| e-texts navigator |
| Wylie |
17a1 སོགས་པ་ལྷ་རྣམས་ཀྱིས་ས་གཞི་དེ་ལྟ་བུར་གྱུར་པ་མཐོང་ནས་སྐྱི་བུང་ཞེས་བྱས་ཏེ་འཇིགས་ཤིང་ཁ་དང་ལྐོག་མ་སྐམས་ནས་འབྲོས་པར་ཆས་ཏེ་རང་རང་གི་འོད་ཀྱང་མི་མཐོང་ཞིང་འོད་ཉམས་པར་གྱུར་ཏོ། །དེ་ནས་འཁོར་དེ་ཉིད
17a2 ཀྱི་ནང་ནས་འཇམ་དཔལ་གཞོན་ནུར་གྱུར་པ་ལངས་ཏེ་ལྷའི་ཚོགས་དེ་དག་ལ་འདི་སྐད་ཅེས་སྨྲས་སོ། །གྲོགས་པོ་དག་མ་འཇིགས་ཤིག་མ་འཇིགས་ཤིག་།ཤར་ཕྱོགས་ལོགས་སུ་འཇིག་རྟེན་གྱི་ཁམས་གང་གཱའི་ཀླུང་གྲངས་མེད་པ་གཏམས
17a3 ཕྲག་དཀྲིགས་ཀྱི་བྱེ་མའི་རྡུལ་ཕྲ་རབ་གྲངས་མེད་པ་སྙེད་འདས་པ་ན་འཇིག་རྟེན་གྱི་ཁམས་ཡིད་འཕྲོག་སྒྲ་སྙན་མུ་ཏུག་ཅེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའ་དང་མཉམ
17a4 པ་ཞེས་བྱ་བ་ད་ལྟར་བཞུགས་ལ་འཚོ་ཞིང་གཞེས་ཏེ། དེ་བཞིན་གཤེགས་པ་དེས་རང་གི་སྲས་ཀྱི་ཐུ་བོ་ཉན་ཐོས་ལ་བོས་ཏེ་བཀའ་སྩལ་པ། རིགས་ཀྱི་བུ་ཁྱོད་མི་མཇེད་ཀྱི་འཇིག་རྟེན་གྱི་ཁམས་སུ་སོང་ལ། དེ་ན་དེ་བཞིན་གཤེགས་པ་དགྲ་བཅོམ
17a5 པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་ཡོངས་སུ་མྱ་ངན་ལས་འདའ་བར་འགྱུར་གྱིས། དེ་དགེ་སློང་གི་དགེ་འདུན་དང་བཅས་པ་ལ་ཞལ་ཟས་ཀྱི་ཐ་མ་ཕུལ་ལ། ཁྱོད་ཀྱི་ཐེ་ཚོམ་དང་ཡིད་གཉིས་ཅི་དང་ཅི་ཡོད་པ
17a6 དེ་དག་ཀྱང་ལེགས་པར་ཞུས་ཤིག་དང་དེས་ཁྱོད་ལ་ལུང་བསྟན་པར་འགྱུར་རོ་ཞེས་བཀའ་སྩལ་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་མཐའ་ཡས་འདི་བཏང་སྟེ། བྱང་ཆུབ་སེམས་དཔའ་གྲངས་མེད
17a7 པས་བསྐོར་ཅིང་མདུན་དུ་བདར་ནས་འདིར་འོངས་པ་དེའི་གཟི་བརྗིད་ཀྱིས་ཁྱོད་ཀྱི་འོད་ཉམས་པར་གྱུར་ཏོ། །དེ་འོང་བ་ལ་རྗེས་སུ་ཡི་རང་བར་གྱིས་ཤིག་།དེ་བཞིན་གཤེགས་པ་ནམ་མཁའ་དང་མཉམ་པས་བདག་ཅག་གི་དེ་བཞིན
17a8 གཤེགས་པ་ལ་མཆོད་པ་མཛད་པ་ལ་ཡང་ལྟོས་ཤིག་ཅེས་བྱས་སོ། །དེ་ནས་འཁོར་དེ་དག་ཐམས་ཅད་ཀྱིས་མེ་ལོང་གི་ངོས་ལ་བདག་གི་གཟུགས་མཐོང་བ་བཞིན་དུ་འཇིག་རྟེན་གྱི་ཁམས་ཐག་རིང་པོ་ན་བཞུགས་པའི་དེ་བཞིན་གཤེགས་པ
iiif viewer powered by OpenSeadragon
