| e-texts navigator |
| Wylie |
6b1 འདས་ལ་སྤོས་དང་མེ་ཏོག་ཕྲེང་དང་། ཕྱེ་མ་དང་ཕྱེ་མ་ཞིབ་བུ་དང་གདུགས་དང་རྒྱལ་མཚན་དང་བ་དན་དང་བླ་རེ་རྒྱ་ཆེན་པོ་དག་གིས་མཆོད་ནས་ལན་འབུམ་བསྐོར་བ་བྱས་ཏེ། མིག་ནས་མཆི་མ་རྒྱུན་མི་ཆད་པར་ཆར་བཞིན་དུ་ཕབ་ནས། བདག
6b2 ཉིད་ལ་སྡུག་བསྔལ་གྱི་རྣམ་པ་མང་པོ་བྱེད་ཅིང་། ཀྱེ་མ་འཇིག་རྟེན་སྟོངས་པར་འགྱུར་རོ། །ཀྱེ་མ་འཇིག་རྟེན་སྟོངས་པར་འགྱུར་རོ་ཞེས་དེ་སྐད་དུ་སྐད་པོ་ཆེ་འདོན་ཏེ། དེ་བཞིན་གཤེགས་པའི་ཞབས་དྲུང་ན་སྲོག་ཆགས་ཤི་ཤུ་མ་ར་བཞིན
6b3 དུ་འགྲེ་ལྡོག་ཅིང་གསོལ་བ་འདེབས་ཏེ། བཅོམ་ལྡན་འདས་དེ་བཞིན་གཤེགས་པ་དགེ་སློང་གི་དགེ་འདུན་གྱི་འཁོར་དང་བཅས་པས་བདག་གིས་སྦྱར་བའི་བཤོས་གསོལ་བར་ཅི་གནང་། བཅོམ་ལྡན་འདས་བདག་ལ་ཐུགས་བརྩེ་བའི
6b4 སླད་དུ་སྦྱིན་པའི་ཐ་མ་དེ་བཞིན་གཤེགས་པས་བཞེས་སུ་གསོལ་ཞེས་གསོལ་བ་འདེབས་སོ། །དེ་ནས་བཅོམ་ལྡན་འདས་ཐམས་ཅད་མཁྱེན་བཞིན་དུ་ཅང་མི་གསུང་བར་གྱུར་ཏོ། །དེ་དག་གིས་ལན་གཉིས་ལན་གསུམ་དུ་དེ་སྐད་ཅེས་གསོལ་ཀྱང་།
6b5 ལན་གཉིས་ལན་གསུམ་དུ་བཅོམ་ལྡན་འདས་ཅང་མི་གསུང་བར་གྱུར་ཏོ། །དེ་ནས་དགེ་བསྙེན་གྱི་ཚོགས་དེ་དག་རེ་ཐག་ཆད་དེ་ཅང་མི་ཟེར་བར་འཁོད་ནས། བུ་གཅིག་པ་ཤི་ནས་དུར་ཁྲོད་དུ་བོར་མ་ཐག་པའི་ཕ་མ་འགྲེ་ལྡོག་པ་བཞིན་དུ་ཤིན
6b6 ཏུ་སྡུག་བསྔལ་བར་གྱུར་ཏོ། །དེ་བཞིན་དུ་དགེ་བསྙེན་དེ་དག་ཐམས་ཅད་མཆོག་ཏུ་སྡུག་བསྔལ་བར་གྱུར་པ་ལས་ལངས་ཏེ། རང་རང་གི་མཆོད་པའི་ཡོ་བྱད་རྣམས་བསྡུས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་བསླབ
6b7 པ་ཨའི་གཞི་ལྔ་བླངས་ཤིང་ཚུལ་ཁྲིམས་དང་ཆོ་ག་དང་ཡོན་ཏན་དང་ལྡན་པ་དང་དམ་པའི་ཆོས་ཀྱི་གཅེས་པ་འཛིན་པའི་དགེ་བསྙེན་མ་ཚོང་དཔོན་གྱི་བུ་མོ་འཚོ་བའི་དཔལ་ལ་སོགས་པ་དགེ་བསྙེན་མ་གང་གཱའི་ཀླུང་གསུམ་གྱི་བྱེ་མ་སྙེད་ཐམས་ཅད་ཀྱང
6b8 བུད་མེད་ཀྱི་གཟུགས་ཀྱིས་སེམས་ཅན་བྱེ་བ་ཕྲག་མང་པོ་ངེས་པར་སྒྲོལ་བ། ཁྱིམ་གྱི་གནས་ལ་སྨོད་པ་ཤ་སྟག་སྟེ། ལུས་འདི་ནི་ཉེས་པའི་ཁམས་བརྒྱད་བཅུ་རྩ་བཞི་ལས་ལྷགས་པས་བསྡུས་པའོ། །ལུས་འདི་ནི་སྲིན་བུའི་རིགས་བྱེ་བ་ཕྲག
iiif viewer powered by OpenSeadragon
