| e-texts navigator |
| Wylie |
77a1 སོ། །དེ་ཅིའི་ཕྱིར་ཞེ་ན། ཐེག་པ་ཆེན་པོ་སངས་རྒྱས་ཀྱི་ཐེག་པའི་མདོའི་དེ་ཁོ་ན་ཉིད་འཛིན་པའི་ཕྱིར་རོ། །རིགས་ཀྱི་བུ་གཞན་ཡང་དཔེར་ན་མི་དཔའ་བོ་ཡུལ་ཕྱོགས་སུ་གྲགས་པ་སྙིང་སྟོབས་ཅན་རྟུལ་ཕོད་པ་འགའ་ཞིག་ཡོད་ལ། དེ
77a2 ལ་མི་སྡར་མ་འགའ་ཞིག་རྟེན་ཏེ་སྡར་མ་དེ་དཔའ་བོ་དེ་ལ་དཔའ་སློབ་པ་ན་དེ་ལ་བསྒོ་བ། ཀྱེ་མི་ཁྱོད་དཔའ་བོར་འགྱུར་བར་འདོད་ན་རལ་གྲིའི་སོ་གཏམས་པའི་སྟེང་དུ་འགྲོ་བར་གྱིས་ཤིག་།གང་དང་གང་གི་ཚེ་འཐབ་པ་དེ་དང་དེའི་ཚེ་སུས་ཀྱང་མི་འཇིགས་པར་གྱིས་ཤིག་།
77a3 ལྷ་ཡང་རུང་གཏུམ་པོ་ཡང་རུང་སྟེ། རྩཝ་ཙམ་དུ་ལྟོས་ཤིག་།སྙིང་སྟོབས་དང་། རྟུལ་ཕོད་པ་ལ་བརྩོན་པར་གྱིས་ཤིག་།རུ་པ་ངན་པ་ཁ་ཅིག་དཔའ་བོའི་ཆ་ལུགས་སུ་བསྒྱུར་ནས་དཔའ་བོའི་མཚོན་ཆ་ཐོགས་ཏེ་ཨུར་མོའི་རལ་གྲི་ཤུབས་ནས་ཕྱུང་ནས།
77a4 ཕྱེ་མར་རློག་པ་ལྟར་བྱེད་ཅིང་འོང་ལ་རལ་གྲི་གཅིག་ལ་གཅིག་བརྡབས་པ་ལས་མེ་སྟག་འཕྲོ་བར་བྱེད། ཁུས་འདེབས་ཤིང་ཁྲོམ་གྱི་ནང་དུ་འོང་བ་དེ་ལྟ་བུ་དག་མཐོང་ན་མ་འབྲོས་ཤིག་དང་། རུ་པ་ངན་པ་གང་ཡིན་པ་དེ་དག་གིས་དེ་དག་མཐོང་ནས་འདི
77a5 དག་ནི་དཔའ་བོ་ཡིན་ནོ་སྙམ་དུ་རིག་ནས་ཁྱི་རྐུན་བཞིན་དུ་འབྱེར་བར་འགྱུར་ལ། རུ་པ་བཟང་པོ་གང་ཡིན་པ་དེ་དག་ནི་ཁྲེལ་གྱིས་དོགས་ཏེ་ཐེན་པར་བྱེད་དོ། །རུ་པ་ངན་པ་དེ་དག་ནི་དེ་དག་གིས་སྐྲག་ནས་འབྱེར་བར་འགྱུར་བ་དེ་བཞིན་དུ་དེ་བཞིན་གཤེགས་པ་ཡང
77a6 ཉན་ཐོས་ཀྱི་ཐེག་པ་པ་རྣམས་དཔའ་བོ་སློབ་པར་མཛད་དེ་ཁྱེད་བདུད་སྡིག་ཅན་རུ་པ་སྡར་མ་ལྟ་བུས་མ་འཇིགས་པར་དཔའ་སློབ་པ་བཞིན་དུ་རྟུལ་ཕོད་པར་གྱིས་ཤིག་དང་། བདུད་ཡིད་མི་བདེ་བར་འགྱུར་རོ་ཞེས་སྟོན་ཏོ། །རིགས་ཀྱི་བུ་གཞན་ཡང་རིགས་ཆེན
77a7 པོ་དཔའ་བོ་འམ། དཔའ་བོའི་བུ་ལ་ལ་ཞིག་སུ་ལ་ཡང་དཔའ་མ་བསླབས་ཏེ་དེ་སློབ་དཔོན་སུ་ཡང་མེད་བཞིན་དུ་དེ་རང་བཞིན་གྱིས་དཔའ་ལ་རིགས་ཀྱི་བུ་ཆོས་ལུགས་སུ་གྱུར་པ་རང་གི་དཔའ་རིགས་ཀྱི་རྐྱེན་དུ་འཚམ་པར་དཔའ་བ་དེ་བཞིན་དུ། ཐེག
77a8 པ་ཆེན་པོ་པ་སྐྱེས་པ་འམ། བུད་མེད་དམ། ཁྱེའུ་འམ། བུ་མོ་ཡང་རུང་སྟེ། དེ་དག་གིས་དགོངས་ཏེ་གསུངས་པའི་མདོའི་ཚིག་སྣ་ཚོགས་ཐོས་ན་དེ་མི་སྐྲག་མི་དངང་བ་དེ་དག་ནི་སྔོན་སངས་རྒྱས་དུ་མ་ལ་བསྙེན་བཀུར་བྱེད་བྱེད་པ་ཡིན་ཏེ་དེས་ན་དེ་དག
iiif viewer powered by OpenSeadragon
