| e-texts navigator |
| Wylie |
40b1 ལག་ཏུ་གཏད་དེ་མར་ཞིམ་པོ་ཟ་ལ། བ་ལང་རྫི་རྣམས་ཀྱང་ལྷས་སྐྱོང་ཞིང་ཞོ་དང་འོ་མ་བསྲུབས་པ་ལས་ཕྱི་ཞིག་ན་བ་ལང་གི་བདག་པོ་དེ་རང་གི་ཚེ་ཟད་ནས་ཤི་སྟེ། ཤི་བའི་འོག་ཏུ་ནགས་ན་རྒྱུ་བའི་ཆོམ་ཤོད་ཀྱིས་བ་ལང་དེ་དག་ཕྲོགས་ནས་དེ་དག་ཆུང་མ
40b2 མེད་པས་རང་རང་གིས་འོ་མ་བསྲུབས་ཏེ། དེ་དག་གིས་བསྲུབས་པ་ལས་འོ་མ་ཡིན་པའི་ཕྱིར་འོ་མ་དེ་དག་ལས་མར་གྱི་དྲི་ཡང་མི་བྲོ་ལ་ཞོར་ཡང་མ་རུང་། དར་བར་ཡང་མ་རུང་། པྲིས་མར་ཡང་མ་རུང་ན་མར་དུ་ལྟ་ག་ལ་འགྱུར་ཏེ། འོ་མའི་རང་བཞིན
40b3 ལས་ཀྱང་ཉམས་ནས་དེ་དག་གིས་དེ་ཆུས་བསླད་དེ་བདག་གིས་མར་ལོངས་སྤྱད་པར་བྱའོ། །བདག་གིས་མར་ལོངས་སྤྱད་པར་བྱའོ་སྙམ་དུ་སེམས་པ་བཞིན་དུ་འཇིག་རྟེན་པ་སངས་རྒྱས་ཀྱི་ཆོས་ཀྱི་རྒྱུ་འཐུན་པ་ལས་བྱུང་བ་ནོར་དང་ཆོས་རྒྱས་པ་རྣམས
40b4 ཀྱང་དེ་དང་འདྲ་སྟེ། གང་གི་ཚེ་སངས་རྒྱས་བཅོམ་ལྡན་འདས་རྣམས་བ་ལང་གི་ལྷས་ཀྱི་བདག་པོ་བཞིན་དུ་ཡོངས་སུ་མྱ་ངན་ལས་འདས་པའི་འོག་ཏུ་འཇིག་རྟེན་པ་ཆོམ་ཤོད་དང་འདྲ་བ་རྣམས་ཀྱིས་ཀྱང་ཚུལ་ཁྲིམས་དང་ཆོ་ག་དང་འདུལ་བ་དང་། སྤྱོད
40b5 ཡུལ་རྣམས་དང་། སེམས་ཅན་གྱི་ཁམས་རྣམས་གུད་དུ་བསྒྱུར་ནས་སེམས་ཅན་ཡོད་དོ། །སྲོག་ཡོད་དོ། །གང་ཟག་ཡོད་དོ་སྙམ་དུ་སེམས་ཤིང་ཐར་པ་ནི་འདི་ལྟ་བུ་ཞིག་གོ། །སྤྱོད་པ་ནི་འདི་ལྟ་བུ་ཞིག་གོ་སྙམ་ནས་སྤྱོད་པ་དང་། སེམས་ཅན་དང་།
40b6 ཐར་པ་དང་རྟག་པ་དང་། དེ་ཁོ་ན་ཉིད་མ་ཤེས་ཏེ། དོན་གཞན་ལ་བརྩོན་པས་ཐར་པ་ཡང་མི་ཐོབ་ལ། ཚུལ་ཁྲིམས་དང་ཆོ་ག་དང་སྤྱོད་ཡུལ་དང་འདུལ་བ་དང་རྟག་པ་དང་དེ་ཁོ་ན་ཉིད་ཀྱང་མི་རྙེད་དེ། མི་རྒོད་ཀྱི་མར་བཞིན་དུ་འཇིག་རྟེན་པ་རྣམས་ཀྱིས
40b7 ཆོས་ཀྱི་དེ་ཁོ་ན་ཉིད་མི་འཐོབ་ལ། དེ་དག་སེམས་ཅན་ཚངས་པས་སྤྲུལ་པ་ནི་རྟག་གོ་སྙམ་དུ་འཛིན་ཅིང་བདག་གི་ནི་ཐར་པ་ཡིན་ནོ་སྙམ་དུ་ཡང་འཛིན་ལ། ཆོམ་ཤོད་པ་རྣམས་ཀྱི་འོ་མ་བཞིན་དུ་དེ་ཁོ་ན་ཉིད་ནི་མི་ཤེས་སོ། །དེ་དག་ཚངས་པར་སྤྱོད་པའི
40b8 རྒྱུ་དང་། གཞན་གྱི་ཆུང་མ་སྤངས་པའི་རྒྱུ་དང་། ཕ་མ་ལ་ཕུ་དུད་བྱས་པའི་རྒྱུས་ན། ཆོམ་ཤོད་པ་རྣམས་ཀྱི་འོ་མ་མ་རུང་བའི་ལྷག་མ་ཙམ་ཞིག་ཡོད་པ་བཞིན་དུ་མཐོ་རིས་ཀྱི་བདེ་བ་ཤས་ཤས་ཙམ་ཞིག་ཐོབ་སྟེ་ལོངས་སྤྱོད་པར་བྱེད་ལ། དེ་དག་གིས
iiif viewer powered by OpenSeadragon
