| e-texts navigator |
| Wylie |
163b1 ཅིའི་ཕྱིར་ཞེ་ན། འདུས་ཚོགས་ཏེ་གསོ་སྦྱིན་བྱས་ན། བདག་ནི་སྐྲད་དེ་ཕྱུང་། ཡང་དག་ཆེས་དགེ་སློང་ངན་པ་དེ་བདག་ལ་ཉེས་པ་ཡོད་པར་ཤེས་པས་རྟག་པར་མྱ་ངན་འཁྲུག་པ་སྲེལ་ཏེ། ཚུལ་ཁྲིམས་འཛིན་པ་ལ་གཤེ་འཁོན་ཅིང་མི་དགའོ། །ཤཱ
163b2 རིའི་བུ་དེའི་མིང་མྱ་ངན་འཁྲུག་པའི་དགེ་སློང་གི་ཐོག་མའི་མྱ་ངན་འཁྲུག་པའི་མདའ་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཡང་དག་པའི་བུ་ཚུལ་ཁྲིམས་ཞིག་པའི་དགེ་སློང་ནི་ཕལ་ཀུན་ཀྱང་སྡང་ཞིང་མི་འདོད་པས་ཉེས་བསྙེན་པར་མི་དགའ
163b3 སྟེ། ཕྱུགས་ངན་པ་རྡུང་ཁུས་རྭ་རྣོན་པོ་མིའོ་ཅོག་གིས་བཏང་བ་བསྲིངས་པ་དང་མཚུངས་སོ། །དགེ་སློང་ངན་པ་དེ་རང་ལ་ཉེས་པ་ཡོད་པར་ཤེས་པས་རྟག་པར་དོགས་པ་དང་མྱ་ངན་འཁྲུག་པ་སྲེལ་ཏོ། །ཤཱ་རིའི་བུ་དེའི་མིང་ཚུལ་ཁྲིམས་ཞིག་པའི་དགེ
163b4 སློང་གི་མྱ་ངན་འཁྲུག་པའི་མདའ་གཉིས་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་ཕལ་དང་ཕྲད་ན། སེམས་ངན་པ་མི་མཐུན་ཞིང་བཏང་སྤངས་པར་རང་ཤེས་ཏེ། ངོ་ཚ་ཞིང་གནོད་སྲེལ
163b5 བས་ཕལ་གྱི་ནང་དུ་འཇུག་མི་ཕོད་དོ། །ཤཱ་རིའི་བུ་དེ་ལྟ་བུའི་མིང་ཚུལ་ཁྲིམས་ཞིག་པའི་དགེ་སློང་གི་མྱ་ངན་འཁྲུག་པའི་མདའ་གསུམ་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་མྱ་ངན
163b6 འཁྲུག་པའི་སེམས་བདོ་བས་བསྟན་བཅོས་སུ་མི་རུང་སྟེ། མུར་འདུག་གི་ཆོས་ཀྱི་ཁྲིམས་ཀྱི་ཆོས་ཀྱང་མེད་ན། གཙང་མའི་ཚུལ་ཁྲིམས་མེད་པ་ལྟ་སྨོས་ཀྱང་ཅི་དགོས། ཚུལ་ཁྲིམས་ཞིག་པའི་རྒྱུ་རྐྱེན་ལྟ་བུ་སྤྱད་པས་མིས་མི་ཉེ་མི་བསྙེན། ཤཱ
163b7 རིའི་བུ་དེའི་མིང་ཚུལ་ཁྲིམས་ཞིག་པའི་དགེ་སློང་གི་མྱ་ངན་འཁྲུག་པའི་མདའ་བཞི་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་གིས་གཞན་གྱི་ནོར་རྫས་སྤྱོད་དེ་རང་གི་ལུས་གསོས་ན། ངས་བཤད་པ
163b8 ལ་མེད་དེ་ཁུར་ལྕི་བ་ཁྱེར་ཞེས་བྱའོ། །ཅིའི་ཕྱིར་ཞེ་ན། སྤྱོད་པའང་ཐོབ་པ་ནི་ཡོན་ལེན་པ་རིག་ཞེས་བྱ་ན། ཚུལ་ཁྲིམས་ཞིག་པའི་དགེ་སློང་སྤྱོད་པ་ཡང་མ་ཡིན། ཐོབ་པ་ཡང་མ་ཡིན་པས་ན། ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་བསྐལ་པ་གྲངས
iiif viewer powered by OpenSeadragon
