| e-texts navigator |
| Wylie |
71b1 ཡིན་པ་དེ་ནི་དེ་བཞིན་གཤེགས་པའོ། །རང་སངས་རྒྱས་ཀྱི་ཆོས་རང་སངས་རྒྱས་ཀྱི་ཆོས་ཤེས་བྱ་བ་ནི་ཇི་ལྟར་ཀླུ་ཤིང་གི་མེ་ཏོག་པ་མགལ་གྱི་མེ་ཏོག་མ་ཡིན་པ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཁམས
71b2 ཁམས་ཤེས་བྱ་བ་ལ་ཁམས་དེ་ནི་སེམས་ཅན་ཐམས་ཅད་ཀྱི་ཁམས་སོ། །སྲོག་དེ་ནི་སེམས་ཅན་ཐམས་ཅད་ཀྱི་སྲོག་གོ། །ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སྐྱེ་མཆེད་སྐྱེ་མཆེད་ཅེས་བྱ་བ་ནི་གང་ལ་འབྱུང་བའི་སྒོ
71b3 ཡོད་པ་སྟེ། བདག་མེད་པ་བསྒོམས་ནས་བདག་གི་ལམ་ལ་འཇུག་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །དགེ་བ་དགེ་བ་ཞེས་བྱ་བ་ནི་ཇི་ལྟར་རྗེས་སུ་བསྟན་པར་བྱ་བ་རྣམས་ལ་བླ་མའི་ཚིག་གཅིག་ཏུ་མེད་པ་ལྟ་བུའོ། །དགེ་བ་ཞེས
71b4 བྱ་བ་ནི་ལེགས་པ་ཡིན་ཏེ། དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །འཇིག་རྟེན་ལས་འདས་པ་འཇིག་རྟེན་ལས་འདས་པ་ཞེས་བྱ་བ་ནི་ཆོས་ཐམས་ཅད་ཀྱི་ནང་ན་གནས་ཀྱི་དམ་པ་སྟེ། དེ་ནི་ཐར་པའོ། །ཇི་ལྟར་བཅུད་ཐམས་ཅད་ཀྱི
71b5 ནང་ན་མཆོག་ནི་བའི་འོ་མ་ཡིན་པ་བཞིན་དུ་འཇིག་རྟེན་ལས་འདས་པ་དེ་ནི་ཐར་པ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །མི་གཡོ་བ་མི་གཡོ་བ་ཞེས་བྱ་བ་ནི་ཇི་ལྟར་སྒོ་གཏན་གྱི་རྟེན་མ་ཕྱོགས་བཞིའི་རླུང་གིས་བསྐྱོད་མི་ནུས་པ་བཞིན་དུ་ཐར་པ
71b6 ཡང་དེ་དང་འདྲ་བར་བརྟན་ཞིང་མི་གཡོ་བ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །རྒྱ་མཚོའི་རླབས་ནི་མི་བརྟན་པའི་རང་བཞིན་ཅན་ཡིན་ཏེ་ཐར་པ་ནི་དེ་ལྟ་མ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །གནས་གནས་ཤེས
71b7 བྱ་བ་ནི་རྒྱལ་པོའི་ཕོ་བྲང་ཁང་བཟང་འཕན་སྐྱོན་མེད་པ་དེ་ཡང་བཅོས་མ་ཡིན་ནོ། །ཐར་པ་དེ་ནི་དེ་ལྟ་མ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ངེས་པ་ངེས་པ་ཞེས་བྱ་བ་ནི་ཇི་ལྟར་འཛམ་བུ་ཆུ་བོའི་གསེར་སྐྱོན་མེད་ཅིང་ཐམས་ཅད་དུ་ལས་སུ་རུང
71b8 བ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཐར་པ་ནི་བྱིས་པའི་སྤྱོད་པ་ལྟ་བུ་མ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཤིན་ཏུ་སྦྱངས་པ་ཤིན་ཏུ་སྦྱངས་པ་ཞེས་བྱ་བ་ནི་ཇི་ལྟར་རྒྱལ་སྲིད་ཀྱི་དབང
iiif viewer powered by OpenSeadragon
