| e-texts navigator |
| Wylie |
75b1 ཡང་སངས་རྒྱས་ཀྱིས་གསུངས་པ་མ་ཡིན་པ་རང་གཟོའི་ཚིག་དང་། ཡི་གེ་སྣ་ཚོགས་དང་། བྲན་དང་བྲན་མོ་ཡོངས་སུ་འཛིན་པ་སྟོན་མི་སྲིད་པ་སྟེ། རྒྱུན་ཏུ་ཞུགས་པ་དང་། ལན་གཅིག་ཕྱིར་འོང་བའི་གྲངས་སུ་ནི་གཏོགས་མོད་ཀྱི། རྒྱུན་ཏུ་ཞུགས
75b2 པ་དང་། ལན་གཅིག་ཕྱིར་འོང་བ་ནི་མ་ཡིན་ནོ། །དེ་ལྟར་ས་དང་པོ་དང་། གཉིས་པ་དང་། གསུམ་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་མངོན་སུམ་དུ་ལུང་བསྟན་པས་སངས་རྒྱས་ཀྱི་གནས་སུ་སངས་རྒྱས་སུ་འགྱུར་བར་ལུང་བསྟན་ཏོ། །
75b3 ཕྱིར་མི་འོང་བ་ཞེས་བྱ་བ་ནི་ཆོས་དེ་ཐོབ་ནས་འབྲལ་མི་སྲིད་པ་དང་། གཞན་དག་ལ་ཡང་སངས་རྒྱས་ཀྱིས་གསུངས་པ་མ་ཡིན་པར་རུང་བ་མ་ཡིན་པའི་མདོ་རང་གཟོ་སྣ་ཚོགས་ཀྱི་ཚིག་དང་། ཡི་གེ་དང་། བྲན་དང་བྲན་མོ་ལ་སོགས་པ་ཡོངས
75b4 སུ་འཛིན་པ་སྟོན་མི་སྲིད་པ་དང་། གློ་བུར་གྱི་ཉེ་བའི་ཉོན་མོངས་པ་རྣམས་ཀྱིས་དེ་ལ་གནོད་པར་འགྱུར་མི་སྲིད་པ་དང་། ནང་གི་ཉོན་མོངས་པ་རྣམས་ཀྱིས་དེ་ལ་གནོད་པར་འགྱུར་མི་སྲིད་པ་དང་། དེ་བཞིན་གཤེགས་པའི་ཁམས་བཅབས་ཏེ།
75b5 ཆོས་སྟོན་མི་སྲིད་པ་དང་། ཁམས་བཞིའི་སྦྲུལ་གདུག་པ་ལ་རྟེན་པའི་གློ་བུར་གྱི་ནད་རྣམས་ཀྱིས་དེ་ལ་གནོད་པར་བྱེད་པར་འགྱུར་མི་སྲིད་པ་དང་། བདག་ཏུ་སྨྲ་བ་ཡང་མ་ཡིན། བདག་མེད་པར་སྨྲ་བ་ཚར་གཅོད་པ་ཡང་ཡིན་ལ་འཇིག་རྟེན་པའི་བདག་རྣམ་པར་སྤངས
75b6 པ་དང་། འཇིག་རྟེན་པའི་བྱ་བ་རྣམས་ཀྱིས་ཀྱང་འཇིག་རྟེན་ན་འཐུན་པར་བྱེད་པ་དང་། ཐེག་པ་ཆེན་པོ་མ་ཡིན་པའི་ཐེག་པ་གཞན་འབར་བར་བྱེད་མི་སྲིད་པ་དང་། སྲིན་བུའི་རིགས་བརྒྱད་བཅུ་དང་ཉེས་དམིགས་ཆེན་པོའི་ལུས་འཛིན་པ་མ་ཡིན་པ་དང་།
75b7 འདོད་པའི་བསམ་པ་རྣམ་པར་སྤངས་པ་དེའི་ལུས་ལ་རྨི་ལམ་དུ་བྱུང་ཡང་ཁུ་ཆུ་འབྱུང་མི་སྲིད་པ་དང་། འཆི་བའི་འཇིགས་པ་རྣམས་འོངས་པ་མཐོང་ན་འཇིགས་མི་སྲིད་པའོ། །གང་ཟག་དེ་ལྟ་བུ་ནི་ཕྱིར་མི་འོང་བ་ཞེས་བྱ་སྟེ་གང་ཟག་གསུམ་པའོ། །
75b8 དེ་ཡང་ངེས་པར་ཕྱིར་མི་འོང་བས་ན་ཕྱིར་མི་འོང་བ་ཞེས་བྱ་སྟེ་གང་ཟག་དེ་ལ་ནི་ཕྱིར་མི་འོང་བ་ཐོབ་པ་ཞེས་ཀྱང་མི་བྱའོ། །སྔར་བསྟན་པའི་ཡོན་ཏན་རྣམས་ཀྱང་ཡོད་ལ་འདིར་སྐྱེས་ན་ཡང་སྔར་བསྟན་པའི་ཉེས་པ་རྣམས་ཀྱིས་མི་གོས་སོ། །བྱང་ཆུབ
iiif viewer powered by OpenSeadragon
