| e-texts navigator |
| Wylie |
188b1 དཔའ་རང་མི་ཉེན་དང་། བྱང་ཆུབ་སེམས་དཔའ་རྟག་འགྲུས་ཀྱིས་དེ་སྙེད་ཀྱི་སངས་རྒྱས་རྣམས་ལ་ཡོན་གསོལ་ཏེ། སྡུག་བསྔལ་ལོ་ཅོག་གི་ཉོན་མོངས་ན་འོན་ཀྱང་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་ཐོབ་དཀའ་ན། མི་གཏི་མུག་གཞན་གྱིས་སྐད་ཅིག་མྱ་ངན་ལས
188b2 འདས་པ་བཙལ་བ་མེད་པ་ལྟ་སྨོས་ཀྱང་ཅི་དགོས། ཤཱ་རིའི་བུ་དེ་ལྟ་བུར་སྤྱད་ན་འོན་ཀྱང་ཤིན་དུ་དགའ་ན། མ་སྤྱད་པ་ལྟ་སྨོས་ཀྱང་ཅི་དགོས། དེ་ལྟ་བས་ན་ཤཱ་རིའི་བུ་ངས་བྱེ་བྲག་ཕྱེད་པར་བསྒོའོ། །འོག་མའི་ཆོས་སྤྱད་པས་བླ་མའི་ཆོས་ཐོབ་པར་མི་རུང་སྟེ་བླ་མའི་ཆོས
188b3 སྤྱད་ན། གདོད་བླ་མའི་ཆོས་ཐོབ་བོ། །གང་ལ་སོགས་པ་འོག་མའི་ཆོས་དེ་ནི་ལུས་ཀྱི་ངན་པའི་ལས་ཁའི་ངན་པའི་ལས་ཡིད་ཀྱི་ངན་པའི་ལས་སོ། །འོག་མའི་ཆོས་ནི་མིང་སེམས་ལ་དགེ་བའི་ཆོས་འགྲུབ་པར་སྤྱོད་སྦྱོང་མི་ནུས་པ་ཞེས་བྱའོ། །འོག་མའི་ཆོས་ནི་ལེ་ལོ
188b4 སྙོམ་ལས་བྱེད་ཅིང་ཚུལ་ཁྲིམས་མནོས་སོ་ཅོག་བཤིག་པའོ་ཞེས་བྱའོ། །ཤཱ་རིའི་བུ་དེའི་མིང་འོག་མའི་ནང་ན་ཡང་འོག་མ་ཞེས་བྱའོ། །ཡང་འོག་མའི་ནང་ན་འོག་མ་ཞེས་བྱ་བ་ནི་ངའི་ཆོས་ལ་ཁྱིམ་ནས་བྱུང་སྟེ། ཐོབ་པ་མཐོང་བ་དང་། བདག་ཏུ་ལྟ་བ་དང་། གང
188b5 ཟག་ཏུ་ལྟ་བ་དང་། སེམས་ཅན་དུ་ལྟ་བ་ཡང་སྐྱེས་སོ། །ཅིའི་ཕྱིར་ཞེ་ན། ཤཱ་རིའི་བུ་ཡང་དག་པར་གཤེགས་པས་དེ་ལ་མངོན་པར་སྣང་བ་མཁྱེན་ཏེ། ཐོབ་པ་ཡོད་པར་འཛིན་པས་ནི་མི་འགལ་བའི་བཟོད་པ་ཡང་མེད་ན་ལམ་གྱི་འབྲས་བུ་མི་ཐོབ་པ་ལྟ་སྨོས་ཀྱང་ཅི་དགོས། ཤཱ
188b6 རིའི་བུ་ཐོབ་པ་ཡོད་པར་འཛིན་དུ་ཟིན་ན། བརྒྱ་སྟོང་ཁྲི་འབུམ་གྱི་སངས་རྒྱས་ཀྱིས་འཁོར་ལོ་གསུམ་སྤྱད་དེ་མངོན་པར་བསྟན་དུ་ཟིན་ཀྱང་། མི་དེས་མཐོང་བ་མ་བཏང་ན་མི་གཞན་གྱི་ཁ་ཟས་ཁམ་གཅིག་ཀྱང་མི་ཞུ་ན། ལམ་གྱི་འབྲས་བུ་མི་ཐོབ་པ་ལྟ་སྨོས་ཀྱང་ཅི་དགོས།
188b7 ཤཱ་རིའི་བུ་བདག་ཏུ་ལྟ་བ་དང་། གང་ཟག་ཏུ་ལྟ་བས་མྱ་ངན་ལས་འདས་པ་ཐོབ་པ་ནི་ཕལ་ཐ་མལ་པ་ཐམས་ཅད་ཀུན་གྱིས་ཞི་བར་འདས་པའི་རིགས་སོ། །ཅིའི་ཕྱིར་ཞེ་ན། བདག་ཏུ་ལྟ་བ་དང་། གང་ཟག་ཏུ་ལྟ་བ་ནི་ཀུན་ཡོན་པོ་མཐོང་བ་ཡིན་ནོ། །མི་ཕལ་ཐ
188b8 མལ་པ་རྣམས་དང་། བདག་ཏུ་ལྟ་བའི་གནས་དང་། གང་ཟག་ཏུ་ལྟ་བའི་འདོད་ཆགས་མང་སྟེ། དེ་ལྟ་བས་ན་ཐ་མལ་པ་ཐམས་ཅད་ཀྱིས་མྱ་ངན་ལས་འདས་པ་ཐོབ་པའི་རིགས་སོ་ཞེས་བྱས་སོ། །ཤཱ་རིའི་བུ་མི་ལ་ལ་ཞིག་གིས་བསམས་པ་བྱས་ཏེ། བདག་ཡོད
iiif viewer powered by OpenSeadragon
