| e-texts navigator |
| Wylie |
6a1 ཆེན་པོའི་བླ་རེ་རྣམས་ནི་བྲེས། གདུགས་དཀར་པོ་རྣམས་ཀྱིས་ནི་ཉི་མཚན་བསྒྲིབས། རྔ་ཡབ་དཀར་པོ་རྣམས་ཀྱིས་ནི་གཡབས། རྒྱབ་རྟེན་གླང་པོ་ཆེའི་མཆེ་བ་ལ་ཆུ་སྲིན་མ་ཀ་ར་རྟེན་པའི་ཁ་ནས། ཟླ་བ་ཉ
6a2 བའི་འོད་ཟེར་ལྟར་དཀར་བའི་མུ་ཏིག་གི་ཆུན་པོ་འབྱུང་ཞིང་སྤྱངས་པ་དང་ལྡན་པ་རྣམས་ནི་བཅས། ས་ཕྱོགས་རྣམས་ནི་མེ་ཏོག་དྲི་ཞིམ་པོའི་སིལ་མས་གཏོར་ཏོ། །དགེ་བསྙེན་དེ་དག་རེ་རེ་ནས་ཀྱང་འདི་སྙམ་དུ་སེམས་ཏེ། བདག་གིས
6a3 སེམས་ཅན་ཐམས་ཅད་ལ་ཟས་འདོད་པ་རྣམས་ལ་ནི་ཟས་སྦྱིན་ནོ། །སྐོམ་འདོད་པ་རྣམས་ལ་ནི་སྐོམ་སྦྱིན་ནོ། །མགོ་བོ་དང་མིག་ལ་སོགས་པ་ཡན་ལག་དང་ཉིང་ལག་ཐམས་ཅད་འདོད་པ་རྣམས་ལ་ཡང་ཇི་ལྟར་འདོད་པ་བཞིན་དུ་སྦྱིན
6a4 ནོ། །དབུལ་པོ་དང་བཀྲེན་པ་དང་ཕོངས་པ་རྣམས་ལ་ཡང་འདོད་པ་དང་དུག་དང་གནོད་པ་དང་མ་བརྟགས་པའི་སྦྱིན་པ་རྣམས་མ་གཏོགས་པར་གང་དང་གང་དག་ཅི་དང་ཅི་འདོད་པ་དེ་དང་དེ་དག་ཆོག་པར་སྦྱར་རོ་སྙམ་དུ་སེམས་ཀྱི། གཞན་ནི
6a5 ཅི་ཡང་མི་སེམས་སོ། །དེ་བཞིན་དུ་དགེ་བའི་བཤེས་གཉེན་གྱི་སྡེ་ཚན། བྱང་ཆུབ་སེམས་དཔའི་སྤྱོད་པ་ལ་གནས་པ་དེ་དག་ཐམས་ཅད་ཀྱིས་བསམས་པ། དེ་བཞིན་གཤེགས་པ་ལ་བདག་གིས་བཤོས་གསོལ་ཏེ་ཡོངས་སུ་མྱ
6a6 ངན་ལས་འདའ་བར་བྱའོ། །དེ་བཞིན་གཤེགས་པ་ལ་བདག་གིས་བཤོས་གསོལ་ཏེ། ཡོངས་སུ་མྱ་ངན་ལས་འདའ་བར་བྱའོ་སྙམ་སྟེ། སོ་སོ་ནས་དེ་འབའ་ཞིག་སྙིང་ལ་སེམས་ཤིང་ཡན་ལག་ཐམས་ཅད་ཀྱི་བ་སྤུ་རྒྱ་སྐྱེགས
6a7 ཀྱི་ཤིང་གི་མེ་ཏོག་ལྟར་རྩ་དམར་བ་ནི་ལངས། མིག་ནི་མཆི་མ་ཁྲག་ལྟ་བུས་གང་སྟེ། མཆོག་དུ་སྡུག་བསྔལ་བའི་ཚོར་བ་དང་ལྡན་ནས། རང་རང་གི་མཆོད་པའི་ཡོ་བྱད་བུད་ཤིང་དང་ཡམ་སྲེག་ཤིང་དང་ཤིང་རྟ་དང་རྒྱལ་མཚན་དང
6a8 གདུགས་དང་བ་དན་རྣམས་དང་ཆས་ཏེ་ཞལ་ཟས་ཀྱི་མཆོག་གིས་སྒྱུར་བའི་སྣོད་རྣམས་ཐོགས་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན
iiif viewer powered by OpenSeadragon
