་མཆོད་པ་དང་བཀུར་སྟི་བྱེད། གཞན་དག་ཀྱང་བྱེད་དུ་འཇུག་ཅིང་བླ་མ་ལ་གུས་པ་ལྟ་བུར
iiif viewer powered by OpenSeadragon
