| e-texts navigator |
| Wylie |
4b1 ཚུལ་ཁྲིམས་བླངས་པ། ཐེག་པ་ཆེན་པོས་སྐོམ་ལ་ངོམས་ནས་ཀྱང་གཞན་སྐོམ་པ་དག་ངོམས་པར་བྱའོ་སྙམ་དུ་དམ་བཅས་པ་ཐེག་པ་ཆེན་པོ་ལ་སྲེད་པ། ཐེག་པ་ཆེན་པོ་ལ་སེར་སྣ་མེད་པ་འཇིག་རྟེན་ཐམས་ཅད་དང་འཐུན་པར
4b2 བྱེད་ནུས་པ་ཤ་སྟག་དང་བདག་ཅག་རྒལ་ནས་གཞན་བསྒྲལ་བར་བྱའོ། །བདག་ཅག་གྲོལ་ནས་གཞན་དགྲོལ་བར་བྱའོ། །དཀོན་མཆོག་གསུམ་གྱི་གདུང་མི་ཆད་པར་བྱའོ། །ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་སློབ་པར་འདོད
4b3 པ། གོ་ཆ་ཆེན་པོ་བགོས་པ་བསླབ་པ་རྣམས་ལ་སེམས་གུས་པ་དང་། དེ་བཞིན་དུ་ཡོན་ཏན་གྲངས་མེད་པ་དང་ལྡན་པ། བུ་གཅིག་པ་ལ་བྱ་བ་བཞིན་དུ་སེམས་ཅན་ཐམས་ཅད་ལ་སྙིང་རྗེ་དང་ལྡན་པ་ཤ་སྟག་སྟེ། དེ་དག་ཀྱང་ཉི་མ
4b4 འ་ཆར་ཀར་དེ་བཞིན་གཤེགས་པའི་གདུང་ཞུགས་ལ་བཞེན་པའི་ཕྱིར་རེ་རེས་ཀྱང་ཙན་དན་དང་ཨ་ག་རུ་དང་ཐང་ཤིང་གི་མཆོག་དང་ཙན་དན་ས་མཆོག་པའི་བུད་ཤིང་རྣམས་དང་ཡམ་སྲེག་ཤིང་དྲི་བསུང་དང་ལྡན་པ་ཡོན་ཏན་ཅན་ལྔ་སྟོང་ལྔ་སྟོང
4b5 ཁྱེར་ཏེ་འོངས་སོ། །དེ་ལ་ཡམ་སྲེག་ཤིང་སྣ་རེ་ཞིང་ཡང་གསེར་ཀྱི་སྐུད་པ་རིན་པོ་ཆེ་སྣ་བདུན་རིགས་བདུན་དང་ལྡན་པས་སྤྲས་པས་དཀྲིས་པ། རི་མོ་ལ་བྲིས་པ་ཁོ་ན་བཞིན་དུ་འདུག་པ། རང་བཞིན་གྱིས་གཞོན་ཤ་ཅན་ལེགས་པར
4b6 བཅོས་པ་ཤ་སྟག་སྟེ། སྣ་རེ་ཞིང་ཡང་འོད་རྣམ་པ་སྣ་ཚོགས་དང་ལྡན་པའི་ཕུང་པོ་ཆེན་པོ། མདོག་སྔོ་བ་དང་བར་བར་ཁ་གཅིག་ཏུ་མདོག་དཀར་ཁ་ཅིག་དུ་སྔོ་སྐྱ་ཁ་ཅིག་ཏུ་རྩ་དམར་ཁ་ཅིག་ཏུ་སེར་བ་མིག་དུ་སྡུག་པར་བྱ་བ་ཤ་སྟག་གོ། །བམ
4b7 པོ་རེ་རེའི་གཡོགས་མའི་ཕྱར་བུ་ཡང་རིན་པོ་ཆེ་སྣ་བདུན་ལས་བྱས་པ་ཤ་སྟག་གོ། །ཆིངས་མའི་ཐེ་གུ་མང་པོ་རེ་རེ་ཞིང་ཡང་ལྡོང་རོས་ཀྱི་མདོག་ལྟ་བུ་དང་ཟར་མའི་མེ་ཏོག་གི་མདོག་ལྟ་བུ་དང་སྔོན་པོ་དང་སེར་པོ་རྣམས་ཀྱིས་བར་བར་དུ་སྤེལ་བ་ཤ་སྟག
4b8 གོ། །དེ་ལ་ཆིངས་མའི་ཐེ་གུ་མང་པོ་རེ་རེ་ཞིང་ཡང་གསེར་ཐགས་ཀྱི་མཆོག་རྣམ་པར་དག་པ། ཡུལ་མང་པོར་གྲགས་པ་དག་གིས་སྤེལ་བ་ཤ་སྟག་གོ། །དེ་ལ་ཡམ་སྲེག་ཤིང་སྣ་རེ་རེ་ཞིང་ཡང་སྤོས་དྲི་བསུང་ཞིམ་པོ་དང་མེ་ཏོག་ཕྲེང་དང་།
iiif viewer powered by OpenSeadragon
