| e-texts navigator |
| Wylie |
77b1 གིས་ཐེག་པ་ཆེན་པོ་འདི་ཁོང་དུ་ཆུད་ནས་མངོན་པར་དད་པར་འགྱུར་ཏེ། བདུད་དམ། བདུད་བྱེ་བ་ཡང་རུང་དེ་དག་མཐོང་ན་ཐེག་པ་ཆེན་པོ་པ་རྣམས་སྐྲག་པར་མི་འགྱུར་ཏེ་ཅུང་ཟད་ཀྱང་ཡ་མཚན་དུ་མི་འཛིན་ཏོ། །དཔེར་ན་སྦྲུལ་འཛིན་པའི་མི་ལ་ལ་ཞིག་གིས
77b2 སྨན་གནོད་སེལ་དང་སྔགས་ཀྱི་མཐུས་སྦྲུལ་གདུག་པ་རྣམས་ཀྱི་དུག་མེད་པར་བྱེད་ལ་དེ་དག་གིས་མི་འཇིགས་པ་དེ་བཞིན་དུ་བདུད་བྱེ་བ་རྣམས་ཀྱང་ཐེག་པ་ཆེན་པོའི་མདོའི་ཚིག་གི་སྔགས་ཀྱི་གཟི་བྱིན་དང་མཐུས་རྒྱགས་པ་མེད་པར་འགྱུར་རོ། །རིགས་ཀྱི
77b3 བུ་གཞན་ཡང་ཀླུའི་སྦྲུལ་གདུག་པ་རྣམས་ཀྱི་ནི་གླང་པོ་ཆེ་དང་། སྟག་དང་། གཟིག་དང་། ཁྱི་རྣམས་ཀྱང་བལྟས་པ་ཙམ་གྱིས་སྐྲག་པར་བྱེད་དེ། ཁ་ཅིག་ནི་འཆི་བར་ཡང་འགྱུར། ཁ་ཅིག་ནི་ཤིར་དོགས་ནས་སྒྲ་ཐོས་པ་ཙམ་གྱིས་ཀྱང་འབྱེར་བར་འགྱུར་རོ། །
77b4 མི་ཁ་ཅིག་ནི་ཀླུའི་སྦྲུལ་གདུག་པ་དང་། ནམ་མཁའ་ལྡིང་དང་། གླང་པོ་ཆེ་དང་། སེང་གེ་དང་། སྟག་རྣམས་ལ་ཞོན་ཏེ་རྒྱུ་བར་བྱེད་པ་ཡང་ཡོད་དོ། །མི་ཁ་ཅིག་ནི་ཀླུ་དང་། ནམ་མཁའ་ལྡིང་དང་། སེང་གེ་དང་། སྲིན་པོ་དེ་དག་མཐོང་ན་རྒྱགས་པ་མེད
77b5 པར་འགྱུར་ཏེ། མི་སྡར་མ་དེ་དང་འདྲ་བར་ཉན་ཐོས་དང་རང་སངས་རྒྱས་རྣམས་ནི་བདུད་མཐོང་ན་སྐྲག་པར་འགྱུར་ལ་བདུད་ནི་དེ་དག་གིས་འཇིགས་པ་མེད་དེ་བདུད་ཀྱི་ལས་ཀྱང་བྱེད་དོ། །ཐེག་པ་ཆེན་པོ་པ་རྣམས་ནི་བདུད་ལ་ཞོན་ཏེ་དེ་དག་གི་གཟི་བྱིན་ཆེན་པོ་དང་།
77b6 སྟོབས་ཆེན་པོ་དང་། སྙིང་སྟོབས་བཏུལ་ནས་ཆོས་སྟོན་པར་བྱེད་དེ། ཀླུ་ལ་སོགས་པ་དང་འདྲ་བའི་བདུད་སྟོབས་པོ་ཆེ་དེ་དག་སྐྲག་ནས་མོད་ལ་དམ་པའི་ཆོས་ལ་དགའ་བར་འགྱུར་ཏེ། འདི་སྐད་དུ་ད་ཕྱིན་ཆད་དམ་པའི་ཆོས་ཀྱི་བར་ཆད་མི་བགྱིད་དོ་ཞེས་ཀྱང
77b7 ཟེར་རོ། །ཉན་ཐོས་ཀྱི་ཐེག་པ་པ་རྣམས་ནི་ཉོན་མོངས་པའི་རྣམ་པས་སྐྲག་གོ། ཐེག་པ་ཆེན་པོ་པ་རྣམས་ནི་ཉོན་མོངས་པ་རྣམས་ཆུང་བར་འཛིན་ཏེ། དེ་ལྟར་ན་ཐེག་པ་ཆེན་པོ་པ་རྣམས་ནི་རྟུལ་ཕོད་པ་ཡིན་ནོ། །དེ་བས་ན་ངས་བཤད་པའི་རྒྱུ་ནི་དེ་ཡིན་ཏེ།
77b8 ཉན་ཐོས་ཀྱི་ཐེག་པ་པ་རྣམས་ཀྱི་དོན་དུ་ངས་བདུད་ཚར་གཅད་པར་བསྟན་པ་ཡིན་ནོ། །དེ་ལྟར་ན་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་ནི་མཆོག་ཏུ་བཟོད་པར་དཀའོ། །ཀྱེ་མ་མདོ་སྡེ་ཆེན་པོ་འདི་དང་དེ་བཞིན་གཤེགས་པ་རྟག་ཅེས་བྱ་བ
iiif viewer powered by OpenSeadragon
