| e-texts navigator |
| Wylie |
175b1 སློང་གི་མྱ་ངན་འཁྲུག་པའི་མདའ་བཅུ་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཤཱ་རིའི་བུ་ང་མེད་པར་འདས་པའི་ཕྱི་ན་དེ་ལྟ་བུ་ལ་སོགས་པའི་མིས་འཛམ་བུའི་གླིང་གང་སྟེ། ཁེ་ཚོལ་བ་འབའ་ཤིང་སྤྱོད་ཅིང་རང་འཚོ་གསོ་བྱེད་དོ། །
175b2 སངས་རྒྱས་ཀྱི་མཛོད་བཤད་པ་ཆོས་ཀྱི་ཡི་གེ། བམ་པོ་གསུམ་པ། སངས་རྒྱས་ཀྱིས་སངས་རྒྱས་ཀྱི་མཛོད་བཤད་པའི་ཆོས་ཀྱི་ཡི་གེ་ལེའུ་དྲུག་སྟེ། གཙང་མའི་ཆོས་ཀྱི་ལེའུའོ།། །། སངས་རྒྱས་ཀྱིས་ཤཱ་རིའི་བུ་ལ་བཀའ་སྩལ་པ། གནས་སངས་རྒྱས
175b3 བསོད་སྐྱབས་ཀྱིས་སྔ་ནས་ང་ལ་ལུང་བསྟན་པ་སངས་རྒྱས་ཤཱཀྱ་ཐུབ་པ་ཡོན་མང་དུ་བླངས་ན་ཆོས་མྱུར་དུ་མེད་པར་འགྱུར་རོ་ཞེས་གསུངས་སོ། །ཤཱ་རིའི་བུ་ངའི་ཆོས་ལ་བདེན་པར་ཡོན་འབུལ་བ་མང་བས་ཕྱིས་མྱུར་དུ་མེད་པར་འགྱུར་རོ། །ཤཱ་རིའི་བུ་དཔེར་མི་དབུལ
175b4 པོས་ནོར་བུ་རིན་པོ་ཆེའི་མཛོད་རྙེད་པ་དང་མཚུངས་ཏེ་སེམས་ཤིན་དུ་དགའོ། །འདི་ལྟ་སྟེ། ཤཱ་རིའི་བུ་མ་འོངས་པའི་དུས་ན་གོས་སྐྱ་བོ་ཅན་ལ་ཉེ་བསྙེན་ཅིང་ཡོན་ལེན་པའི་དགེ་སློང་མང་དུ་ཡོད་དེ། ཁད་ཀྱིས་གཅིག་གིས་གཅིག་བསྟན་པ་བསླབས་ཏེ། གྲོགས
175b5 སུ་བྱས་ནས་སེམས་དགའ་ཞིང་དད་སྐྱིད་པར་འཛིན། དཔེར་མི་དབུལ་པོས་ནོར་བུ་རིན་པོ་ཆེའི་མཛོད་རྙེད་པ་དང་མཚུངས་ཏེ། དེ་ལྟ་བུའི་མི་གཏི་མུག་ནི་འཇིག་རྟེན་གྱི་ཁེ་རིན་ཆེ་ཞིང་འཇིག་རྟེན་གྱི་བྲན་འཁོར་བ་ལ་སྲེད་དོ། །དགེ་སློང་གིས་ཡོན་མང་དུ
175b6 སྤྱད་པ་མཐོང་ན་སེམས་ལ་ཐལ་བྱུང་དུ་དགྲ་བཅོམ་པ་ཐོབ་ཅེས་ཟེར་རོ། །ཉུང་ངུའི་བཤེས་གཉེན་མཐོང་ན་མོད་བཞིན་མིང་ངན་པ་ཞེས་བྱའོ་ཞེས་ཟེར་རོ། །དེ་ལྟ་བུའི་དགེ་སློང་ནི་གསོ་བའི་ཁེའི་ཕྱིར། བླ་ན་མེད་པའི་སངས་རྒྱས་ཀྱི་ལམ་བཏང་སྟེ།
175b7 ཅི་ལ་སྲེད་པ་བཞིན་དུ་དེའི་དོན་གྲུབ་བོ། །ཤཱ་རིའི་བུ་དེ་བཞིན་གཤེགས་པས་གཏི་མུག་དེའི་ཕྱིར་འདི་ལྟ་བུ་ལ་སོགས་པ་ཆོས་ཀྱི་ཡི་གེ་བཤད་དོ། །ཅིའི་ཕྱིར་ཞེ་ན། ཚུལ་ཁྲིམས་ཞིག་པའི་དགེ་སློང་གིས་ཆོས་ཀྱི་ཡི་གེ་འདི་ལྟ་བུ་བཤད་པ་ཐོས་ན་འགྱོད་པའི་སེམས་སྐྱེས་ཏེ།
175b8 ཚུལ་ཁྲིམས་བཏང་བ་སླར་དྲན་ཏེ་དགྲ་ཆེན་པོ་མི་བྱེད། གཞན་གྱི་ཡོན་མི་ལེན་ཏོ། །ཤཱ་རིའི་བུ་དགེ་སློང་ལ་ལ་ཆོས་ཀྱི་ཡི་གེ་འདི་ལྟ་བུ་ཐོས་ནས་སེམས་མི་གཙང་མི་གདང་སྟེ། མི་དགའ་མི་སྐྱིད་པ་དེ་ལྟ་བུའི་མིང་ནི་དགེ་སློང་ངན་པ་ཞེས་བྱའོ། །ཅིའི་ཕྱིར་ཞེ་ན། ཤཱ་རིའི་བུ
iiif viewer powered by OpenSeadragon
