| e-texts navigator |
| Wylie |
70a1 བའི་ཚེ་ཁ་ཟས་ཀྱི་མཆོག་ཟོས་པའི་འོག་ཏུ་དར་བ་བཏུང་བའི་སེམས་སྐྱེ་བར་འགྱུར་བ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཆད་པ་ཆད་པ་ཞེས་བྱ་བ་ལ་སྲེད་པའི་ཞགས་པ་ལྟ་བུའི
70a2 ནང་གི་འདོད་པ་ཆད་པ་གང་ཡིན་པ་དེ་ནི་ཆད་པའི་སྒོ་ནས་ཐར་པ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཕ་རོལ་ཕ་རོལ་ཞེས་བྱ་བ་ནི་ཇི་ལྟར་ཆུ་ཀླུང་ལ་ཚུ་རོལ་དང་ཕ་རོལ་གྱི་འགྲམ་གཉིས་ཡོད་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཐར
70a3 པ་ནི་ཕ་རོལ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཆུ་ཀླུང་ཞེས་བྱ་བ་ལ་ཆུ་ཀླུང་ཉིད་དཔེར་རུང་བར་ཟད་ཀྱི་འཇིག་རྟེན་ན་ཆུ་ཀླུང་གཞན་དཔེར་རུང་བ་མེད་དོ། །ཆུ་ཀླུང་ཞེས་བྱ་བ་ནི་རྒྱ་མཚོ་ལ་བྱ་སྟེ། ཆུ་ཀླུང་ཐམས་ཅད་ཀྱི་ནང་ན་རྒྱ
70a4 མཚོ་འབའ་ཤིག་ཆུ་ཀླུང་ཡིན་པས་ན་རྒྱ་མཚོ་ནི་ཆུ་ཀླུང་ཞེས་བྱ་བའི་གྲངས་སུ་གཏོགས་སོ། །ཆུ་ཀླུང་ཞེས་བྱ་བ་ནི་སྒྲ་ཆེན་པོ་སྒྲོགས་པའི་ཕྱིར་ཏེ། ཐར་པ་ནི་ཆུ་ཀླུང་རྒྱ་མཚོའི་ཕ་རོལ་དང་འདྲའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །བཟང
70a5 པོ་བཟང་པོ་ཞེས་བྱ་བ་ནི་གང་ལ་ཀོ་ཤ་ཏ་ཀའི་འབྲས་བུ་ལྟ་བུའི་རོ་ཚ་བ་མེད་པ་སྟེ། ཐར་པ་ནི་ཀོ་ཤ་ཏ་ཀའི་འབྲས་བུ་ལྟ་བུ་མ་ཡིན་གྱི་ཐར་པ་ནི་རྒུན་འབྲུམ་ལྟ་བུ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཇི་ལྟར་སྨན་པ་རྩི་དང་སྨན་ཐམས
70a6 ཅད་ཀྱིས་སེམས་གནས་པར་བྱས་ནས་ནད་དོ་ཅོག་སེལ་བ་དེ་བཞིན་དུ་ཐར་པ་ཡང་ཉེས་པ་ཐམས་ཅད་དང་བྲལ་བའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །འདུན་པ་དྲག་པོ་འདུན་པ་དྲག་པོ་ཞེས་བྱ་བ་ནི་ཇི་ལྟར་གྲོང་ཆུང་ངུར་སྐྱེ་བོ་ཕལ་པོ་ཆེ
70a7 འཇུག་པའི་སྐབས་མེད་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སྲིད་པ་དགའ་བ་ཟད་པ་ཞེས་བྱ་བ་ནི་སྒྱུ་མ་སྤྲུལ་པ་དང་བྲལ་བ་ལྟ་བུ་སྟེ། གང་ལ་སྐྱེས་པ་དང་བུད་མེད་འཁྲིག་པའི་ཆོས་ཅན་རྣམས་ཀྱི་ཕན
70a8 ཚུན་དུ་གཏམ་ཟེར་བ་ཡོད་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། རང་བཞིན་གྱིས་ངོ་བོ་ཉིད་ཀྱི་ཆོས་ཅན་འདོད་ཆགས་དང་། ཞེ་སྡང་དང་གཏི་མུག་དང་བྲལ་བ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སྐོམ་པ་འདུལ་བ
iiif viewer powered by OpenSeadragon
