| e-texts navigator |
| Wylie |
176b1 དང་ཚིག་གིས་བརྒྱན་པ་འཆད་དོ། །ངས་ཡུན་རིང་དུ་འགྲུས་ཤིང་ཉོན་མོངས་པར་ཆོས་དཀོན་མཆོག་དེ་བཙལ་ན། མི་ངན་པ་འདིས་བཏང་གཞག་ནས་མ་བཤད་དེ། ཆོས་ཡིག་ནང་དང་འགལ་བའི་ཚིག་གི་གཞུང་འབའ་ཤིག་སྤྱད་དེ། གཅིག་ལ་གཅིག
176b2 ཡིན་མ་ཡིན་དང་། དྲང་པོའི་ཆོས་དང་འགལ་བ་འཕགས་པའི་ཆོས་ལ་སེམས་མཐོན་པོ་བདག་ཆེ་བའི་ཡིད་བཞིན་དུ་བཤད་དེ། གསོ་བའི་ཁེ་བཙལ་བའི་ཕྱིར་རོ། །ཤཱ་རིའི་བུ་དགེ་སློང་ལ་ལས་ཆོས་མུར་འདུག་གི་གཞུང་དང་འདྲེས་པར་བཤད། དགེ
176b3 སློང་དགེ་བའི་ལམ་ཚོལ་བ་ལ་འགྲུས་པ་ཞིག་ཡོད་ན་འདུག་པ་ལས་ལངས་ཏེ་འགྲོ་བར་རིགས་སོ། །ཅིའི་ཕྱིར་ཞེ་ན། ཤཱ་རིའི་བུ་གོས་སྐྱ་བོ་ཅན་ཡིད་ཆེས་པ་ཡོད་པས་སྟན་མཐོན་པོ་བཏིང་མུར་འདུག་གི་ཚིག་དྲང་ཞིང་བཤད་པའི་མི་རིགས་སོ། །ད་ལྟ་མ
176b4 ཡིན་དུ་ཟིན་ན་དགེ་སློང་དགེ་བ་མ་ཡིན་ནོ། །མིང་སངས་རྒྱས་བཤད་པ་བསྟན་པ་བཞིན་ནོ་ཞེས་ཀྱང་མི་བྱའོ། །ཤཱ་རིའི་བུ་ཆོས་བཤད་པའང་ཤིན་ཏུ་དཀའ་སྟེ། དེ་ལྟ་བུར་འཆད་པ་ནི་ངས་བཤད་པ་ལ་དེའི་མིང་མུར་འདུག་འཛི་གེན་གྱི་སློབ་མ་ཞེས་བྱ་སྟེ། སངས
176b5 རྒྱས་ཀྱི་སློབ་མ་མ་ཡིན་ནོ། །དེ་ལྟར་ཆོས་འཆད་པ་ནི་ཚེ་ཟད་ཀྱི་འོག་ཏུ་འཛི་གེན་ཇིའི་ལམ་དུ་སྐྱེའོ། །གང་ལ་སོགས་པ་འཛི་གེན་ཇིའི་ལམ་ཡིན་ཞེས་བྱས་ན། ཡོན་པོ་མཐོང་བ་འཛི་གེན་ཇིའི་ལམ་ཡིན་ནོ། །གག་ལ་སོགས་པ་ཡོན་པོ་མཐོང་བ་ཞེས
176b6 བྱས་ན་དེ་ནི་སེམས་ཅན་དམྱལ་བ་དང་། བྱོལ་སོང་དང་། ཡི་དགས་ཡིན་ནོ། །ཅིའི་ཕྱིར་ཞེ་ན། ཤཱ་རིའི་བུ་ལུས་ཀྱིས་ཆོས་མ་གྲུབ་པར་སྟན་མཐོན་པོ་ལ་འདུག་། རང་གི་ལུས་ཀྱིས་མི་ཤེས་པར་མི་གཞན་གྱི་ཆོས་སྟོན་པ་ནི་སེམས་ཅན་དམྱལ་བར་ལྟུང་ངོ་། །ཤཱ་རིའི
176b7 བུ་དེ་ལྟ་བུའི་རྒྱུ་རྐྱེན་ནི་དེ་བཞིན་གཤེགས་པས་ཟད་པར་མཁྱེན་ཏེ། ངའི་སློབ་མ་རྣམས་ཀྱིས་སྒོ་མོ་རྣམ་པ་མང་པོ་དང་། རྒྱུ་རྐྱེན་རྣམ་པ་མང་པོ་དང་། མཐོང་བ་རྣམ་པ་མང་པོ་སྤྱོད་དེ། ངའི་དྲང་པོའི་ཆོས་མེད་པར་བྱས་སོ། །ཤཱ་རིའི་བུ་ལ་ལ་ཞིག་གིས་འདི་ལྟ་བུའི་ཆོས་ཀྱི
176b8 ཡི་གེའི་མཆོག་གི་གཞུང་སྟོང་པ་ཅིའང་མེད་པའི་ཆོས་ཐོས་ན་སེམས་དགའ་གཞའ་བ་ཞིག་ཡོད་ན་དེ་ལྟ་བུའི་མི་ནི་ཡང་དག་པའི་ངའི་སློབ་མ་ཡིན་པར་མངོན་ནོ། །ཤཱ་རིའི་བུ་སྔ་མ་འདས་པའི་དུས་ན་དམུས་ལོང་ལྔ་བརྒྱ་ཞིག་ཡོད་པ་ལམ་དུ་དོང་བ་ལས་མཁར
iiif viewer powered by OpenSeadragon
