| e-texts navigator |
| Wylie |
203b1 པས་སུ། །སྲི་ཞུ་བྱམས་པ་སེམས་མེད་དེ། །མ་དང་བུ་ཡི་ཤ་ཡང་ཟ། །དེ་ཚེ་ཁྱིམ་གྱི་བྱིས་པ་རྣམས། །གཞན་གྱིས་ཟོས་དོགས་རིམ་གྲོ་རྟག་།དེ་ལྟ་བུ་ཡི་དུས་ངན་ཐོས། །སུ་ཞིག་སྐྱེ་ཤི་ལས་ཀྱང་བསྐྱེད། །སྡུག་བསྔལ་ཕྱི་མོ་གཏི་མུག་ཡིན། །ལྔ་ཕུང་ཕྱི་མོ་འདོད་ཆགས་ཡིན། །
203b2 འདོད་ཆགས་ལྔ་ལ་མ་དད་ན། །འདོད་ཅིང་ཆགས་པ་རྣམས་ཀུན་ཆོད། །དཔལ་གྱི་འབྲས་བུ་ལམ་ཐོབ་སྟེ། །འདོད་ཅིང་ཆགས་པའི་སེམས་ཟབ་སྐྱེས། །འདོད་ཆགས་ཀྱི་ནི་རྒྱུ་རྐྱེན་གྱིས། །ངན་པ་གཡོས་པས་ལམ་ངན་ལྷུང་། །བགས་མེད་ཆོས་ནི་སྟོང་པ་ཞི། །འཇིག་རྟེན་སྲ
203b3 མཁྲང་མེད་པར་འགྱུར། །དེ་ལྟ་བུ་ནི་ཤེས་རིག་ན། །ཁྱེད་ལ་སོགས་པས་སྨྱུར་སྤྱོད་རིགས། །སེམས་མེད་སེམས་ཀྱི་འདུ་ཤེས་སྐྱེས། །བདག་ཉིད་ཤིན་ཏུ་འཇིགས་ཤིག་སྐྲག་།བདག་གིས་བྱམས་བསམས་མ་བྱས་པ། །དེ་ཡི་དོན་ནི་ཇི་ལྟ་བུ། །དེ་ལྟ་བུ་ཡི་ཐ་མལ
203b4 རྣམས། །བསམས་ཤིང་མནོས་ཏེ་བཀྲོས་དཔགས་ན། །བདག་གིས་ཇི་ལྟ་བུ་རུ་བྱས། །དེ་བཞིན་རྟག་པར་མཆི་མས་ངུ་། །ཕུང་མེད་ཕུང་པོའི་འདུ་ཤེས་སྐྱེས། །ང་མེད་ང་ཡི་འདུ་ཤེས་སྐྱེས། །ཉིད་ཀྱི་མཚན་མའི་སྟོང་ཆོས་ཐོས། །དེ་ལྟ་བུས་ཀྱང་བསླབ་ཅིང་རྨོངས། །སངས
203b5 རྒྱས་ཀྱིས་སུ་བདེན་བཤད་པ། །ཕུང་པོ་རྣམས་ཀྱི་གཞུང་མ་རིག་།ཐོས་ན་མི་འགྱུར་སྙམ་དུ་འཛིན། །འཇིགས་པའི་གནས་འཇིགས་སེམས་པ་མེད། །ངས་འདས་མ་འོངས་ད་ལྟར་བཤད། །ཕུང་པོ་རྣམས་ནི་ཀུན་སྟོང་ཞིང་། །དུས་གསུམ་ཟད་པར་མཉམ་སྙོམས་ཏེ། །
203b6 དཔེ་རུ་ནམ་མཁའ་སྟོང་པ་བཞིན། །འདས་པའི་སངས་རྒྱས་ཡོད་དོ་ཅོག་།དེས་ཀྱང་ཉིན་མཚན་སྟོང་པར་བཤད། །མ་འོངས་དུས་ཀྱི་སངས་རྒྱས་རྣམས། །དེས་ཀྱང་ཉིན་མཚན་སྟོང་པར་བཤད། །ང་འདྲ་འཇིག་རྟེན་མངོན་པར་འབྱུང་། །ཆོས་རྣམས་ཐམས་ཅད་ཀུན
203b7 བཤད་ཀྱང་། །ངོ་བོ་ཉིད་དང་མཚན་ཉིད་སྟོང་། །དུས་གསུམ་ལ་ནི་མི་མཚུངས་པ། །སངས་རྒྱས་དབེན་གཞུངས་བཤད་དོ་ཅོག་།མ་འོངས་མིས་ནི་མི་ཤེས་ཏེ། །ང་དང་སེམས་ཅན་ལ་ཆགས་པས། །མཐའ་རུ་ངན་པའི་ལམ་དུ་ལྷུང་། །མ་འོངས་དུས་ནི་དེ་བཞིན་ཏེ། །ངན
203b8 ཆེན་ཤིན་དུ་འཇིགས་སྒྲག་རུང་། །ཁྱོད་ལ་སོགས་པ་བརྩོན་འགྲུས་སྤྱོད། །དེ་ལྟའི་དུས་ངན་མ་མཐོང་བྱོས། །སངས་རྒྱས་ཆོས་ཀྱི་ཡི་གེ་འདི་བཤད་ཟིན་ནས། རྒན་ཞིང་བཙུན་པ་ཤཱ་རིའི་བུ་དང་། དགེ་སློང་དང་། དགེ་སློང་མ་རྣམས་དང་། འཇིག་རྟེན་གྱི་ལྷ་དང་།
iiif viewer powered by OpenSeadragon
