| e-texts navigator |
| Wylie |
176a1 ཚུལ་ཁྲིམས་གཙང་མའི་དགེ་སློང་ལ་ནི་ཆོས་ཀྱང་མེད། སྐྱིད་པ་ཡང་མེད། སྦྱིན་པ་བཤད་ཀྱང་རུང་། ཚུལ་ཁྲིམས་བཤད་ཀྱང་རུང་། བཟོད་པ་བཤད་ཀྱང་རུང་། བརྩོན་འགྲུས་བཤད་ཀྱང་རུང་། བསམ་གཏན་བཤད་ཀྱང་རུང་།
176a2 ཤེས་རབ་བཤད་ཀྱང་རུང་སྟེ། དེ་ལྟ་བུའི་སྐྱོ་ཞིང་འཇིགས་པའི་ཆོས་ཀྱི་ཡི་གེ་བཤད་ན་ཀུན་ལ་འང་སེམས་དགའ་སྲེད་དོ། །ཤཱ་རིའི་བུ་མི་རྣམ་གསུམ་ཞིག་ཡོད་པས་ཆོས་ཀྱི་ཡི་གེ་འདི་བཤད་པ་ཐོས་ན་སེམས་ལ་མྱ་ངན་འཁྲུག་གོ། །གསུམ་གང
176a3 ལ་སོགས་པ་ཞེས་བྱས་ན། གཅིག་ནི་ཚུལ་ཁྲིམས་ཞིག་པའི་དགེ་སློང་ངོ་། །གཉིས་ནི་ལེ་ལོ་ཡར་སྐྱེ་བའི་མིའོ། །གསུམ་ནི་ཆོས་བཤད་པ་མི་གཙང་བའོ། །ཡང་མི་རྣམ་གསུམ་ཡོད་པས་ཆོས་ཀྱི་ཡི་གེ་འདི་ཐོས་ན་སེམས་ལ་མྱ་ངན་འཁྲུག་གོ། །གསུམ
176a4 གང་ལ་སོགས་པ་ཞེས་བྱས་ན། གཅིག་ནི་གང་ཟག་ཏུ་མཐོང་བའོ། །གཉིས་ནི་སྲོག་མཐོང་བའོ། །གསུམ་ནི་བདག་ཏུ་མཐོང་བའོ། །ཤཱ་རིའི་བུ་ངས་ད་ཁྱོད་ལ་བྱེ་བྲག་ཕྱེད་པར་བསྒོའོ། །དགེ་བའི་བཤེས་གཉེན་དེས་པ་བྱམས་ཤིང་རྗེ་བའི་སེམས་ཀྱིས
176a5 མི་གཞན་གྱི་བསོད་ནམས་བཙལ་བདེ་བཙལ་བ་དང་མཚུངས་སོ། །ཁྱོད་ལ་སོགས་པ་ངའི་ཚིག་གཅིག་ཏུ་ཉོན་ནོས་ལ། རྟག་པར་དགེ་བའི་བསོད་ནམས་ཚོལ་ལ། སེམས་ལ་རང་ཉམ་མ་བྱེད་ཅིག་།ཤཱ་རིའི་བུ་ཆོས་འཆད་པ་མི་གཙང་བ་ལ་ནི་འཁྲུག
176a6 པ་ལྔ་ཡོད་དོ། །ལྔ་གང་ལ་སོགས་པ་ཞེས་བྱ་བ་བྱས་ན། གཅིག་ནི་རང་ན་རེ་སངས་རྒྱས་ཀྱི་ཆོས་ཟད་པར་ཤེས་ཤིང་ཟེར་རོ། །གཉིས་ནི་སངས་རྒྱས་ཀྱི་ཆོས་ཡིག་བཤད་པའི་ཚེ། ཆོས་ཡིག་གཞན་གྱི་ནང་ནས་བྱུང་འགལ་བའི་ཉེས་འཁྲུལ་པའོ། །
176a7 གསུམ་ནི་ཆོས་གཞན་ལ་སེམས་དོགས་ཤིང་ཡིད་མི་ཆེས་པའོ། །བཞི་ནི་བདག་གིས་ཅི་ཤེས་པ་སྤྱད་དེ་ཆོས་ཡིག་གཞན་ལྟར་མ་བྱས་པའོ། །ལྔ་ནི་གསོ་བའི་ཁེའི་ཕྱིར་མི་གཞན་ལ་ཆོས་བཤད་པའོ། །ཤཱ་རིའི་བུ་དེ་ལྟ་བུར་ཆོས་འཆད་པ་ནི་ངས་མི་དེ་མཐར
176a8 སེམས་ཅན་དམྱལ་བར་ལྟུང་སྟེ། མྱ་ངན་ལས་འདས་པར་མི་ཕྱིན་ཅེས་བཤད་དོ། །ཡང་ཤཱ་རིའི་བུ་ཆོས་འཆད་པའི་དགེ་སློང་ནི་ཕལ་མང་པོའི་ནང་དུ་གནས་ཏེ། ཆོས་ལ་ཡིད་ཆེས་ཤིང་དད་པས་སྟན་མཐོན་པོ་བཏིང་ན་སངས་རྒྱས་ཀྱི་དྲང་པོའི་ཆོས་བཏང་སྟེ། མུར་འདུག་གི་ཡི་གེ
iiif viewer powered by OpenSeadragon
