| e-texts navigator |
| Wylie |
2b1 འདའ་བར་གཤེགས་པ་ལས་བཟློག་ལ་བསྒྲིམ་མི་དགོས་པར་བསྐལ་པའམ། བསྐལ་པ་ལས་ལྷག་པར་ཡང་བཞུགས་པར་གསོལ་བ་གདབ་བོ་ཞེས་ཟེར་ཏོ། །གཅིག་ལ་གཅིག་འཇུས་ནས་འདི་སྐད་དུ། ཀྱེ་མ་འཇིག་རྟེན
2b2 སྟོངས་པར་འགྱུར་རོ། །ཀྱེ་མ་སེམས་ཅན་རྣམས་ཀྱི་བསོད་ནམས་ཀྱི་ལས་ཀྱི་རྣམ་པར་སྨིན་པ་ནི་ཟད་དོ། །ལས་མི་བཟད་པ་ནི་བྱུང་ངོ་། །ཚེ་དང་ལྡན་པ་དག་མྱུར་ཅིག་།ཚེ་དང་ལྡན་པ་དག་མྱུར་ཅིག་།དེ་བཞིན་གཤེགས
2b3 པ་ཡང་དག་པར་རྫོགས་པའི་སངས་རྒྱས་དེང་གི་ཡུད་ཙམ་འདི་ལ་ཡོངས་སུ་མྱ་ངན་ལས་འདའ་བར་འགྱུར་རོ། །ཀྱེ་མ་འཇིག་རྟེན་སྟོངས་པར་འགྱུར་རོ། །ཀྱེ་མ་འཇིག་རྟེན་སྟོངས་པར་འགྱུར་རོ། །དེ་བཞིན་གཤེགས་པ
2b4 མི་བཞུགས་ན། བདག་ཅག་མགོན་མེད་པ་དང་རྩ་ལག་མེད་པ་དང་། ཕོངས་པར་ཇི་ལྟར་འགྱུར་ཞིག་གུ། བདག་ཅག་གི་ཐེ་ཚོམ་དང་སོམ་ཉི་ཅི་དང་ཅི་ཡོད་པ་དེ་དང་དེ་དག་ཞུ་བར་བྱའོ་ཞེས་ཀྱང་ཟེར་ཏོ། །ཉན་ཐོས་ཆེན་པོ
2b5 འདི་དག་ཀྱང་དེ་ན་འཁོད་དེ་འདི་ལྟ་སྟེ་གནས་བརྟན་ཀཱ་ཏྱཱ་ཡ་ན་ཆེན་པོ་དང་གནས་བརྟན་བཀྐུ་ལ་དང་གནས་བརྟན་ཉེ་དགའ་བོ་དང་དེ་དག་ལ་སོགས་པ་གཞན་དག་ཀྱང་དེ་ན་འཁོད་དེ། དེ་དག་ལ་འོད་ཟེར་གྱིས་ཕོག་ནས། འདར་རབ
2b6 ཏུ་འདར། དམ་དམ་རབ་ཏུ་དམ་དམ། འཁྲུགས་རབ་ཏུ་འཁྲུགས། བརྟབས་རབ་ཏུ་བརྟབས། འུར་འུར་རབ་ཏུ་འུར་འུར། འཁམས་རབ་ཏུ་འཁམས། རྨུགས་རབ་ཏུ་རྨུགས། རེངས་རབ་ཏུ་རེངས་ཏེ། དེ་དག་ལ
2b7 སོགས་པ་དག་དུ་གྱུར་ནས་ཆས་སོ། །དེའི་ཚེ་དགེ་སློང་ས་ཡ་ཕྲག་བརྒྱད་སོ་ཤིང་ཟོས་ནས་ཕྱིར་བྱུང་སྟེ། གནས་བརྟན་དེ་དག་ལ་འོད་ཟེར་གྱི་སྣང་བ་དེས་ཕོག་ནས་ཤིན་ཏུ་རིངས་པར་ཁ་གདོང་བཀྲུས་ཏེ་གཅིག་ལ་གཅིག་འཇུས
2b8 སོ། །དེ་བཞིན་གཤེགས་པའི་སྲས་དེ་དག་ཐམས་ཅད་ཀྱང་དགྲ་བཅོམ་པ། དབང་ཐོབ་པ་བྱ་བ་བྱས་པ། བྱེད་པ་བྱས་པ་ཅང་ཤེས་པ་གཙོ་བོ་ཆེན་པོ། །ཆེན་པོ་སྟོང་པ་ཉིད་ཀྱིས་རང་གི་དོན་ཐོབ་པ། ཙན་དན་ཆེན་པོ་ལྟ་བུའི
iiif viewer powered by OpenSeadragon
