| e-texts navigator |
| Wylie |
16a1 ཅན་ལ་འདི་སྐད་ཅེས་བཀའ་སྩལ་ཏོ། །སྡིག་ཅན་ཁྱོད་ཁ་ཟས་ཀྱི་ཕྱིར་གསོལ་བ་མ་འདེབས་ཤིག་།གསང་སྔགས་ཀྱི་ཚིག་འདི་སེམས་ཅན་ཐམས་ཅད་ལ་ཕན་པའི་ཕྱིར་ཆོས་ཀྱི་སྦྱིན་པར་འགྱུར་བས་ན་བཞེས་པར
16a2 བྱའི། ཟང་ཟིང་གི་སྦྱིན་པ་ནི་དེ་ལྟ་མ་ཡིན་གྱིས། སྡིག་ཅན་ཁྱོད་གསོལ་བ་མ་འདེབས་ཤིག་ཅེས་བཀའ་སྩལ་ནས་བཅོམ་ལྡན་འདས་ཅང་མི་གསུང་བར་གྱུར་ཏོ། །ལན་གཉིས་ལན་གསུམ་གྱི་བར་དུ་ཡང་བདུད་དང་བདུད་ཀྱི་བུ་མོ
16a3 རྣམས་ཀྱིས་བཅོམ་ལྡན་འདས་ལ་གསོལ་བ་བཏབ་པ་ལས་མ་བཞེས་ཏེ་རེ་ཐག་ཆད་ནས་ཕྱོགས་གཅིག་ཏུ་འཁོད་དོ། །དེ་ནས་དེའི་ཚེ་ལྷའི་བུ་དབང་ཕྱུག་ཆེན་པོ་ལྷའི་བུ་དཔག་ཏུ་མེད་པ་མཐུ་དཔག་ཏུ་མེད་པ་དག་གིས་མདུན་དུ་བདར་ཏེ་རང་གི
16a4 འོད་ཀྱིས་ཚངས་པ་དང་། ལྷའི་དབང་པོ་དང་ལྷ་མ་ཡིན་དང་། བདུད་ཀྱི་འོད་རྣམས་སྣག་ཚའི་གོང་བུ་བཞིན་དུ་འོད་མི་གསལ་བར་བྱས་ཏེ། བཅོམ་ལྡན་འདས་ཀྱི་མཆོད་པ་རྒྱ་ཆེན་པོ་ཉིས་གྱུར་བས་ལྷག་པ་དག་ཁྱེར་ནས་དེར་སོང་སྟེ།
16a5 དེའི་མཆོད་པ་རྣམས་ཀྱི་ནང་ན་གདུགས་ཕལ་པ་གང་ཡིན་པ་དེ་ཡང་ཆུ་ཞེང་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁྱབ་པར་འདུག་སྟེ། མཆོད་པ་དེ་ལྟ་བུ་སྔོན་དུ་བཏང་ནས་བཅོམ་ལྡན་འདས་ཀྱི་ཐད་དུ་ཕྱིན་ཏེ་ལན་དུ
16a6 མ་བསྐོར་བ་བྱས་ནས་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལ་བདག་མཆོད་པ་བགྱིད་པ་ནི
16a7 སྦྲང་བུ་མཆོད་པ་བགྱིད་པ་དང་འདྲ་སྟེ། བདག་སྦྲང་བུ་དང་འདྲ་བས་བཅོམ་ལྡན་འདས་ལ་མཆོད་པ་བགྱིད་པའི་རྔོ་ག་ལ་ཐོག་གིས་ཀྱང་བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ་ཞལ་ཟས་ཀྱི་ཐ་མ་གསོལ་བར་ཅི་གནང་ཞེས་ལན་གཉིས
16a8 ལན་གསུམ་དུ་གསོལ་བ་བཏབ་ཀྱང་ལན་གཉིས་ལན་གསུམ་དུ་བཅོམ་ལྡན་འདས་ཅང་མི་གསུང་བར་གྱུར་ཏེ། རེ་ཐག་ཆད་ནས་ལངས་ཏེ་ཕྱོགས་གཅིག་ཏུ་འདུག་གོ། །དེ་ནས་དེའི་ཚེ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་འཇིག་རྟེན
iiif viewer powered by OpenSeadragon
