| e-texts navigator |
| Wylie |
69b1 མེད་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཉོན་མོངས་པ་མེད་པ་ཉོན་མོངས་པ་མེད་པ་ཞེས་བྱ་བ་ནི་ཇི་ལྟར་མིའི་ཆང་པར་སྐྱུ་རུ་ར་གཟུང་དུ་ཡོད་པ་བཞིན་དུ་ཐར་པ་ནི་དེ་དང་འདྲ་བར་ཅི་ཡང་གཟུང་དུ་མེད་དོ། །ཉོན་མོངས་པ
69b2 མེད་པ་ཞེས་བྱ་བ་ནི་ཇི་ལྟར་སྒྱུ་མ་མཁན་གྱིས་སྤྲུལ་པའི་སྒྱུ་མ་ལ་ཅི་ཡང་གཟུང་དུ་མེད་པ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སྐྱོན་མེད་པའི་ལུས་སྐྱོན་མེད་པའི་ལུས་ཞེས་བྱ་བ་ནི་ཇི་ལྟར་མིའི་ལུས་ལ་སྨེ
69b3 བ་དང་། ཤུ་བ་དང་། མཛེ་དང་། ལྤགས་པའི་ནད་དང་། སྐྱོན་རྣམས་མེད་པར་གྱུར་པ་བཞིན་དུ་ཐར་པ་ནི་དེ་ལྟ་མ་ཡིན་ནོ། །སྐྱོན་མེད་པའི་ལུས་ཞེས་བྱ་བ་ནི་ཇི་ལྟ་བའི་འོ་མ་རང་བཞིན་གྱིས་མདོག་གཅིག་པ་བཞིན་དུ་ཐར་པ་ཡང་མཚན་ཉིད་གཅིག་པ་སྟེ།
69b4 ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །དག་པ་དག་པ་ཞེས་བྱ་བ་ནི་ཇི་ལྟར་རྙོག་པའི་དྲི་མ་དང་འདྲེས་པའི་ཆུའི་ནང་དུ་ཀ་ཏ་ཀའི་འབྲས་བུ་བདར་ན་ཆུའི་རང་བཞིན་དག་པར་འགྱུར་བ་བཞིན་དུ་ཐར་པ་ནི་དེ་ལྟ་མ་ཡིན་ནོ། །དག་པ་ཞེས་བྱ་བ་ནི་ཇི་ལྟར
69b5 ནམ་མཁའ་ལ་ཆར་པའི་ཆུ་རོ་གཅིག་ཅིང་རྣམ་པར་དག་པ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །གྲོལ་བ་གྲོལ་བ་ཞེས་བྱ་བ་ལ་ཐར་པ་ནི་ཟླ་བ་ཚེས་བཅཝ་ལྔ་དྲི་མ་མེད་པ་དང་འདྲ་སྟེ་ཟླ་བ་སྤྲིན་གྱིས་གཡོགས་པ་ལྟ
69b6 བུ་མ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཞི་བ་ཞི་བ་ཞེས་བྱ་བ་ནི་ཇི་ལྟར་སེམས་ཅན་རིམས་ནད་ཀྱིས་ཐེབས་པ་ལས་རིམས་ནད་དང་བྲལ་བར་འགྱུར་བ་དེ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཞི་བ་ཞེས་བྱ་བ་ལ་ཐར་པ་ནི་སེམས་ཅན
69b7 ནད་མེད་ཅིང་གནོད་པ་མེད་པ་བཞིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །མཉམ་པ་ཉིད་མཉམ་པ་ཉིད་ཅེས་བྱ་བ་ནི་ཇི་ལྟར་ལུག་ཐུག་རེ་གཉིས་ཕན་ཚུན་འཐབ་པ་ན་སྟོབས་མཉམ་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཇི་ལྟར་མ་དང་བུ
69b8 འཐུན་པར་སྨྲ་བ་དེ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཉེ་བར་ཞི་བ་ཉེ་བར་ཞི་བ་ཞེས་བྱ་བ་ལ་གནས་ཀྱི་མཆོག་དེ་ཐོབ་པ་ནི་གནས་གཞན་འདོད་མི་སྲིད་དོ། །ཆོག་མི་ཤེས་པ་ཞེས་བྱ་བ་ནི་ཇི་ལྟར་ཉམ་ཆུང
iiif viewer powered by OpenSeadragon
