| e-texts navigator |
| Wylie |
72a1 ཕྱུག་ཐོབ་ནས་མཐུ་ཆེ་ཞིང་བག་ཡངས་སུ་འདུག་པ་བཞིན་དུ་ཕུང་པོ་ཡོངས་སུ་སྤངས་པ་ནི་ཐར་པ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །མཐར་ཐུག་པ་མཐར་ཐུག་པ་ཞེས་བྱ་བ་ནི་ཉོན་མོངས་པ་མི་གཙང་བ་ཟད
72a2 པ་སྟེ། ཐར་པ་ནི་རྒྱལ་པོའི་བརྩོན་ར་ནས་ཕྱིན་པའི་མི་དང་འདྲའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པ་སྟེ། བཅོས་མ་མ་ཡིན་པའི་བདེ་བའོ། །འདོད་ཆགས་དང་ཞེ་སྡང་དང་གཏི་མུག་སྤོང་བ་འདོད་ཆགས་དང་ཞེ་སྡང་དང་གཏི་མུག་སྤོང་བ་ཞེས
72a3 བྱ་བ་ནི་གསུམ་གྱི་བཏང་བ་སྟེ། ཇི་ལྟར་མི་སྦྲུལ་གདུག་པས་ཟིན་པ་བདག་ཉིད་སོས་པར་བྱ་བའི་ཕྱིར་བད་ཀན་སྐྱུག་པར་བྱེད་པ་བཞིན་དུ་ཉོན་མོངས་པའི་བད་ཀན་ཟད་པ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཉོན་མོངས་པ་སྤོང་བ
72a4 ཉོན་མོངས་པ་སྤོང་བ་ཞེས་བྱ་བ་ལ་སྦྲུལ་གདུག་པ་འདྲ་བའི་ཉོན་མོངས་པ་ཟད་པ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཕུང་པོ་སྤོང་བ་ཕུང་པོ་སྤོང་བ་ཞེས་བྱ་བ་ལ་སྡུག་བསྔལ་ཐམས་ཅད་བོར་ཏེ་ཤས་ཆེར་བདེ་བ་ནི་ཐར་པའོ། །ཐར
72a5 པ་གང་ཡིན་པ་དེ་ནི་དེ་བཞིན་གཤེགས་པའོ། །འདོད་ཆགས་དང་ཞེ་སྡང་དང་གཏི་མུག་ཟད་པ་འདོད་ཆགས་དང་ཞེ་སྡང་དང་གཏི་མུག་ཟད་པ་ཞེས་བྱ་བ་ལ་གསུམ་ཟད་པར་བྱས་ཏེ་རྩ་ནས་བཏོན་པ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །
72a6 ཕུང་པོ་ཐམས་ཅད་སྤངས་པ་ཕུང་པོ་ཐམས་ཅད་སྤངས་པ་ཞེས་བྱ་བ་ནི་ཉེས་པ་ཐམས་ཅད་སྤངས་པ་སྟེ། ལེགས་པར་མཐོང་བའི་ཕྱིར་རོ། །དེ་ནི་ཐར་པ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །འདུས་བྱས་ཐམས་ཅད་སྤངས་པའི
72a7 དོན་འདུས་བྱས་ཐམས་ཅད་སྤངས་པའི་དོན་ཞེས་བྱ་བ་ནི་ཐར་པ་སྟེ། དགེ་བ་ཐམས་ཅད་སྒྲུབ་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ལམ་ཆད་པ་ལམ་ཆད་པ་ཞེས་བྱ་བ་ནི་བདག་མེད་པ་བསྒོམས་ནས་རྒྱུན་མི་འཆད་པའི་ཚུལ་གྱིས་བདག
72a8 མེད་པ་འཛིན་པ་དང་། བདག་བསྒོམས་ནས་རྒྱུན་མི་འཆད་པའི་ཚུལ་གྱིས་བདག་འཛིན་པ་དང་། གཉིས་ཀའི་ཕྱོགས་བསྒོམས་ནས་སངས་རྒྱས་ཀྱི་ཁམས་གང་ཡིན་པ་དེ་ནི་ཡོད་དོ་ཞེས་དེ་འཛིན་པ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན
iiif viewer powered by OpenSeadragon
