| e-texts navigator |
| Wylie |
187b1 ཡང་ང་ལ་ལུང་མ་བསྟན་ཏེ། ཐོབ་པ་ཡོད་པ་སྤྱད་པའི་ཕྱིར་རོ། །དེ་ལྟ་བུར་གཅིག་ནས་གཅིག་ཏུ་སངས་རྒྱས་འོད་མི་འགྱུར་དང་ཕྲད་པ་ལ་ཐུག་ན། གདོད་སྐྱེ་བ་མེད་པའི་བཟོད་པ་ཐོབ་ནས་ང་ལ་ལུང་བསྟན་པ། ཁྱོད་མ་འོངས་པའི་དུས་བསྐལ་པ་གྲངས་མེད་པ་འདས་པ
187b2 ན། སངས་རྒྱས་བྱེད་པ་ཐོབ་པ་སྟེ། མཚན་ཤཱཀྱ་ཐུབ་པ་ཡང་དག་པར་གཤེགས་པ་གསོལ་བཞེངས་རིགས་དྲང་ཁྱབ་མཁྱེན་སྣང་མཛད་ཞབས་བདེ་གཤེགས་འཇིག་རྟེན་བཀྲོལ་བླ་ན་མེད་པའི་དྲ་མ་གདུལ་ཐུལ་སྐྱེས་བུ་ལྷ་དང་མིའི་མཁན་སངས་རྒྱས་བཅོམ་ལྡན་འདས
187b3 ཤེས་བསྒོའོ། །ཤཱ་རིའི་བུ་ངས་བསམས་པ་འདས་པའི་དུས་ན་འཁོར་ལོ་འཕྲུལ་གྱི་རྒྱལ་པོ་འབུམ་ཕྲག་བཅུ་གཉིས་ཡོད་དེ་ཀུན་གྱི་མིང་སྤྱི་བོ་སྐྱེས་ཤེས་བྱའོ། །ཡང་ཤཱ་རིའི་བུ་ངས་བསམས་པ་འདས་པའི་དུས་ན་འཁོར་ལོ་འཕྲུལ་གྱི་རྒྱལ་པོ་འབུམ་ཕྲག་སུམ་ཅུ
187b4 ཡོད་དེ་ཀུན་གྱི་མིང་མ་ཐ་མ་ཞེས་བྱའོ། །ཤཱ་རིའི་བུ་ངས་བསམས་པ་འདས་པའི་དུས་ན་འཁོར་ལོ་འཕྲུལ་གྱི་རྒྱལ་པོ་འབུམ་ཕྲག་བཞི་བཅུ་ཡོད་དེ། ཀུན་གྱི་མིང་ཞིང་འབྱི་ཞེས་བྱའོ། །ཤཱ་རིའི་བུ་ངས་བསམས་པ་འདས་པའི་དུས་ན་འཁོར་ལོ་འཕྲུལ་གྱི་རྒྱལ་པོ
187b5 གཅིག་ཁྲི་ཞིག་ཡོད་པ་ཀུན་གྱི་མིང་མངོན་སྣང་ཞེས་བྱའོ། །ཤཱ་རིའི་བུ་ངས་བསམས་པ་འདས་པའི་དུས་ན་འཁོར་ལོ་འཕྲུལ་གྱི་རྒྱལ་པོ་ཉི་ཁྲི་ཞིག་ཡོད་དེ་མིང་མཁན་སོ་སོ་ཐ་དད་དོ། །ཤཱ་རིའི་བུ་ངས་བསམས་པ་འདས་པའི་དུས་ན་འཁོར་ལོ་འཕྲུལ་གྱི་རྒྱལ
187b6 པོ་འབུམ་ཕྲག་བཅུ་དྲུག་ཡོད་པ་མིང་མཁན་ཀུན་སོ་སོ་ཐ་དད་དོ། །རྒྱལ་པོ་དག་ལ་སོགས་པ་ངས་གུད་ན་དགའ་བོ་དག་ལ་བཤད་དོ། །ཤཱ་རིའི་བུ་ཁྱོད་ཀྱི་ཡིད་ལ་ཇི་སྙམ། རྒྱལ་པོ་འདི་རྣམས་མི་གཞན་གྱི་མ་ཡིན་གྱི་ང་ཉིད་ཀྱི་ལུས་ཡིན་ནོ། །ཤཱ་རིའི་བུ་ངས
187b7 བསམས་པ་སྔ་མ་འདས་པའི་ཚེ་དུས་ན་སངས་རྒྱས་ཞིག་ཡོད་པ་མཚན་དགེ་སྣང་ཞེས་བྱ་སྟེ། བྱང་ཆུབ་སེམས་དཔའ་བྱམས་པའི་ཚེ་འཁོར་ལོ་འཕྲུལ་གྱི་རྒྱལ་པོ་བྱས་ནས། མིང་མངོན་སྣང་ཞེས་བྱ་སྟེ། ཐོག་མ་བླ་ན་མེད་པ་བྱང་ཆུབ་ཀྱི་སེམས་བསྐྱེད་པ་དེའི་ཚེ་སེམས་ཅན
187b8 ཚེ་ལོ་བརྒྱད་ཁྲི་བཞི་སྟོང་ཐུབ་སྟེ། སངས་རྒྱས་དགེ་སྣང་དེས་ལན་གསུམ་བསྡུས་ཏེ་ཆོས་བཤད་ན། ཐོག་མ་བསྡུས་པ་ལ་མི་འབུམ་ཕྲག་དགུ་བཅུ་རྩ་དྲུག་ཅིག་ཆར་ལམ་ཐོབ་བོ། །དེའི་འོག་ཏུ་ཕལ་པོ་ཆེ་བསྡུས་པ་ལ་མི་འབུམ་ཕྲག་དགུ་བཅུ་རྩ་བཞི་ཅིག་ཅར་ལམ
iiif viewer powered by OpenSeadragon
