| e-texts navigator |
| Wylie |
3b1 འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་འབུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས
3b2 གཅིག་ཏུ་འཁོད་དོ། །འཁོར་དེ་ན་དགེ་སློང་མ་འཁོད་པ་རྣམས་ཀྱང་བྱང་ཆུབ་སེམས་དཔའ་མི་མཆོག་ས་བཅུ་ཐོབ་པ་ཤ་སྟག་སྟེ། གདུལ་བའི་དབང་གི་ཕྱིར་བུད་མེད་ཀྱི་གཟུགས་དང་བུད་མེད་ཀྱི་དབྱིབས་དང་ཤ་དང་ཁྲག་དང་རྒྱུས
3b3 པ་མང་པོ་དང་རུས་པའི་ལུས་འཆང་བ་རྟག་ཏུ་ཚད་མེད་པ་བཞི་བསྒོམ་པ་དང་ལྡན་པ་བདག་ཉིད་ཀྱིས་སངས་རྒྱས་ཀྱི་ཡུལ་གྱི་ཆོ་འཕྲུལ་ཆེན་པོའི་དོན་བྱེད་ནུས་པ་ཤ་སྟག་གོ། །གཞན་ཡང་དེའི་ཚེ་བྱང་ཆུབ་སེམས་དཔའ་རྒྱ་མཚོས
3b4 བྱིན་ལ་སོགས་པ་བྱང་ཆུབ་སེམས་དཔའ་གང་གཱའི་ཀླུང་གི་བྱེ་མ་སྙེད་ཐམས་ཅད་ཀྱང་མི་མཆོག་ས་བཅུ་ཐོབ་པ། ཐབས་ཀྱིས་ལུས་འཆང་བ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱ་མཚོས་བྱིན་དང་།
3b5 བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་། ཐེག་པ་ཆེན་པོ་ཐོས་པར་འདོད་པ་ཐེག་པ་ཆེན་པོ་ལ་ཞུགས་པ། ཐེག་པ
3b6 ཆེན་པོས་བཀྲེས་པ་ཐེག་པ་ཆེན་པོ་ལ་སྲེད་པ་ཐེག་པ་ཆེན་པོ་ལ་སེར་སྣ་མེད་པ། འཇིག་རྟེན་ཐམས་ཅད་དང་འཐུན་པར་བྱེད་ནུས་པ་ཤ་སྟག་དང་། བདག་ཅག་རྒལ་ནས་གཞན་བསྒྲལ་བར་བྱའོ་སྙམ་སྟེ། སྔོན་གྱི་བསྐལ་པ
3b7 བྱེ་བ་སྙེད་དུ་ཚུལ་ཁྲིམས་ཀྱི་བཀོད་པའི་དམ་བཅའ་བ་ལེགས་པར་བླངས་པ། འཛིན་པའི་སྤྱད་པ་སྤྱོད་པ་ཤ་སྟག་དང་། དེ་བཞིན་དུ་བདག་ཅག་གྲོལ་ནས་གཞན་དགྲོལ་བར་བྱའོ་སྙམ་པ་དང་། དེ་བཞིན་དུ་དཀོན་མཆོག་གསུམ
3b8 གྱི་གདུང་མི་འཆད་པར་བྱའོ་སྙམ་པ་དང་། ཆོས་ཀྱི་འཁོར་ལོ་བསྐོར་བར་བྱའོ་སྙམ་པ་དང་། གོ་ཆ་ཆེན་པོ་བགོ་བར་བྱའོ་སྙམ་དུ་སེམས་པ་ཤ་སྟག་དང་། དེ་བཞིན་དུ་ཡོན་ཏན་དཔག་ཏུ་མེད་པ་དང་ལྡན་པ་དང་། བུ་གཅིག་པ
iiif viewer powered by OpenSeadragon
