| e-texts navigator |
| Wylie |
73b1 འདས་པ་ཐོབ་པ་ཡིན་ནོ། །མཆོག་ཏུ་བདེ་བ་ཞེས་བྱ་བ་དེ་ནི་དེར་ཟད་མི་ཤེས་པའི་འདུ་ཤེས་ཀྱིས་མཆོག་ཏུ་བདེ་བའི་རྣམ་པ་མང་བ་གང་ཡིན་པ་སྟེ། དེ་ནི་ཡོངས་སུ་མྱ་ངན་ལས་འདས་པ་ཡིན་ནོ། །དེ་ནི་ཐར་པ་ཡིན་ནོ། །མཆོག་ཏུ་བརྟན་པ་དང་། མི་གཡོ་བ
73b2 དང་། བདེ་བ་དང་། རྟག་པ་མྱོང་བ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །དེ་ནས་བཅོམ་ལྡན་འདས་ལ་འོད་སྲུང་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ། །མ་སྐྱེས་པ་དང་། མ་འགགས་པ་གང
73b3 ལགས་པ་དེ་ཐར་པ་ལགས། དེ་དེ་བཞིན་གཤེགས་པ་ལགས་ཤེས་བགྱི་འམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ལྟ་ལོས་ཀྱང་སྟེ་དེ་ནི་ཐར་པ་ཡིན་ནོ། །དེ་ནི་དེ་བཞིན་གཤེགས་པ་ཡིན་ནོ། །གསོལ་པ། འོ་ན་ནམ
73b4 མཁའི་ཁམས་ཀྱང་མ་སྐྱེས་པ་མ་བྱུང་བ་ལགས་ན། ཐར་པ་ཡང་དེ་དང་འདྲ། དེ་བཞིན་གཤེགས་པ་ཡང་དེ་དང་འདྲ་ཞེས་བགྱི་འམ། བཀའ་སྩལ་པ། དེ་ལྟ་མ་ཡིན་ཏེ། ཐར་པ་ནི་ནམ་མཁའི་ཁམས་དང་འདྲ་བ་མ་ཡིན་ནོ། །གསོལ་པ། འོ་ན་ཅི
73b5 ལྟ་བུ་ལགས། བཀའ་སྩལ་པ། རིགས་ཀྱི་བུ་དཔེར་ན་བྱ་ཤང་ཤང་ཏེའུ་འམ། ཀ་ལ་པིང་ཀ་གང་གི་ཚེ་སྐད་འབྱིན་པ་དེའི་ཚེ། ཁྭ་ལྟར་སྐད་འབྱིན་ཅེས་བྱ་འམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། བྱ་གཞན་རྣམས་ཀྱི་སྐད་ནི་དེ
73b6 དག་གི་སྐད་ཀྱི་དཔེར་ཡང་མི་རུང་ལགས་སོ། །ཁྭའི་སྐད་ནི་ཤང་ཤང་ཏེའུ་དང་ཀ་ལ་པིང་ཀའི་སྐད་ཀྱི་བརྒྱའི་ཆར་ཡང་མི་སྤྱོད། སྟོང་གི་ཆར་ཡང་མི་སྤྱོད། གྲངས་དང་། ཆ་དང་། དཔེ་དང་། རྒྱུར་ཡང་མི་བཟོད་ལགས་སོ། །བྱ་དེ་དག་ནི་དཔེ་མ
73b7 མཆིས་པ་ལགས་སོ། །བཅོམ་ལྡན་འདས་དེ་བཞིན་གཤེགས་པའི་གསུང་ནི་རྒྱུའི་སྒོ་ནས་དཔེ་མ་མཆིས་པ་ལགས་སོ། །བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱིས་དེ་ལྟར་ཟབ་པར་བྱ་བའི་རིགས་ཏེ་ལེགས་སོ། །དེ་བས
73b8 ན་ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཐར་པའི་རྒྱུ་དང་དཔེ་གཞན་ནི་ལྷ་དང་མི་དང་ལྷ་མ་ཡིན་དང་བཅས་པའི་འཇིག་རྟེན་ན་མེད་དེ། དཔེ་མེད་བཞིན་དུ་གདུལ་བར་བྱ་བའི་དབང་གིས་ཡོན་ཏན་འདི་འདྲའོ། །དེ་འདྲའོ་ཞེས་དཔེས་བསྟན་ཏོ། །
iiif viewer powered by OpenSeadragon
