| e-texts navigator |
| Wylie |
162b1 ཀྱིས་གང་ཟག་ཡོད་པར་བཤད་དོ་ཞེས་བཟློག་པ་མི་རིགས་སོ། །འཇིག་རྟེན་ཐམས་ཅད་ནི་རྟག་པར་ང་དང་བརྩོད་དོ། །ང་ནི་རྟག་པར་འཇིག་རྟེན་དང་མི་རྩོད་དོ། །ཤཱ་རིའི་བུ་ང་ཡོད་པར་བཤད་པ་ནི་ཤིན་དུ་སྙིང་རྗེས་རུང་ངོ་། །འདིའི་ནང་ན་ཆོས་ཀྱང་མེད། ང་ཡང་མེད་ན
162b2 སེམས་ཅན་གྱིས་ཡང་དག་པར་གཤེགས་པས། སྤྲོས་པ་བཞིན་དུ་བཤད་པ་མི་ཤེས་པ་མང་སྟེ། ཆོས་ཀྱི་དཀོན་མཆོག་དང་ལོག་གལ་བས་ངན་པའི་ལམ་དུ་ལྷུང་བ་མང་ངོ་། །ཤཱ་རིའི་བུ་ངས་ཡོན་པོ་མཐོང་བར་ཤེས་པ་ནི་ཡོན་པོ་མཐོང་བ་ཞེས་བྱའོ། །ཡོན་པོ
162b3 མཐོང་བར་ཤེས་པ་དེ་ནི་དྲང་པོ་མཐོང་བ་ཡིན་ནོ། །ཤཱ་རིའི་བུ་ཡོན་པོ་མཐོང་བ་མཐར་དྲང་པོ་མཐོང་བར་གྱུར་ན། མཐོང་བ་མི་ཤེས་སོ། །ཤཱ་རིའི་བུ་ཡང་དག་པར་གཤེགས་པ་སངས་རྒྱས་རྣམས་ཀྱི་བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་ནི་འཇིག་རྟེན
162b4 ཐམས་ཅད་ཀྱིས་ཡིད་ཆེས་དཀའོ། །ང་ནི་ལྷ་རྣམས་དང་འཇིག་རྟེན་ཐམས་ཅད་ལ་ངན་ན་ཡིད་ཆེས་པ་ཡིན་ཏེ། ཡིད་མ་ཆེས་པ་མ་ཡིན་ཏེ། ཤཱ་རིའི་བུ་ངས་ཆོས་བཤད་དོ་ཅོག་ནི་ཕ་ལོག་གི་འགྲམ་དུ་ཕྱིན་པའི་ཕྱི་ན་དེའི་ནང་ན་ཕ་ལོག་གི་འགྲམ་དུ་ཕྱིན་པ་ཡང
162b5 མེད་དོ། །ངས་ཆོས་བཤད་དོ་ཅོག་ནི་སྤྱད་པ་རྣམས་ཟད་པའི་ཕྱིར་ན། དེའི་ནང་ན་སྤྱད་པ་རྣམས་ཟད་པའང་མེད་དོ། །ངས་ཆོས་བཤད་དོ་ཅོག་ནི་སྟོང་པ་ཞི་བའི་ཕྱིར་ན། དེའི་ནང་ན་སྟོང་པ་ཞི་བའང་མེད་དོ། །ངས་ཆོས་བཤད་དོ་ཅོག་ནི་མེད་པར་བསྒྲལ་བའི་ཕྱིར་ན། དེའི་ནང
162b6 ན་མེད་པར་བསྒྲལ་བའང་མེད་དོ། །ངས་ཆོས་བཤད་དོ་ཅོག་ནི་གྲོལ་ཐར་པའི་ཕྱིར་ན། དེའི་ནང་ན་གྲོལ་ཐར་པའང་མེད་དོ། །ངས་ཆོས་བཤད་དོ་ཅོག་ནི་ཤེས་རབ་ཅན་རྣམས་ཀྱི་ཕྱིར་ན། དེའི་ནང་ན་ཤེས་རབ་ཅན་རྣམས་ཀྱང་མེད་དོ། །ངས་ཆོས་བཤད་དོ་ཅོག་ནི་དྲི་མ་དག
162b7 པའི་ཕྱིར་ན། དེའི་ནང་ན་དྲི་མ་དག་པ་ཡང་མེད་དོ། །ཤཱ་རིའི་བུ་ཡང་དག་པར་གཤེགས་པས་ལྷའི་ཕྱིར་ཆོས་བཤད་ན་ལྷ་ཡང་མེད་དོ། །མིའི་ཕྱིར་ཆོས་བཤད་ན་མི་ཡང་མེད་དོ། །སེམས་ཅན་གྱི་ཕྱིར་ཆོས་བཤད་ན་སེམས་ཅན་ཡང་མེད་དོ། །ཤཱ་རིའི་བུ་ཡང་དག་པར
162b8 གཤེགས་པས་རིག་པ་དང་གྲོལ་ཐར་པར་བཤད་ན། དེའི་ནང་ན་རིག་པ་དང་གྲོལ་ཐར་པ་ཡང་མེད་དོ། །ངས་སངས་རྒྱས་བསམ་པ་བཤད་དེ་སངས་རྒྱས་བསམ་དུ་མི་རུང་ངོ་། །ངས་སྟོང་པ་སྤྱོད་པ་བཤད་དེ་སྟོང་པ་བཤད་དུ་མི་རུང་ངོ་། །བསམ་དུ་ཡང་མི་རུང་ངོ་། །ཤཱ་རིའི་བུ
iiif viewer powered by OpenSeadragon
