| e-texts navigator |
| Wylie |
66a1 བས་མ་རུང་བར་གྱུར་པ་མ་ཡིན་ཏེ། ཐར་པ་ནི་ཇི་ལྟར་མེ་ཏོག་ཀུ་མུ་ད་དཀར་པོ་བཞིན་དུ་གསལ་བའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །འདོད་པའི་ཉེས་པ་སྣ་ཚོགས་བསྟན་པ་ནི་ཐབས་ཡིན་པར་བལྟ་བར་བྱའོ། །དེ་བས
66a2 ན་དེ་བཞིན་གཤེགས་པ་ནི་ཉོན་མོངས་པ་ཅན་མ་ཡིན་པའོ། །ཟག་པ་མེད་པ་ཟག་པ་མེད་པ་ཞེས་བྱ་བ་ནི་རྨ་མེད་པའི་དོན་ཏེ་དེ་ནི་ཐར་པ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པ་སྟེ། དེ་བས་ན་ཟག་པ་མེད་པ་ཞེས་བྱའོ། །གནོད་པ་མེད་པ
66a3 གནོད་པ་མེད་པ་ཞེས་བྱ་བ་ནི་ཇི་ལྟར་བཀྲེས་པས་གཡོས་བྱེད་པ་མ་མཐོང་ན་གནོད་པར་འགྱུར་བ་དེ་བཞིན་དུ་ཐར་པ་ནི་དེ་ལྟ་མ་ཡིན་ཏེ། གནོད་པ་མེད་པ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཞི་བ་ཞི་བ་ཞེས
66a4 བྱ་བ་ནི་འཇིག་རྟེན་པ་རྣམས་ཀྱི་ནི་ལྷའི་གཟུགས་ལ་ཞི་བ་ཞི་བ་ཞེས་བྱ་བས་ན་དེ་ནི་བརྫུན་ཏེ་ཐར་པ་མ་ཡིན་ནོ། །རང་བཞིན་གྱིས་ཞི་བ་གང་ཡིན་པ་དེ་ནི་ཐར་པ་སྟེ། གང་གི་ཕྱིར་སེམས་ཅན་ཐམས་ཅད་ཀྱི་ཞི་བའི་མཆོག་ཡིན་པས་ན་དེའི་ཕྱིར་ཞི་བ
66a5 ཞེས་བྱའོ། །ཞི་བ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །བདེ་བ་བདེ་བ་ཞེས་བྱ་བ་ནི་ཇི་ལྟར་ཆོམ་རྐུན་གྱིས་འཇིགས་ནས་ལམ་བདེ་བར་འགྲོ་བ་བཞིན་དུ་ཐར་པ་ནི་དེ་ལྟ་མ་ཡིན་ཏེ། རང་བཞིན་གྱིས
66a6 བདེ་བ་དེ་ལ་ནི་འཇིགས་པའི་མིང་ཡང་མེད་དེ། དེ་བས་ན་བཅོས་མ་མ་ཡིན་པའི་བདེ་བ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སེམས་ཅན་ཐམས་ཅད་ལ་བདེ་བ་བྱེད་པ་ནི་དེ་བཞིན་གཤེགས་པའོ། །གཉེན་པོ་མེད་པ
66a7 གཉེན་པོ་མེད་པ་ཞེས་བྱ་བ་ལ་གཉེན་པོ་མེད་པ་ཞེས་བྱ་བ་ནི་ཇི་ལྟར་རྒྱལ་པོ་ཤིར་དོགས་ཤིང་འཇིགས་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཐར་པ་ནི་ཡེ་རང་བཞིན་གྱིས་གཉེན་པོ་མེད་པའོ། །གཉེན་པོ་མེད་པ་ཞེས་བྱ་བ་ནི་འཁོར་ལོས་སྒྱུར་བའི
66a8 རྒྱལ་པོ་ལྟ་བུ་སྟེ། དེ་ལ་གཞན་སླར་འཇིགས་པར་བྱེད་ནུས་པ་སུ་ཡང་མེད་དེ་ཡོད་མི་སྲིད་དོ། །དེ་བཞིན་དུ་ཐར་པ་ལ་ཡང་ཐར་པའི་ཆོས་གཞན་ཟླར་གྱུར་པ་མེད་དེ་ཡོད་མི་སྲིད་དོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །དེ་བཞིན་གཤེགས
iiif viewer powered by OpenSeadragon
