| e-texts navigator |
| Wylie |
163a1 དེའི་མིང་ཡང་དག་པར་གཤེགས་པས་ཆོས་ཀྱི་ཡི་གེ་བཤད་དོ་ཅོག་གི་ལེའུ་དང་ཚིག་གི་ནང་ན་བཤད་པ་མེད་ཅེས་བྱ་བ་ཡིན་ན། མི་ངན་པ་རྣམས་ཀྱིས་ལེའུ་དང་ཚིག་འདི་ཐོབ་ནས་མི་གཞན་ལ་བཤད་པ་ལ་ཡང་ཁོའི་མཁན་པོ་ཡིན་ནོ། །
163a2 ཡང་དག་པར་གཤེགས་པ་དང་། འཕྲུལ་གྱི་དགེ་འདུན་གྱི་ལེགས་དོན་ཀྱང་མེད་ཅེས་ཟེར་ཏེ། རང་གིས་དགེ་འདུན་གྱི་གྲངས་སུ་བཅུག་གོ། །ཤཱ་རིའི་བུ་དཔེར་ན་སྤྲེའུ་འདུས་པའི་ཁྱུ་ནི་སུམ་ཅུ་རྩ་གསུམ་གྱི་ལྷ་དང་མི་འདྲའོ། །དེ་ལྟ་བུའི་མི་ཕལ་ངན་པ་ནི
163a3 དེའི་འཕྲུལ་གྱི་དགེ་འདུན་དང་མི་འདྲའོ། །ཤཱ་རིའི་བུ་དེ་ལྟ་བུའི་མི་ངན་པ་རྣམས་ནི་སྒྲ་སྐད་དང་སྨྲ་བའི་ཚིག་འབའ་ཤིག་གིས་བདག་དགེ་སྦྱོང་ཡིན་ཟེར་ཏེ། དཔེར་ན་མི་གཏི་མུག་གིས་སྤྲེའུ་ཁྱུ་མཐོང་ན། སུམ་ཅུ་རྩ་གསུམ་གྱི་ལྷ་ཡིན་ཞེས་ཟེར་བ་དང་མཚུངས
163a4 སོ། །ཤཱ་རིའི་བུ་དེའི་ནང་ན་ཁྱིམ་ནས་བྱུང་བའི་མི་ཀླན་ཀ་ཚོལ་བ་དང་། དགའ་སྲེད་པ་ཞིག་ཡོད་དེ། མཁན་པོ་མཁས་པ་དང་ཕྲད་ལ་དེ་ལ་མིང་དང་ཁ་དོག་སྟོང་པར་ཞི་སྟེ། སྨྲ་བའི་ཚིག་གི་ལམ་བཤད་སྡང་བ་ཡང་མེད། སྟོང་པ་ཡང་མེད། ཆོས་བཤད་དེ། མཚན
163a5 མ་མེད་པ་ཁོང་དུ་ཆུད་དེ། དེ་ལྟ་བུའི་སྐྱེ་བ་མེད། འགག་པ་མེད། མཚན་མ་མེད་པའི་ཆོས་ཐོས་ན། མི་དངངས་མི་འཇིགས་ན། དེ་ལྟ་བུའི་མི་ནི་དཔག་ཏུ་མེད་པའི་སངས་རྒྱས་ལ་ཡོན་གསོལ་མྱོང་ཟིན་པར་མངོན་ཏེ་ངའི་ཆོས་ཤེས་པར་ནུས་པས། དེའི་མིང་ནི་འཕྲུལ
163a6 གྱི་དགེ་འདུན་ཞེས་བྱའོ། །སངས་རྒྱས་ཀྱི་མཛོད་ཀྱི་ལེའུ་སྟེ་གཙང་མའི་ལེའུའོ།། །། སངས་རྒྱས་ཀྱི་མཛོད་ཀྱི་ཆོས་ཀྱི་ཡི་གེ། བམ་པོ་གཉིས་པ། སངས་རྒྱས་ཀྱི་མཛོད་ཀྱི་ཡི་གེ་ལེའུ་ལྔ་སྟེ། ཚུལ་ཁྲིམས་གཙང་མའི་ལེའུ
163a7 འོ། །སངས་རྒྱས་ཀྱིས་ཤཱ་རིའི་བུ་ལ་བཀའ་སྩལ་པ། ཚུལ་ཁྲིམས་ཞིག་པའི་དགེ་སློང་ལ། མྱ་ངན་འཁྲུགས་པའི་མདའ་བཅུ་ཡོད་དེ། བཟོད་པར་མནགས་པར་དཀའོ། །དགེ་སློང་གིས་མྱ་ངན་འཁྲུགས་པའི་མདའ་བཅུ་འབྱོར་གྲུབ་ན། སངས་རྒྱས
163a8 ཀྱི་ཆོས་ཞིམ་པོའི་རོ་མི་ཐོབ་སྟེ། ཆོས་འཆད་པ་ལ་སྡང་ཞིང་ཉེ་བསྙེན་པ་ལ་མི་སྲེད་དོ། །བཅུ་གང་ལ་སོགས་པ་ཞེས་བྱས་ན། ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་གིས་དགེ་འདུན་འབྱོར་འདུམ་པ་མཐོང་ན། དགའ་བའི་སེམས་མི་སྐྱེའོ། །
iiif viewer powered by OpenSeadragon
