| e-texts navigator |
| Wylie |
189a1 གང་ཟག་ཡོད་ཅེས་མི་དེས་དེ་ལྟ་བུའི་མཐོང་བ་མ་བཏང་བར་མྱ་ངན་ལས་འདས་ཆུད་དུ་ཟིན་ན། ཕལ་ཐ་མལ་པ་ཐམས་ཅད་ཀྱིས་འཕགས་པའི་ལམ་ཐོབ་པའི་རིགས་སོ། །དེ་ཅིའི་ཕྱིར་ཞེ་ན། ཕལ་ཐ་མལ་པ་ཐམས་ཅད་ཀུན་ནི་བདག
189a2 ཏུ་ལྟ་བ་དང་། གང་ཟག་ཏུ་ལྟ་བ་ཡིན་ཏེ། དེ་ལྟ་བས་ན་བདག་ཏུ་ལྟ་བ་དང་། གང་ཟག་ཏུ་ལྟ་བས་མྱ་ངན་ལས་འདས་པར་ཆུད་ན་ནི་ཕལ་ཐ་མལ་པ་ཀུན་གྱིས་འཕྲུལ་གྱི་ལམ་དུ་ཆུད་དེ། འཕགས་པའི་ནང་ན་ནི་ཇི་ཡང་ཉུང་བ་མེད་དོ། །ཤཱ་རིའི་བུ་མི་ལ་ལ་ཞིག
189a3 གིས་སེམས་བྱ་སྟེ། བདག་ཏུ་ལྟ་བ་ཡོད་པ་ལ་མྱ་ངན་ལས་འདས་པ་ཡོད་དུ་ཟིན་ན་མི་དེས་འཕགས་པའི་ལམ་ཐོབ་ཀྱིས་གཞན་བསམ་མི་དགོས་སོ། །ཅིའི་ཕྱིར་ཞེ་ན། ཕལ་ཐ་མལ་པ་ཐམས་ཅད་ལ་བདག་ཏུ་ལྟ་བ་དང་། གང་ཟག་ཏུ་ལྟ་བ་མི་ཉུང་བས་ན། དེ་ལྟ་བུའི་མི་གཏི
189a4 མུག་ལ་དེ་ལྟ་བུའི་ཉེས་འཁྲུལ་པ་ཡོད་དེ། ཕལ་ཐ་མལ་པ་རྣམས་ཀུན་གྱིས་འཕགས་པའི་ལམ་དུ་ཆུད་ཅེས་ཟེར་རོ། །འཕགས་པའི་འཕྲུལ་གྱི་ལམ་ལ་བཅིང་བ་མེད་དེ། མི་དེས་སྤྱད་པའི་ཚེ་སྲོག་གཅོད་པ་ལྔ་མནོས། ལོག་པ་ལྔའི་སྡིག་བསྐྱོད་པ་རིགས་སོ། །དེ་ལྟ་བས་ན
189a5 མི་གཏི་མུག་གིས་འཕགས་པའི་ལམ་ལ་ལོག་པ་ལྔའི་སྡིག་ཡོད་དོ། །ཅིའི་ཕྱིར་ཞེ་ན། ཕལ་ཐ་མལ་པ་ཐམས་ཅད་ཀུན་ནི་བདག་ཏུ་ལྟ་བ་ཡོད། སེམས་ཅན་ཡོད་ཅེས་འཆད་དོ། །མི་ལ་ཚིག་དེ་སྐད་ཟེར་ན་ལོག་པ་ལྔའི་སྡིག་འབྱོར་གྲུབ་སྟེ། མྱ་ངན་ལས་འདས་པར་མི་ཆུད་དོ། །
189a6 བདག་ཏུ་ལྟ་བ་དང་། གང་ཟག་ཏུ་ལྟ་བར་བཅད་པས་མྱ་ངན་ལས་འདས་པར་ཆུད་ཅེས་ཟེར་ན་བརྫུན་གྱི་ཚིག་ཡིན་ཏེ། སངས་རྒྱས་ལ་ཡང་སྐུར་པ་ཡིན་ནོ། །གཅིག་ཏུ་ན་ངའི་ཆོས་ཀྱི་ནང་ན་གཙང་གདང་བར་ཁྱིམ་ནས་བྱུང་སྟེ་ཐོབ་པར་མ་ནུས་པ་ཞེས་ཀྱང་བྱའོ། །
189a7 སངས་རྒྱས་ཀྱི་མཛོད་བཤད་པའི་ཆོས་ཀྱི་ཡི་གེ། ། བམ་པོ་བཞི་པ། སངས་རྒྱས་ཀྱི་མཛོད་བཤད་པའི་ཆོས་ཀྱི་ཡི་གེ་གཙང་མ་མཐོང་བའི་ལེའུ་འོག་མའོ།། །། ཤཱ་རིའི་བུ་ངས་ཁྱོད་ལ་བྱེ་བྲག་ཕྱེད་པར་བསྒོའོ། །ཐོབ་པ་ཡོད་དོ་ཅོག་ལ་ནི་མྱ
189a8 ངན་ལས་འདས་པ་མེད་དོ། །ཐོབ་པ་ཡོད་དོ་ཅོག་ལ་ནི་མྱ་ངན་ལས་འདས་པ་ཡོད་དུ་མ་ཡིན་ན་དེ་ནི་སངས་རྒྱས་རྣམས་འཇིག་རྟེན་དུ་ཡང་མི་འབྱུང་ངོ་། །ཕལ་ཐ་མལ་པ་ཐམས་ཅད་ཀྱིས་ཀྱང་མྱ་ངན་ལས་འདས་པར་ཆུད་དོ། །ཅིའི་ཕྱིར་ཞེ་ན། ཕལ་ཐ་མལ་པ
iiif viewer powered by OpenSeadragon
