| e-texts navigator |
| Wylie |
26a1 ཆོས་ཐམས་ཅད་ནི་འདུ་བྱེད་དང་འདྲེས་པའི་ཕྱིར་སྡུག་བསྔལ་བའོ་སྙམ་དུ་རྟོགས་ཤིག་།ཆོས་ཐམས་ཅད་ནི་བདག་མེད་པའོ་སྙམ་དུ་དཔྱོད་ཅིག་།མི་བརྟན་པ། བརྙན་མ། ཕྱིན་ཅི་ལོག་པའོ་སྙམ་དུ་སོམས་ཤིག་།
26a2 ལུས་འདི་ནི་ཉེས་དམིགས་མཐའ་ཡས་པ་དང་ལྡན་པའོ་སྙམ་དུ་ཤེས་པར་གྱིས་ཤིག་།འདི་ནི་དབུ་བ་དང་འདྲ་བར་ལྟོས་ལ་མ་ངུ་ཤིག་།ཡི་མ་ཆད་ཅིག་།དེ་ནས་བཅོམ་ལྡན་འདས་ལ་སྐུལ་བྱེད་ཀྱིས་འདི་སྐད་ཅེས་གསོལ་ཏོ། །བཅོམ
26a3 ལྡན་འདས་དེ་ནི་དེ་བཞིན་དུ་མཇལ་ལགས་ན་ཧ་ཅང་སྡུག་བསྔལ་ཆེན་པོ་མི་བཟོད་ལགས་སོ། །བཅོམ་ལྡན་འདས་ཐབས་ཀྱིས་ཡོངས་སུ་མྱ་ངན་ལས་འདའ་བར་མཛད་པ་ལ་ནི་བདག་གློ་བ་རངས་ལགས་སོ། །བཅོམ་ལྡན་འདས་ཀྱིས་བཀའ་སྩལ
26a4 པ། སྐུལ་བྱེད་ལེགས་སོ་ལེགས་སོ། །རིགས་ཀྱི་བུས་ནི་ངའི་མྱ་ངན་ལས་འདས་པ་ཐབས་དེ་ལྟར་བལྟ་བར་བྱའོ། །སྐུལ་བྱེད་སངས་རྒྱས་གཤེགས་པ་ནི་བྱ་གཞད་གཟས་ལ་འགྲོ་བ་ལྟ་བུར་ཤེས་པར་གྱིས་ཤིག་།སྐུལ་བྱེད་ཚེ་རིང་བ་དང་ཚེ
26a5 རིང་བ་མ་ཡིན་པའི་རྟགས་ཤེས་པར་གྱིས་ཤིག་། སྐུལ་བྱེད་ཆོས་ཐམས་ཅད་ནི་སྒྱུ་མའི་ཆོས་ཅན་ནོ། །དེ་བཞིན་གཤེགས་པ་ནི་ཆོས་ཐམས་ཅད་ལ་ཐབས་ཀྱི་ཆོས་ཅན་ཡིན་ལ་དེ་རྣམས་ཀྱིས་ཀྱང་གོས་པར་མི་འགྱུར་བ་དེ་ནི་སངས་རྒྱས་བཅོམ
26a6 ལྡན་འདས་རྣམས་ཀྱི་རང་བཞིན་ནོ། །སྐུལ་བྱེད་ཁྱོད་སྲིད་པའི་རྒྱ་མཚོ་ལས་ངེས་པར་རྒལ་བར་བྱ་བའི་ཕྱིར་ཞལ་ཟས་སྨྱུར་ཏེ་འོན་ཅིག་།ལྷ་དང་ལྷ་མ་ཡིན་དང་མི་རྣམས་ཀྱིས་ཀྱང་ང་ལ་རང་རང་གི་མཆོད་པ་བྱས་ནས་མི་གཡོ་བའི་བདེ་བ་ཐོབ་པར་གྱུར
26a7 ཅིག་། ཁྱོད་ཀྱིས་ཀྱང་སྣོད་དུ་གྱུར་པ་ལ་དུས་སུ་སྦྱིན་པ་གྱིས་ཤིག་།མ་ཐོགས་ཤིག་།སྣོད་དུ་གྱུར་པ་དང་ང་དང་དེ་བཞིན་གཤེགས་པ་ཞེས་བྱ་བ་ནི་དོན་ཐ་དད་པ་མ་ཡིན་ནོ། །དེ་ནས་སྐུལ་བྱེད་ཀྱིས་ཀྱང་སེམས་ཅན་ཐམས་ཅད་ངེས་པར་བསྒྲལ་བའི་ཕྱིར་མགོ
26a8 སྨད་དེ་མཆི་མ་བླགས་ནས་གསོལ་པ། ལེགས་སོ་ལེགས་སོ། །ལེགས་སོ་ལེགས་སོ། །བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ་བདག་གིས་བགྱིའོ། །དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་འོག་ཏུ་ཇི་ལྟར
iiif viewer powered by OpenSeadragon
