| e-texts navigator |
| Wylie |
29a1 གསོལ་ན། རྒྱལ་པོ་འཆི་བའི་ཚེ་བདག་གི་བཙོན་ར་བསལ་ཏེ། སེམས་ཅན་རྣམས་བཙོན་རའི་གནོད་པས་སྙོན་སྨོངས་པ་ལས་ཐར་བར་བགྱིས་ནས་དེའི་འོག་ཏུ་འཆི་བར་བགྱིད་པ་དེ་བཞིན་དུ། བཅོམ་ལྡན་འདས་ཁྱོད
29a2 ཀྱིས་ཀྱང་སེམས་ཅན་མི་ཤེས་པ་རྣམ་པ་སྣ་ཚོགས་ཀྱི་བཙོན་རར་བྲུབས་པ་རྣམས་ཀྱིས་མི་ཤེས་པའི་འཆིང་བ་རྣམས་བཅད་ནས། དེའི་འོག་ཏུ་ཡོངས་སུ་མྱ་ངན་ལས་འདའ་བར་གཤེགས་སུ་གསོལ། བཅོམ་ལྡན་འདས་གཞན་ཡང་དཔེར་གསོལ་ན།
29a3 སེམས་ཅན་འབྱུང་པོ་དང་ཤ་ཟའི་གདོན་གྱིས་བསླབས་པ་ལས་སྨན་པ་ཆེན་པོ་དང་ཕྲད་ན་འབྱུང་པོ་དང་ཤ་ཟའི་གདོན་རྣམས་ཀྱིས་ཐེབས་པ་ཐམས་ཅད་ལས་ཐར་བར་འགྱུར་བ་དེ་བཞིན་དུ་ཁྱོད་དང་འཇལ་ན་ཉན་ཐོས་ཀྱི་ཚོགས་ཐམས་ཅད་མི་ཤེས་པ་རྣམ་པ་སྣ
29a4 ཚོགས་ཀྱི་འབྱུང་པོ་དང་ཤ་ཟའི་གདོན་རྣམས་ལས་ཡོངས་སུ་ཐར་བར་འགྱུར་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཁོང་དུ་ཆུད་པར་བགྱིད་ལགས་སོ། །བཅོམ་ལྡན་འདས་དཔེར་གསོལ་ན་གླང་པོ་ཆེའི་འདུལ་སྦྱོང་གི་མཁན་པོས་སྤོས་ཀྱི་གླང་པོ་ཆེ་ཞགས
29a5 པ་ཆེན་པོས་བཅིངས་པ་ལས་གླང་པོ་ཆེའི་ཞགས་པ་དེ་བཅད་དེ་བྲོས་པ་དེ་བཞིན་དུ། བཅོམ་ལྡན་འདས་བདག་ཅག་ཀྱང་བདག་ཏུ་འཛིན་པ་དང་། བདག་གིར་འཛིན་པ་དང་། ཕྲག་དོག་དང་། མངན་འཐེན་དང་། སེར་སྣ་དང་། གཡོའི་ཞགས་པ་ཆེན་པོ་བཅད་ནས་གླང་པོ་ཆེའི་འདུལ་སྦྱོང་གི་མཁན
29a6 པོ་ཆེན་པོ་དེ་བཞིན་གཤེགས་པའི་ལག་ཏུ་འོངས་ན་སེམས་ཅན་ཐམས་ཅད་ལས་ཉོན་མོངས་པའི་གླང་པོ་ལྔ་བཅུ་རྩ་བདུན་ཡོངས་སུ་བསལ་བར་བགྱིའོ། །བཅོམ་ལྡན་འདས་དཔེར་གསོལ་ན་གྲང་བའི་རིམས་ཀྱིས་ཐེབས་པ་སྨན་པ་ཆེན་པོའི་ཐད་དུ་མཆིས་ན
29a7 སྡུག་བསྔལ་ལས་ཐར་བར་འགྱུར་བ་དེ་བཞིན་དུ། བཅོམ་ལྡན་འདས་བདག་ཅག་ཀྱང་ཉོན་མོངས་པ་དང་། ལོག་པར་ལྟ་བ་དང་། ལོག་པའི་འཚོ་བའི་ཉེས་དམིགས་མཐའ་ཡས་པའི་གྲང་བའི་རིམས་ནད་ཅན་གྱི་ལུས་དང་ལྡན་པ་ལས་སྨན་པ་ཆེན
29a8 པོ་བཅོམ་ལྡན་འདས་ཀྱི་ཐད་དུ་མཆིས་ནས་སྡུག་བསྔལ་ཐམས་ཅད་ལས་རྣམ་པར་ཐར་བར་གྱུར་ཏེ་མི་གཡོ་བའི་བདེ་བ་ཡང་ཐོབ་ལགས་སོ། །བཅོམ་ལྡན་འདས་གཞན་ཡང་དཔེར་གསོལ་ན་མི་ཞིག་གིས་འབྲས་སྐྱེམས་འཚལ་ཏེ་ར་རོ་བར་གྱུར་ནས
iiif viewer powered by OpenSeadragon
