| e-texts navigator |
| Wylie |
29b1 བདག་ཉིད་ཀྱིས་ཀྱང་བདག་ཉིད་མ་འཚལ་ཏེ། ཆོས་ཀྱང་མ་འཚལ། ཆོས་མ་ལགས་པ་ཡང་མ་འཚལ། འདི་ནི་བདག་གི་མའོ། །འདི་ནི་བདག་གི་སྲིང་མོའོ། །འདི་ནི་བདག་གི་བུ་མོའོ་སྙམ་དུ་ཡང་མ་འཚལ་ལ། སྨད་ཅིང་བླ་སྟེ། ཕྱི་ས་དང་། གཅིན་གྱིས
29b2 རང་གི་ལུས་ཀུན་བསྒོས་ཤིང་མཆིས་པ་ལས་དེའི་འོག་ཏུ་བདག་ཉིད་སངས་ཏེ་གཞི་ཅི་ལས་གྱུར་པ་ལ་མཁས་པར་གྱུར་ནས་ཆང་ནི་ཅིར་ཡང་མི་རུང་ངོ་སྙམ་དུ་སེམས་ཏེ། བདག་ནི་སྡིག་པ་ཐམས་ཅད་ལས་ཐར་ཏོ་སྙམ་ནས་ཆང་བཏུང་བ་ཅིར་ཡང་མི་རུང་བར
29b3 ཤས་ཆེར་བསྒོམས་ཏེ་སྤོང་བར་བགྱིད་པ་དེ་བཞིན་དུ། བཅོམ་ལྡན་འདས་འཚོ་བའི་འཇིག་རྟེན་འདི་ནི་ཟློས་གར་མཁན་བཞིན་དུ་ཐོག་མ་མ་མཆིས་པ་ན་འཁོར་བ་ན་འཁོར་ཞིང་ཡོངས་སུ་འཁྱམ་པ་ན་འདི་ནི་བདག་གི་མའོ། །འདི་ནི་བདག་གི་སྲིང་མོའོ། །
29b4 འདི་ནི་བདག་གི་བུ་མོའོ་སྙམ་དུ་མ་འཚལ་ནས་མ་དང་སྲིང་མོ་དང་བུ་མོ་རྣམས་དང་ལྷན་ཅིག་ཏུ་འདོད་པའི་འདུ་ཤེས་སྤྱོད་པར་བགྱིད་དེ། འབྲས་སྐྱེམས་ཀྱི་ར་རོ་བར་གྱུར་པ་དེ་བཞིན་དུ་སྡུག་བསྔལ་རྙེད་པར་གྱུར་ལ། དེ་ནས་ངོ་ཚ་ཤེས་པའི་མི་དེ་དག་འབྲས
29b5 སྐྱེམས་ཀྱིས་ར་རོ་བ་ལས་སངས་པ་བཞིན་ཅིར་ཡང་མི་རུང་བར་ཤས་ཆེར་བསྒོམས་ནས་སྡུག་བསྔལ་ལས་ཡང་དག་པར་འདའ་བར་འགྱུར་ལགས་སོ། །གཞན་ཡང་ཨེ་རན་ད་ལ་ནི་སྙིང་པོ་མཆིས་མི་སྲིད་པ་དེ་བཞིན་དུ་ལུས་འདི་ལ་ཡང་བདག་དང་། སེམས
29b6 ཅན་དང་། སྲོག་དང་། གང་ཟག་དང་། ཤེད་ལས་སྐྱེས་པ་དང་། ཤེད་བུ་དང་། བྱེད་པ་པོ་མཆིས་མི་སྲིད་དེ། དེ་ལྟ་བུར་བདག་ཅག་གིས་བདག་མ་མཆིས་པའི་འདུ་ཤེས་བསྒོམས་ཏེ་མང་དུ་བགྱིས་ལགས་སོ། །དཔེར་གསོལ་ན་ཕུབ་མ་སྐོན་པ་བྱེད་པ་སྙེད
29b7 བོར་བ་ནི་ཅིར་ཡང་མི་གཅེས་པ་དེ་བཞིན་དུ་ལུས་འདི་ལ་ཡང་བདག་མ་མཆིས་སོ། །དཔེར་གསོལ་ན་ཁ་སྲལ་གྱི་མེ་ཏོག་ལ་དྲི་བདའ་བ་མ་མཆིས་པ་དེ་བཞིན་དུ་ལུས་འདི་ལ་ཡང་བདག་མ་མཆིས་ཏེ། དེ་ལྟར་བདག་ཅག་གིས་བདག་མ་མཆིས་པའི་འདུ་ཤེས་བསྒོམས་ཏེ་མང་དུ་བགྱིས་ལགས་སོ། །བཅོམ
29b8 ལྡན་འདས་ཀྱིས་ཀྱང་དགེ་སློང་དག་ཆོས་ཐམས་ཅད་ནི་བདག་མེད་པ་སྟེ། དེ་ལྟར་སྒོམས་ཤིག་དང་དེ་ལྟར་བསྒོམས་པ་རྣམས་ཀྱིས་བདག་ཏུ་འཛིན་པ་སྤོངས་བར་འགྱུར་རོ། །བདག་ཏུ་འཛིན་པ་ཡོངས་སུ་སྤངས་ན་མྱ་ངན་ལས་འདས་པ་ཐོབ་པར་འགྱུར
iiif viewer powered by OpenSeadragon
