| e-texts navigator |
| Wylie |
175a1 དགུ་ཞེས་བྱ་སྟེ་ཡང་དག་པར་སེམས་ཅན་དམྱལ་བར་ལྟུང་ངོ་། །ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་གཞན་གྱི་དོན་ལ་སྲེད་མོས་ཏེ། དེའི་གཞུང་ཅི་དགར་བཟུང་ནས་འཐབ་རྩོད་པ་ཡོད་ན་དགའ་སྐྱིད་པར་འཛིན་ཏོ། །གོས་ཟས་ཀྱིས་ལུས
175a2 བརྒྱན་ལ་གཞན་གྱི་ཆོ་ག་སློབ་ཅིང་མལ་ཆ་བཟང་པོ་བཙལ་ཏེ། ཁེས་གསོ་ཞིང་ལུས་བདེ་བར་བྱས་མི་གཞན་གྱིས་བསྟོད་པ་ལ་སྲེད། སྦྱིན་བདག་ལ་འཁྲེན་ཅིང་འདུག་པའི་གནས་ལ་ཕངས་པར་འཛིན་ཏེ། དགེ་སློང་མཁན་པོ་འོངས་ན་བདག་གི་ཉེས་པ་མཐོང
175a3 གིས་དོགས་ཏེ། ཚུལ་ཁྲིམས་འཛིན་པ་ལ་སྡང་། ཚུལ་ཁྲིམས་ཞིག་པ་ལ་ནི་ཉེ་བསྙེན། སྦྱིན་པ་བྱེད་པ་ལ་རྟག་པར་བསྟོད། ཚུལ་ཁྲིམས་འཛིན་པ་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ལ་ནི་མི་བསྟོད། སྟོང་པ་ཞི་བ་ལའང་མི་བསྟོད།
175a4 འབའ་ཤིག་གནས་པ་ནི་བསྲིངས་སྤངས་ཏེ་རྟག་པར་ཚུལ་ཁྲིམས་འཛིན་པ་ལ་ཉེས་པར་བརྗོད་པ་ལ་དཔྱ་བར་སྲེད། སྦྱངས་པའི་ཡོན་ཏན་འཛིན་པ་ལ་ཡང་སྙན་པར་མི་བསྟོད། བར་བར་ངའི་དོན་ལ་དཔྱས་ཏེ་བཤད། བར་བར་ཁ་ངན་པས་མི་རིགས་པར་བསྐྱེད། བར
175a5 བར་དྲན་པའི་འདུ་ཤེས་ཀྱི་བརྫུན་པ་བཤད། རིགས་བཟང་པོ་རྟེན་སྙེམ་སྟེ་ཕ་ཚན་གྱི་གཉེན་ལ་བརྟུད་པར་དྲིས། རྒྱུ་རྐྱེན་ཆུང་ངུ་སྤྱད་དེ་དབུལ་པོ་ལ་ཆོས་བཤད་ན་རྟག་པར་སེམས་མི་དྲང་བས་དངངས་ཤིང་དོགས་པ་སྲེལ་ཏེ་ཕལ་ཀུན་སྡང་ཞིང་སྐྱོ་བས་ཡུན་དུ་བརྙས་སྨད་པ་ལ
175a6 ཕན་ནོ། །ཚུལ་ཁྲིམས་འཛིན་པ་ལ་ནི་རྟག་པར་དཔྱས་བཤད་པ་ལ་སྲེད་དོ། །གཏན་ལ་བབ་པ་བདེན་པར་འཆད་པ་ལ་ནི་ཉེ་བསྙེན་པས་མི་འདོད་དེ་ཡིད་ལ་དེ་ལྟ་བུའི་ཆོས་ཀྱི་ཡི་གེ་ཐོས་པར་མི་དགའོ། །དེ་ལྟ་བུའི་ཆོས་ཀྱི་ཡི་གེ་གཟུངས་སུ་བཟུང་སྟེ་ཀློག་ཅིང་ཁ་ཏོན་ལ་སྲེད་པ་དང་།
175a7 ཆོས་ཀྱི་ཡི་གེ་དེ་ལྟ་བུ་བཤད་པ་ཐོས་ན་སེམས་དགའ་གཞན་པ་དེ་ལྟ་བུ་ཡང་མཐོང་དུ་མི་དགའོ། །གཅིག་ཏུ་ནི་ཚུལ་ཁྲིམས་འཛིན་པའི་ཆོས་ལ་བསྟོད་པ་ཐོས་སུ་མི་དགའ་སྟེ། དེ་ལྟ་བུ་ལ་སོགས་པའི་ཆོས་ཀྱི་ཡི་གེ་བཤད་ན་ཉན་ཅིང་ནོད་དུ་འོང་མི་འོང་ཉན་ཅིང་ནོད་དུ་ཟིན་ན་འང
175a8 རིང་པོར་མ་ལོན་པར་སླར་སོང་སྟེ། གོས་སྐྱ་བོ་ཅན་དང་བཤེས་གཉེན་དུ་བྱས་པ་མང་ལ་རྟག་པར་ཁྲིམས་འཛིན་པའི་དགེ་སློང་ལ་བརྗོད་ཅིང་བཤད་པ་ལ་སྲེད་དེ་རང་ཉམ་བྱེད་པས་བརྙས་པ་དང་། ཁ་མདའ་སྤྱོད་དོ། །ཤཱ་རིའི་བུ་དེའི་མིང་ཚུལ་ཁྲིམས་ཞིག་པའི་དགེ
iiif viewer powered by OpenSeadragon
