| e-texts navigator |
| Wylie |
68a1 ཅི་ཡང་མེད་པ་ཅི་ཡང་མེད་པ་ཞེས་བྱ་བ་ནི་ཇི་ལྟར་མི་མཛའ་བོ་དང་དགྲ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཅི་ཡང་མེད་པ་ཞེས་བྱ་བ་ནི་ཇི་ལྟར་འཁོར་ལོས་སྒྱུར་བའི་རྒྱལ་པོ་ལ་དགྲ་ཡོད་ཅེས་བྱ་བ་ནི་མི་སྲིད་དེ་ཐར་པ་ཡང་དེ་དང་འདྲའོ། །
68a2 ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཅི་ཡང་མེད་པ་ཞེས་བྱ་བ་ནི་ཇི་ལྟར་རས་དཀར་པོ་དགོས་པ་འགའི་ཕྱིར་བསྒྱུར་ན་སྔོན་པོ་དང་དམར་པོར་འགྱུར་བ་བཞིན་དུ་ཐར་པ་ནི་དེ་ལྟ་མ་ཡིན་ནོ། །ཅི་ཡང་མེད་པ་ཞེས་བྱ་བ་ནི་ཇི་ལྟར་ཀླུ་ཤིང་གི་མེ་ཏོག་དྲི་ང་བར་འགྱུར་བ་འམ་སྔོན
68a3 པོར་འགྱུར་མི་སྲིད་པ་བཞིན་དུ་ཐར་པ་ཡང་དེ་དང་འདྲ་སྟེ། ཅུང་ཟད་ཅིག་ཡོད་དོ་ཞེས་བྱ་བ་མི་སྲིད་དེ་མེ་ཏོག་དེའི་དྲི་གཅིག་པུ་ཁོ་ནར་ཟད་པ་བཞིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ངོ་མཚར་ངོ་མཚར་ཞེས་བྱ་བ་ནི་ཇི་ལྟར་ཆུའི
68a4 ནང་ན་པད་མ་ཡོད་པ་ངོ་མཚར་མི་ཆེ་བ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ངོ་མཚར་ཞེས་བྱ་བ་ནི་ཇི་ལྟར་མེའི་ནང་དུ་མེ་ཏོག་པད་མ་རྒྱས་པ་མཐོང་ན་དགའ་བ་སྐྱེད་པ་དེ་བཞིན་དུ་ཐར་པ་ཡོད་ན་དགའ་བ་སྐྱེ་བར་འགྱུར་རོ། །ཐར་པ་གང་ཡིན་པ་དེ་ནི་དེ་བཞིན
68a5 གཤེགས་པའོ། །རྨད་དུ་བྱུང་བ་རྨད་དུ་བྱུང་བ་ཞེས་བྱ་བ་ནི་ཇི་ལྟར་བྱིས་པའི་སོ་རྣམས་ཕྱིས་སྐྱེ་བ་དེ་བཞིན་དུ་ཐར་པ་ནི་དུས་ལ་བབ་པ་དང་། དུས་ལ་མ་བབ་པ་ལས་འགྱུར་བ་མེད་དོ། །ཡ་མཚན་ཞེས་བྱ་བ་ནི་ཇི་ལྟར་འདོད་ཆེན་པ་རྣམས་ཀྱིས་འདོད་ཆེན
68a6 པར་ལྟུང་བ་སངས་རྒྱས་སུ་འགྱུར་ཞེས་བྱ་བ་ནི་མི་སྲིད་དོ། །གང་གི་ཚེ་དམ་པའི་ཆོས་ལ་དད་པ་དང་ལྡན་པ་འམ་དགེ་བསྙེན་དུ་གྱུར་པ་དེའི་ཚེ་ཐར་པ་ཟད་པར་འགྱུར་རོ་ཞེས་བྱ་བ་ནི་མི་སྲིད་དེ། ཁམས་དེ་ནི་རང་བཞིན་གྱིས་རྨད་དུ་བྱུང་བའོ། །དེ་བས་ན་ཐར
68a7 པ་ནི་རྨད་དུ་བྱུང་བ་ཞེས་བྱའོ། །འདོད་ཆེན་པའི་ལྟར་དེ་བཞིན་གཤེགས་པ་ནི་ཟད་པ་མེད་དོ། །དགེ་བའི་རྩ་བའི་སེམས་ལ་དམིགས་པ་ལ་ནི་ཆོས་རྣམས་སྐྱེ་བ་མེད་དེ། སྐྱེ་བ་མེད་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས
68a8 པའོ། །དཔག་ཏུ་མེད་པ་དཔག་ཏུ་མེད་པ་ཞེས་བྱ་བ་ནི་ཇི་ལྟར་འབྲུའི་ཕུང་པོ་འམ་འབྲས་སཱ་ལུའི་ཕུང་པོ་གཞལ་དུ་ཡོད་པ་བཞིན་དུ་ཐར་པ་ནི་དེ་ལྟ་མ་ཡིན་ནོ། །དཔག་ཏུ་མེད་པ་ཞེས་བྱ་བ་ནི་ཇི་ལྟར་རྒྱ་མཚོའི་ཆུ་དཔག་ཏུ་མེད་པ་དེ་བཞིན་དུ་ཐར་པ་ཡང
iiif viewer powered by OpenSeadragon
