| e-texts navigator |
| Wylie |
40a1 དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ་འདི་ལས་ཕྱི་རོལ་ཡང་རུང་སྟེ། མངོན་པར་ཤེས་པ་ལྔ་ལ་དབང་ཐོབ་པ་དེ་ཡང་བསྐལ་པའམ་བསྐལ་པ་ལས་ལྷག་པར་གནས་ཤིང་ནམ་མཁའ་ལ་འཆག་པར་ཡང་བྱེད།
40a2 ཉལ་བར་ཡང་བྱེད་ལ། མཆན་གཡོན་ལོགས་ནས་མེ་དང་འདྲ་བར་འབར་བར་བྱེད་པ་དང་། དེ་བཞིན་དུ་ཆོས་གཞན་དུ་དུད་པ་འཐུལ་བ་ལྟ་བུར་ཡང་སྟོན། ཚེའི་ཚད་ཀྱང་ཇི་སྲིད་དུ་འདོད་པ་དེ་སྲིད་དུ་སྣུར་བར་བྱེད་དོ། །མདོར་ན་ཇི་ཙམ་དུ་འདོད་པ་དང་།
40a3 ཇི་ཙམ་དུ་དགའ་བ་དེ་ཙམ་དུ་སྟོན་པར་བྱེད་དེ་འདི་དག་ནི་མངོན་པར་ཤེས་པ་ལྔ་ལ་དབང་ཐོབ་པའི་ཡོན་ཏན་ཡིན་ནོ། །གལ་ཏེ་མངོན་པར་ཤེས་པ་ལྔ་ཐོབ་པ་ཡང་དེ་ལྟར་བདག་ཉིད་འཚོ་བའི་དབང་ཕྱུག་ལ་དབང་བྱེད་ན་དེ་བཞིན་གཤེགས་པ་དབང་དུ་མ་བརྙེས
40a4 པ་ལྟ་ཅི་སྟེ་དེ་ལྟ་བུ་ལ་མངའ་མི་མཛད། དེ་བཞིན་གཤེགས་པ་བསྐལ་པའམ། བསྐལ་པ་ལས་ལྷག་པར་ཅི་སྟེ་མི་བཞུགས་ཀྱིས། དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པ་ཡིན་པར་ཁོང་དུ་ཆུད་པར་གྱིས་ཤིག་།འཇིག
40a5 རྟེན་འདི་ན་སྤྲུལ་པའི་ལུས་ནི་ཤའི་ལུས་མ་ཡིན་ཏེ། དེང་དེ་བཞིན་གཤེགས་པ་དུག་སྨན་ལ་རྟོན་པའི་སྐུ་ཡོངས་སུ་འདོར་བར་མཛད་དོ་སྙམ་དུ་ཡང་ཁོང་དུ་ཆུད་པར་གྱིས་ཤིག་།རྟག་པ་དང་། བརྟན་པ་དང་ཐེར་ཟུག་ཅེས་བྱ་བའི་བསྟན་པ་མཆོག
40a6 ལ་ཡང་བརྩོན་པར་གྱིས་ཤིག་། འོད་སྲུང་ཆེན་པོ་དང་རུས་གཅིག་པས་གསོལ་པ། གལ་ཏེ་དེ་བཞིན་གཤེགས་པ་རྟག་པ་ལགས་ན་འཇིག་རྟེན་པ་དང་འཇིག་རྟེན་ལས་འདས་པར་ཁྱད་པར་ཅི་མཆིས་ལགས། འཇིག་རྟེན་པ་ཡང་བདག་ཅག་གི
40a7 ཚངས་པ་ནི་རྟག་པ་སྟེ་ཐོག་མའི་དུས་ནས་བྱུང་བ་ཡིན་ནོ་ཞེས་མཆི་བ་དང་ཁྱད་པར་ཅི་མཆིས། གལ་ཏེ་དེ་བཞིན་གཤེགས་པ་རྟག་པ་ལགས་ན་ཁྱད་པར་མ་མཆིས་པར་འགྱུར་ལགས་སོ།། །། བམ་པོ་བཞི་པ།
40a8 བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེར་ན་ཚོང་དཔོན་ནམ་ཁྱིམ་བདག་གཅིག་ལ་བ་ལང་སྣ་ཚོགས་སྤུ་མདོག་དུ་མ་རིགས་དང་རྒྱུད་མང་པོ་ཁྱུ་གཅིག་ཅིང་ལྷས་གཅིག་པ་དུ་མ་བྱེ་བ་སྙེད་ཡོད་ལ། དེས་བ་ལང་དེ་དག་བ་ལང་རྫིའི
iiif viewer powered by OpenSeadragon
