| e-texts navigator |
| Wylie |
189b1 ཐམས་ཅད་ཀུན་ལ་བདག་ཏུ་ལྟ་བ་དང་། གང་ཟག་ཏུ་ལྟ་བ་ཡོད་དོ། །ཀུན་ལ་ཐོབ་པ་འཛིན་པ་མེད་དེ་དེ་ཀུན་ཡོན་པོ་མཐོང་བ་ཡིན་ནོ། །ཤཱ་རིའི་བུ་ཁྱོད་ཀྱིས་རེ་ཤིག་ངས་ཅི་སྲིད་ལོན་ན་འབྱོར་པ་ལྟོས་ཤིག་།ཐོབ་པ་དང་། མཐོང་བ་ཡོད་དོ་ཅོག་ནི
189b2 འཛངས་ཤིང་འཕྲུལ་པའི་སྤྱོད་པ་མ་ཡིན་ཏེ། སངས་རྒྱས་རྣམས་ཀྱིས་ང་ལ་ཁྱོད་མ་འོངས་པའི་དུས་ན་སངས་རྒྱས་བྱེད་པ་ཐོབ་བོ་ཞེས་ལུང་མ་བསྟན་ཏོ། །ཤཱ་རིའི་བུ་ངས་དེ་ལྟ་བུ་སྤྱད་ན་འོན་ཀྱང་ལུང་བསྟན་པ་མ་ཐོབ་ན། དེ་ལྟ་བུ་མི་གཏི་མུག་གིས་ཚུལ་ཁྲིམས
189b3 འཛིན་པ་དང་། མང་པོ་ཐོས་པ་དང་། བསམ་གཏན་དུ་ཐུབ་པ་ལ་སོགས་པ་འབའ་ཤིག་སྤྱད་དེ། གང་ཟག་ཏུ་ལྟ་བ་དང་། སེམས་ཅན་ཏུ་ལྟ་བ་སྐྱེས་པས་མི་ཐོབ་པ་ལྟ་སྨོས་ཀྱང་ཅི་དགོས། ཤཱ་རིའི་བུ་ངས་བཤད་པ་དེ་ལྟ་བུའི་མིང་ནི་མིང་སྤྱོད་པ་ཞེས་ཀྱང་མི་བྱ། མིང
189b4 ཐོབ་པ་ཞེས་ཀྱང་མི་བྱའོ། །དེ་ཅིའི་ཕྱིར་ཞེ་ན། ཤཱ་རིའི་བུ་ཉིན་མཚན་དེ་ལྟ་བུའི་ཡོན་པོ་མཐོང་བ་ལ་འདོད་ཆགས་དེ་ཞི་བར་འདས་པར་མ་ཐོབ་བོ། །དེ་ལྟ་བུའི་མི་གཏི་མུག་གིས་འདི་སྙམ་དུ་བདག་ལ་སོགས་པ་ཅིའི་ཕྱི་ནས་བདག་དང་གང་ཟག་གིས་ཆོས་མེད་པ་སྤྱོད་པ
189b5 སྦྱངས་ཏེ། མི་དེས་བདག་ལ་སོགས་པ་སྡུག་བསྔལ་མང་པོ་ཕུང་ཆོད་ཀྱང་རུང་སྲིད་ན། འདི་སྙམ་སེམས་བྱས་སོ། །ཤཱ་རིའི་བུ་ཐོག་མ་སྐྱེས་པ་ནས་ལོང་བའི་མི་ཁྱི་ཟ་བ་ལས་བྲོས་ཏེ་བྱོལ་ནས་མེ་དོང་ཟབ་མོར་ལྷུང་བ་དང་མཚུངས་སོ། །ཤཱ་རིའི་བུ་ངས་སྨྲས་པ། མི་གཏི
189b6 མུག་གིས་དེ་ལྟ་བུར་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། ཐོབ་པ་ཡོད་པར་མཐོང་བ་སྦྱངས་ཏེ། དེ་ལྟ་བུའི་མཐོང་བ་རྣམས་སྤྱད་དེ། གཙང་གདང་ན་འདོད་ཅིང་རེ་བ་ནི་མི་དེ་འདོད་ཅིང་ཆགས་ལ་འབྲངས་ཏེ། དེ་ལྟ་བུའི་དོན་སྤྱད་པས་མྱ་ངན་ལས་འདས་པ་ཐོབ་པར
189b7 འདོད་ན་ངས་མིང་མཐར་ལམ་ངན་པར་ལྷུང་ཞེས་བཤད་དོ། །ཤཱ་རིའི་བུ་དཔེར་མི་ལོང་བ་མེ་དོང་ཟབ་མོ་བདེ་སྐྱིད་པའི་སེམས་སྐྱེས་པ་དང་མཚུངས་སོ། །དེ་ལྟ་བུའི་མི་གཏི་མུག་ཀྱང་བདག་དང་གང་ཟག་ཏུ་ལྟ་བ་དང་། ཐོབ་པ་ཡོད་པར་མཐོང་བ་ལ་བདེ་སྐྱིད་པའི་སེམས་སྐྱེས་ཏེ། མི་དེ
189b8 ཉིན་མཚན་དུ་ཆགས་པ་ལ་འབྲངས་པས་བརྙས་བསླུས་ནས་སླར་དོན་དེ་ལ་ཆགས་ཏེ། ངའི་ཆོས་ཀྱི་ནང་དུ་ཡོན་བླངས་ནས་དེ་ལྟ་བུའི་མི་གཏི་མུག་ཉིན་མཚན་དུ་རྒུད་པའི་མྱ་ངན་གྱིས་ལམ་ངན་པའི་ནང་དུ་ལྟུང་ངོ་། །ཤཱ་རིའི་བུ་དཔེར་མི་སྤྱིའི་ལུགས་ཀྱི་རྒྱལ་པོ་ཆེན་པོ་དང་མཚུངས་ཏེ།
iiif viewer powered by OpenSeadragon
