| e-texts navigator |
| Wylie |
73a1 ཡིན་པ་དེ་ནི་དེ་བཞིན་གཤེགས་པའོ། །འདོད་ཆགས་དང་བྲལ་བ་འགོག་པ་འདོད་ཆགས་དང་བྲལ་བ་འགོག་པ་ཞེས་བྱ་བ་ལ་སྲེད་པ་ཐམས་ཅད་ལ་ཞེན་པ་དང་། འདོད་པ་མ་ལུས་པ། ལུས་པ་མེད་པ། ལྷག་པ་མེད་པ། ཐམས
73a2 ཅད་ལས་འདོད་ཆགས་དང་བྲལ་བ་རྣམས་གཏན་ཏུ་རབ་ཏུ་ཞི་བར་གྱུར་པ་ནི་ཐར་པ་ཡིན་ཏེ་འཆིང་བ་ཐམས་ཅད་འགོག་པའོ། །དེ་ལྟར་འགོག་པ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །མྱ་ངན་ལས་འདས་པ་མྱ་ངན་ལས
73a3 འ་དས་པ་ཞེས་བྱ་བ་ནི་ཇི་ལྟར་རི་དགས་ཀྱི་ཁྱུ་རྔོན་པའི་ལག་ནས་ཤོར་བ་འཆི་བས་འཇིགས་ཤིང་སྐྲག་ནས་ཐབས་ཅི་ཡོད་པས་རྒྱུག་ཅིང་དྲང་སྲོང་གི་གནས་སུ་ཕྱིན་ནས་བདེ་བར་འགྱུར་ཞིང་དབུགས་ཕྱིན་པར་འགྱུར་བ་དེ་བཞིན་དུ་ཇི་ལྟར་དབུགས་ཕྱིན་ཅིང
73a4 བདེ་བར་འགྱུར་བ་དེ་ལྟ་བུར་སེམས་ཅན་མང་པོ་མྱ་ངན་ལས་འདས་པ་ཟད་མི་ཤེས་པ་སྲིད་པ་མངོན་པར་འདུ་བྱེད་པ་དང་། ཉོན་མོངས་པའི་རྣམ་པའི་སྒྲ་ཐམས་ཅད་ཀྱི་ལག་ནས། གལ་ཏེ་ཤོར་ནས་འཆི་བས་འཇིགས་ཤིང་སྐྲག་སྟེ། ཐབས་ཅི་ཡོད
73a5 པས་རྒྱུག་ཅིང་ཆོས་ཀྱི་དྲང་སྲོང་གི་གནས་དེ་བཞིན་གཤེགས་པ་ཐུབ་པའི་བཞུགས་ཡུལ་ཟླ་མེད་པའི་སྐྱབས་སུ་དོང་ནས་དབུགས་ཕྱིན་པར་གྱུར་ཏེ། དེ་དག་གང་གི་ཚེ་དབུགས་ཕྱིན་ཅིང་བདེ་བར་གྱུར་པ་དེ་ནི་མྱ་ངན་ལས་འདས་པ་ཟད་མི་ཤེས་པའི་མྱ་ངན་ལས་འདས
73a6 པའོ། ། །། བམ་པོ་བདུན་པ། དེ་ནས་བཅོམ་ལྡན་འདས་ལ་འོད་སྲུང་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ། །གལ་ཏེ་དེ་ལགས་ན་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པ་རྣམས་མ
73a7 མཆིས་པའི་སླད་དུ་ལུས་ཡོངས་སུ་གཏོང་བའི་སྒོ་ནས་མྱ་ངན་ལས་འདས་པ་མཆོག་ཏུ་བདེ་བ་འཐོབ་པར་མི་འགྱུར་ཏེ། གསུམ་ལ་སྐྱབས་སུ་མཆིས་པ་རྣམས་མྱ་ངན་ལས་འདའ་བར་མི་འགྱུར་ལགས་སོ། །བཀའ་སྩལ་པ། ཇི་ལྟར་མི་བརྒྱལ་བ་ལས་སངས
73a8 པའི་དྲུང་དུ་མི་དག་དོང་སྟེ། ཁྱོད་སངས་ཤིང་བདེ་བར་གྱུར་ཏམ་ཞེས་དྲིས་ན། དེ་སངས་ནས་བདག་སངས་ཏེ་བདེ་བར་གྱུར་ཏོ་ཞེས་ཟེར་ཏེ། དེ་བརྒྱལ་བ་ལས་སངས་པ་བཞིན་དུ་སྲིད་པ་ཉི་ཤུ་རྩ་ལྔ་པོ་ཐམས་ཅད་ལས་གྲོལ་ན་སངས་རྒྱས་ཀྱི་ཡོངས་སུ་མྱ་ངན་ལས
iiif viewer powered by OpenSeadragon
