| e-texts navigator |
| Wylie |
188a1 ཐོབ་བོ། །གསུམ་གྱི་ཐ་མར་ཕལ་ཆེ་བསྡུས་པ་ལ་མི་འབུམ་ཕྲག་དགུ་བཅུ་རྩ་གཉིས་ཅིག་ཅར་ལམ་ཐོབ་བོ། །དེའི་རྒྱལ་པོ་སངས་རྒྱས་ཀྱིས་ལན་གསུམ་བསྡུས་ཏེ་ཆོས་བཤད་ནས་དཔག་ཏུ་མེད་པའི་མི་བསྒྲལ་བ་མཐོང་ནས་སེམས་ལ་ཤིན་དུ
188a2 དགའ་གཞའ་སྟེ། ལོ་ཁྲིའི་བར་དུ་ཡོ་བྱད་ཐམས་ཅད་ཀྱིས་སངས་རྒྱས་དང་སློབ་མ་ལ་ཡོན་གསོལ་ཏེ། སེམས་བསྐྱེད་ནས་བླ་ན་མེད་པ་གཡུང་དྲུང་རྫོགས་པའི་སངས་རྒྱས་བཙལ་ཏེ་མ་འོངས་པའི་དུས་ན་སེམས་ཅན་བསྒྲག་སླའོ། །ང་དམ་ཚིག་སངས་རྒྱས་གྲུབ
188a3 པ་དང་། ཚེ་སྲོག་གི་དུས་ལྤག་པ་དང་། དགེ་སློང་གི་དགེ་འདུན་གྱི་གྲངས་དང་། འཁོར་བའི་བསྐོར་བ་ནི་དེ་ལྟ་བུ་ཡིན་ནོ། །ཤཱ་རིའི་བུ་ངས་དོན་དེ་ཤེས་པ་ནི་འདི་བས་འདས་ཏེ་དཔག་ཏུ་མེད་དོ། །ཤཱ་རིའི་བུ་སངས་རྒྱས་བྱམས་པས་སེམས་བསྐྱེད་དེ།
188a4 བསྐལ་པ་བཞི་བཅུ་ལོན་ཟིན་ནས་ངས་གདོད་སེམས་བསྐྱེད་དེ། སངས་རྒྱས་ཐུབ་མེད་ཀྱི་ཐད་དུ་ཐོག་མ་དགེ་བའི་རྩ་བ་བསྐྱེད་ནས། ངས་ལོ་སྟོང་གི་བར་དུ་སྐྱིད་པའི་ཡོ་བྱད་ཐམས་ཅད་ཀྱིས་སངས་རྒྱས་དེ་ལ་ཡོན་གསོལ་ནས་རས་ཡུག་ལྔ་བརྒྱ་ཕུལ་ཏེ། སངས་རྒྱས
188a5 དེ་འདས་པའི་ཕྱི་ན་རིན་པོ་ཆེ་སྣ་བདུན་གྱི་མཆོད་རྟེན་བརྩིགས་ནས་འཕང་ནི་དཔག་ཚད་གཅིག་། ཆུ་ཞེང་ནི་དཔག་ཚད་ཕྱེད་དེ། ཀུན་གསེར་དངུལ་དང་། བཻ་དཱུརྱ་དང་། མ་རྒད་དང་། གཟི་དང་། སྤུག་དང་། མུ་ཏིག་དམར་པོས་བྱས་སོ། །སེམས་ལ་རྟག་ཏུ་སྨོན་ལམ་སྐྱེད་པ
188a6 སེམས་ཅན་སྡུག་བསྔལ་ཏེ་བསྒྲལ་བའི་ར་མདའ་མེད་དེ། ཆོས་ངན་པ་དང་ཕྲད་ཅིང་ལམ་ངན་པར་ལྷུང་བ་མང་ན། ངས་དེའི་ཚེ་སངས་རྒྱས་གྲུབ་པར་ཤོག་ཤིག་།ཤཱ་རིའི་བུ་ཁྱོད་ཀྱིས་རེ་ཤིག་ལྟོས་ཤིག་།བླ་ན་མེད་པ་གཡུང་དྲུང་རྫོགས་པ་སྤྱད་སྦྱངས་པ་ཤིན་དུ་དཀའོ། །
188a7 ཤཱ་རིའི་བུ་བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་སྤྱད་སྦྱངས་ན་ཚེ་རབས་གྲངས་མེད་པའི་བར་དུ་སྡུག་བསྔལ་རྣམས་ཀྱིས་ཉོན་མོངས་ཏེ། ངས་བཤད་དུ་ཟིན་ན་ཁྱོད་ཀྱིས་ཐོས་པ་དང་ཡི་མུག་ཅིང་སྒྱིད་ལུག་དུ་རུང་ངོ་། །ངས་སྡུག་བསྔལ་དང་མྱ་ངན་འཁྲུག་པས་ཉོན
188a8 མོངས་སོ་ཅོག་ནི་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་ཚོལ་བའི་ཕྱིར་རོ། །ཤཱ་རིའི་བུ་ཁྱོད་ལྟོས་ཤིག་།བྱང་ཆུབ་སེམས་དཔའ་སར་སར་ཝ་དན་དང་། བྱང་ཆུབ་སེམས་དཔའ་ཆོས་ཚོལ་དང་། བྱང་ཆུབ་སེམས་དཔའ་རྟག་སྙིང་རྗེ་དང་། བྱང་ཆུབ་སེམས
iiif viewer powered by OpenSeadragon
