| e-texts navigator |
| Wylie |
24b1 སོ་ལེགས་སོ། །ཚེ་རིང་བར་གྱུར་ཅིག་།རིགས་ཀྱི་བུས་ནི་དེ་ལྟར་བྱ་བ་ཡིན་ནོ། །རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་རྟག་པ་དང་། ཐེར་ཟུག་དང་། འདུས་མ་བྱས་པ་དང་བརྟན་པར་ཤེས་སོ། །ད་ལྟར་ཁྱོད་ཀྱིས་འདི་ཁོ་ན་ལྟར་འདུས
24b2 བྱས་ཁོང་རླག་ཏུ་གཏང་བའི་སྒོ་ནས་ཤེས་པ་ལས་ན་ཁྱོད་ཀྱང་རིང་པོ་མི་ཐོགས་པར་དེ་བཞིན་གཤེགས་པ་ཇི་ལྟ་བ་བཞིན་དུ་འགྱུར་རོ། །སངས་རྒྱས་ཉིད་ཀྱིས་ཀྱང་དེ་ལྟར་འུ་བུ་ཅག་གཉིས་ཀྱིས་ཁྱད་པར་དུ་འཕགས་པའི་བསྔགས་པ་བརྗོད་དོ
24b3 ཞེས་ཕྱིས་བསྔགས་པར་འགྱུར་རོ། །སྐུལ་བྱེད་དེ་བཞིན་གཤེགས་པའི་གཤོས་སྨྱུར་ཅིག་།སྦྱིན་པ་ཐམས་ཅད་ཀྱི་ནང་ན་ནི་སྨྱུར་ཏེ་སྦྱིན་པ་མཆོག་ཡིན་ནོ། །དེ་ལ་སྨྱུར་ཏེ་སྦྱིན་ཞེས་བྱ་བ་ནི་སྦྱིན་པའི་ཕ་རོལ་ཏུ་ཕྱིན་པ་ཐམས་ཅད་ཀྱི་ས་བོན
24b4 ལས་མྱུ་གུ་འབྱུང་བར་བྱ་བའི་ཕྱིར་གང་གི་ཚེ་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་ཡང་རུང་སྟེ། དོན་འགའ་ཞིག་གི་ཕྱིར་ལམ་དུ་ཞུགས་ནས་དུབ་པར་གྱུར་པ་དེ་དག་ལ་ཅི་ཡོད་པ་དང་། དེའི་རྐྱེན་དུ་འཚམ
24b5 པ་དང་། བརྟགས་པའི་སྦྱིན་པ་བྱེད་པ་དེ་ནི་སྨྱུར་ཏེ་སྦྱིན་པ་ཞེས་བྱའོ། །སྐུལ་བྱེད་དེ་བཞིན་དུ་ཁྱོད་ཀྱིས་ཅི་ཡོད་པ་ལས་ཞལ་ཟས་ཀྱི་ཐ་མ་མང་ཡང་རུང་ཉུང་ཡང་རུང་། དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པ་ཁྱེད
24b6 པར་ཡོད་ཀྱང་རུང་ཁྱེད་པར་མེད་ཀྱང་རུང་སྟེ་འདྲིམ་དུ་ཆུག་ཅིག་། བཅོམ་ལྡན་འདས་ཡོངས་སུ་མྱ་ངན་ལས་འདའ་བར་གཤེགས་སུ་ཉེའོ། །དེ་ནས་སྐུལ་བྱེད་ཀྱིས་སྨྲས་པ། བཙུན་པ་འཇམ་དཔལ་ཁྱོད་ཁ་ཟས་ལ་ཆགས་སམ་ཅི་ན་ཞལ
24b7 ཟས་མང་ཡང་རུང་ཉུང་ཡང་རུང་བྲིམས་ཤིག་ཅེས་བདག་གི་གཞེན་འདེབས་པར་བྱེད། བཅོམ་ལྡན་འདས་ཀྱིས་ལོ་དྲུག་གི་བར་དུ་དཀའ་བ་སྤྱོད་པ་མཛད་མཛད་ན་ཅི་ད་སྐད་ཅིག་ཙམ་ཡང་གཞེས་མི་སྤྱོད་དམ། དེ་བཞིན་གཤེགས་པ་ནི
24b8 ཆོས་ཀྱི་སྐུ་ཡིན་ཏེ་ཞལ་ཟས་ཀྱི་སྐུ་མ་ཡིན་ན་ཅི་བཅོམ་ལྡན་འདས་ཞལ་ཟས་གསོལ་ལམ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ། སྐུལ་བྱེད་ཀྱིས་ཇི་སྐད་སྨྲས་པ་དེ་ནི་དེ་བཞིན་ནོ། །སྐུལ་བྱེད་ལེགས་སོ་ལེགས
iiif viewer powered by OpenSeadragon
