| e-texts navigator |
| Wylie |
67a1 འབྲས་བུ་བརྔས་ནས་སོ་གའི་དུས་སུ་ཁང་ཏོག་ཏུ་བཏིང་ན། ཀུན་ནས་ཙེག་ཙེག་ཟེར་ཞིང་ཀུན་ནས་འགས་པ་དེ་བཞིན་དུ་ཐར་པ་ནི་དེ་ལྟ་མ་ཡིན་ནོ། །སོབ་སོབ་པོ་མ་ཡིན་པའི་ཆོས་ཅན་ཞེས་བྱ་བ་ནི་ཇི་ལྟར་ལྕགས་དང་རྡོ་རྗེའི་བུམ
67a2 པ་ཤིང་སྟག་པ་སྟོང་གི་མདས་འཕངས་ཀྱང་ཕིགས་པར་མི་ནུས་པ་དེ་བཞིན་དུ་སོབ་སོབ་པོ་མ་ཡིན་པའི་ཆོས་ཅན་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཅི་བྱར་ཡང་མེད་པ་ཅི་བྱར་ཡང་མེད་པ་ཞེས་བྱ་བ་ནི་ཇི་ལྟར་མི་དབུལ་པོ
67a3 ཞིག་ལ་བུ་ལོན་ཆགས་པ་ལས་ཕྱུག་པོའི་ལག་ཏུ་འོངས་ནས་ཉོན་མོངས་སུ་ཟིན་ཀྱང་ཅི་ཡང་འཇལ་དུ་མེད་ནས་བཏང་བ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཅི་བྱར་ཡང་མེད་པ་ཞེས་བྱ་བ་ནི་ཇི་ལྟར་མི་ནོར་བྱེད་པ་བདོག་པ་སུའི་བུ་ལོན་ཡང་མ་ཆགས
67a4 པ་དེ་བཞིན་དུ་ཆོས་བྱེ་བ་ཕྲག་མང་པོ་བདོག་པའི་མཆོག་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཅི་བྱར་ཡང་མེད་པའི་ཆོས་ཅན་ཅི་བྱར་ཡང་མེད་པའི་ཆོས་ཅན་ཞེས་བྱ་བ་ནི་ཇི་ལྟར་མི་དབུལ་པོས་རང་གི་ཁྱིམ་ན་གང་ན་ཡང
67a5 ནོར་མེད་དེ། བདག་གིས་སྐྱིན་པོ་བླང་ངོ་སྙམ་ནས་དེས་སེམས་ཁོངས་སུ་ཆུད་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཅི་བྱར་ཡང་མེད་པའི་ཆོས་ཅན་ཞེས་བྱ་བ་ནི་ཇི་ལྟར་ཁྱིམ་བདག་ནོར་བྱེ་བ་བདོག་པ་ཉི་མ་དང་ཟླ་བ་ལ་ཡང་རག་མ་ལུས་ཏེ། དེ་ལྟར་འབྱོར
67a6 པ་དང་ལྡན་པའི་ཁྱིམ་བདག་གིས་ནི་ཉི་མ་ལྷན་ནེར་འདུག་གོ་ཞེ་འམ། ཟླ་བ་ཤར་ཏོ་ཞེས་བྱ་བའི་སྒྲ་ཡང་མི་ཐོས་སོ། །དེ་ལྟར་མཆོག་ཏུ་སྐྱིད་པའི་ཁྱིམ་བདག་འཁོར་ལོས་སྒྱུར་བའི་རིགས་སུ་སྐྱེས་པ་དེ་ནི་ཕྱི་སྲིད་དུ་བྱ་བའི་ཕྱིར་གཞན་ལས་སྐྱིན་མ་ལེན་ཅེ་འམ།
67a7 ཡང་ན་གཞན་གྱིས་འདི་ནི་ཕ་རོལ་ལས་སྐྱིན་མོ་ལེན་ཅིང་ཟའོ་ཞེས་བརྗོད་པ་མེད་དེ་དེ་ནི་མི་སྲིད་དོ། །དེ་བཞིན་དུ་ཐར་པ་ཡང་ཐར་པའི་གནས་ལེན་ཏོ་ཞེས་བྱ་བ་དེ་ནི་མི་སྲིད་དོ། །དེ་བས་ན་ཅི་བྱར་ཡང་མེད་པའི་ཆོས་ཅན་ནི་ཐར་པའོ། །ཐར་པ་གང་ཡིན་པ་དེ་ནི་དེ
67a8 བཞིན་གཤེགས་པའོ། །གནོད་པ་མེད་པ་གནོད་པ་མེད་པ་ཞེས་བྱ་བ་ནི་ཇི་ལྟར་སོ་གའི་དུས་སུ་ཧ་ཅང་ཚ་ཆེས་པ་བསྟེན་པ་དང་། དབྱར་གྱི་དུས་སུ་ཧ་ཅང་མངར་ཆེས་པ་བསྟེན་པ་དང་། དགུན་གྱི་དུས་སུ་ཧ་ཅང་བསིལ་ཆེས་པ་བསྟེན་པས་བདག་ཉིད་གནོད་པ
iiif viewer powered by OpenSeadragon
