| e-texts navigator |
| Wylie |
174a1 ཡིན་ཏེ། མིང་དགྲ་རྟག་པ་མིང་དགྲ་ཆེན་པོའོ། །དགྲའི་རྒྱལ་མཚན་བཙུགས་པ་འཇིག་རྟེན་གྱི་མིའོ་ཅོག་ཐམས་ཅད་ལ་བཙོག་ཅིང་གནོད་པ་ཞེས་བྱའོ། །ཅིའི་ཕྱིར་ཞེ་ན། ངན་པ་མ་བྱས་པ་མེད་པའི་ཕྱིར་རོ། །དེ་ལྟ་བས་ན་ཤཱ་རིའི་བུ་དགེ་སློང་ངན་པ་དེ་འཇིག
174a2 རྟེན་གྱི་ལྷ་དང་མི་ཐམས་ཅད་ཀུན་གྱི་དགྲ་ཆེན་པོ་ཡིན་ཞེས་ཤཱ་རིའི་བུ་མི་དང་ལྷ་དང་འཇིག་རྟེན་ཐམས་ཅད་ཀྱི་མི་དགྲ་ཆེན་པོ་ཡིན་ན། དེ་ལྟ་བུའི་མིས་ཡོན་ཆུ་རྔུབ་གཅིག་ཞུ་བར་ནུས་སམ་མི་ནུས། བཅོམ་ལྡན་འདས་མི་ནུས་ལགས་སོ། །ཤཱ་རིའི་བུ་ཁྱོད་ཀྱི
174a3 ཡིད་ལ་ཇི་སྙམ། དེ་ལྟ་བུའི་མི་ངན་པ་ཆེན་པོ་མ་ཡིན་ནམ། བཅོམ་ལྡན་འདས་དེ་ལགས་སོ། །ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་གིས་ལྷ་དང་མིའི་འཇིག་རྟེན་ཐམས་ཅད་ལ་ངན་པའི་སྡིག་ཆེན་པོ་ཡོད་དེ། གཞུང་དེ་ལྟ་བས་ན་ངས་ཚིགས་སུ་བཅད
174a4 པ་འདི་བཤད་དོ། །ཉིས་ན་རྡོ་བསྲེགས་ཟ་བ་དང་། །ཟངས་བཞུན་ཁུ་བ་འཐུང་ཡང་རུང་། །བདག་ལ་ཚུལ་ཁྲིམས་མེད་པ་རུ། །ཡིད་ཆེས་མི་ཟས་བཟའ་མི་ཕོད། །ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་དེ་ལ་ཁ་དོག་མེད། ལེགས་པ་མེད། སེམས་དག
174a5 པའི་སྨོན་ལམ་ཡང་མེད་དེ། ལུས་དང་སེམས་གདུག་པས་རྨི་ལམ་ངན་པ་མཐོང་བར་དགའ་བཞིན་གནས་ལ་མི་སྲིད་པར་འགའ་ཞིག་འགྲོ་ན་ལུས་འཇིགས་ཤིང་འདར། ཚུལ་ཁྲིམས་གཙང་མ་མཐོང་ན་གོལ་བར་གབ་ལ་གྱུར་ཞིང་བྱོལ། རང་གནོང་བས
174a6 སེམས་འདར་ཏེ་དེ་ཕྲད་དུ་མི་དགའ། ཡོན་ལེན་པའི་ཚེ་དངངས་དོགས་འཇིགས་སྐྲག་སྟེ། སེམས་རྟག་པར་རྒྱུག་འབྲོས་ཤིང་འདུ་ཤེས་ཀྱིས་བསམ་པ་རྣམ་པར་མང་། ནོར་གྱི་ཁེ་ལ་རབ་ཏུ་བརྐམ་ཞིང་ཟས་ཞིམ་པོ་ལ་དགའ་སྲེད་དོ། །དེ་ལྟ་བུའི་དགེ་སློང་ནི་ཚེ་ཟད
174a7 པའི་འོག་ཏུ་ཡང་དག་པར་སེམས་ཅན་དམྱལ་བར་འགྲོའོ། །ཤཱ་རིའི་བུ་དེའི་མིང་ཚུལ་ཁྲིམས་ཞིག་པའི་དགེ་སློང་གི་མྱ་ངན་འཁྲུག་པའི་མདའ་བདུན་ཞེས་བྱ་སྟེ། ཡང་དག་པར་སེམས་ཅན་དམྱལ་བར་ལྟུང་ངོ་། །ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང
174a8 ཕལ་གྱི་ནང་ན་འདུག་ཅིང་གྱེས་འཁྲུགས་པའི་ཚིག་མང་པོ་ལ་སྲེད། རང་བཞིན་ནས་ཕྲག་དོག་ལ་དགའ་བས། ཚུལ་ཁྲིམས་ཞིག་པ་དང་གྲོགས་པོ་འཛའ་བོར་བྱས་ནས། རྟག་པར་ཚུལ་ཁྲིམས་ཞིག་པའི་ངན་པའི་དོན་བརྗོད་ཅིང་བཤད་པ་ལ་སྲེད་དེ། བདག་སྐྱིད
iiif viewer powered by OpenSeadragon
