| e-texts navigator |
| Wylie |
164a1 བརྒྱ་སྟོང་ཁྲི་འབུམ་གྱི་བར་དུ་ལུས་ཀྱི་ཤ་བཅད་གཏུབས་ཏེ་སྦྱིན་བདག་ལ་འཇལ་ལོ། །ཕྱུགས་ཀྱི་ལུས་སུ་སྐྱེས་ན་ཡང་རྟག་ཏུ་ཁལ་ལྕི་བ་ཁྱེར་བར་འོང་ངོ་། །ཇི་ལྟ་ཞེས་བྱས་ན་སྐྲའི་ཉག་མ་གཅིག་གི་ཆུ་ཚལ་གཅིག་གི་སྟོང་གསུམ་གྱི་སྟོང
164a2 འབུམ་གྱི་ཤས་གཅིག་ཙམ་གྱི་ཡོན་ཡང་ཚུལ་ཁྲིམས་ཞིག་པའི་དགེ་སློང་གིས་ཞུ་བར་མི་ནུས་ན་གཞན་གྱི་གོས་དང་། ཁ་ཟས་དང་། མལ་ཆ་དང་། རྩི་སྨན་ཞུ་བར་མི་ནུས་པ་ལྟ་སྨོས་ཀྱང་ཅི་དགོས། ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་འཕྲུལ་གྱི
164a3 ཆོས་གོས་གྱོན་ཀྱང་གཙུག་ལག་ཁང་གི་ནང་དུ་གོམ་པ་གཅིག་ཀྱང་འགྲོ་བ་མི་རིགས་ན། ཆུ་རྔུབ་གཅིག་དང་ཁྲི་སྟན་ཡན་ཆད་ལ་འདུག་ཏུ་མི་དབང་བ་ལྟ་སྨོས་ཀྱང་ཅི་དགོས། ཅིའི་ཕྱིར་ཞེ་ན། ཤཱ་རིའི་བུ་དེ་ལྟ་བུའི་མི་ངན་པ་ནི་ལྷའི་ནང་ན་ཡང་དགྲ་ཆེན་པོ་ཡིན
164a4 ཞེས་བྱ་སྟེ། འཇིག་རྟེན་ཐམས་ཅད་ཀུན་གྱིས་ཀྱང་བསྲིང་སྤང་བའི་རིགས་སོ། །དེ་ལྟ་བུར་སུན་བྱུང་བའི་མི་ནི་ཀུན་གྱི་དགྲ་ཡིན་ནོ། །ཡང་དག་པར་གཤེགས་པས་འཇིག་རྟེན་ཐམས་ཅད་ངའི་ཐད་དུ་འོང་བར་གནང་ན། ཚུལ་ཁྲིམས་ཞིག་པའི་མི་ནི་ཡང་དག
164a5 པར་གཤེགས་པས་ཕྱག་གིས་བཀབ་སྟེ། ངའི་སློབ་མ་ཡིན་ན་ཉིན་གཅིག་ངའི་ཆོས་ཀྱི་ནང་ན་མི་འཇུག་པ་ལྟ་སྨོས་ཀྱང་ཅི་དགོས། ཤཱ་རིའི་བུ་དཔེར་ན་མི་ཤི་བ་དང་། སྦྲུལ་ཤི་བ་དང་། ཁྱི་ཤི་བ་ནི་ནང་ན་མནམ་སྨེ་བ་སྟེ། གཙང་གདང་བའི་ལྷ་རྣམས་རྩེན་ཅིང
164a6 དགོད་པའི་ཚེ་མཐོང་དུ་མི་རུང་ངོ་། །མཐོང་དུ་ཟིན་ཀྱང་བསྲིང་ངོ་། །འདི་ལྟ་སྟེ། ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་ནི་རོ་དེ་གསུམ་མནམ་སྨེ་བ་དང་མཚུངས་ཏེ་མི་གཙང་བས་ཤེས་རབ་ཅན་གྱིས་བསྲིངས་སྤངས་ཏེ། ལྷན་ཅིག་ཏུ་གསོ་སྦྱིན་རང་གསང
164a7 བ་མི་བྱེད་དོ། །ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་ནི་ངའི་ཆོས་ཀྱི་ནང་ན་མི་ཤེས་པ་མ་ཡིན་ཞེས་བྱ་སྟེ། ཚུལ་ཁྲིམས་འཛིན་པའི་དགེ་སློང་གིས་ཚུལ་ཁྲིམས་བཤིག་པ་འདི་ལྟ་བུ་མཐོང་ན་མོད་བཞིན་རིང་དུ་སྤངས་སོ། །ཅིའི་ཕྱིར་ཞེ་ན། ཚུལ
164a8 ཁྲིམས་ཞིག་པའི་དགེ་སློང་གིས་ལག་གིས་རེག་པའི་རྫས་བླངས་སོ་ཅོག་ཚུལ་ཁྲིམས་འཛིན་པའི་ངན་དུག་པར་གྱུར་ཏེ། ཤཱ་རིའི་བུ་རོ་གསུམ་མནམ་སྨེ་བས་གང་བ་དེའི་ནང་ན་ངའི་ཆོ་ག་བཞིན་སྤྱོད་པ་ནི་ཕོད་ཀྱི། ཚུལ་ཁྲིམས་ཞིག་པའི་དགེ་སློང་འདི་དང
iiif viewer powered by OpenSeadragon
