| e-texts navigator |
| Wylie |
15b1 རྣམས་ལ་མེད་པ་དེ་ལྟ་བུར་གྱུར་ཏེ། དེའི་གདུགས་ཕལ་པའི་ཆུ་ཞེང་དུ་ཡང་འཇིག་རྟེན་གྱི་ཁམས་བར་མའི་ཁྱོན་ཙམ་མོ། །དེ་ལྟར་དེ་མཐུ་ཆེན་པོ་དང་ལྡན་ཞིང་རང་གི་ཆུང་མ་རྣམས་ཀྱི་རྔ་ཡབ་ཀྱིས་གཡོབ་བཞིན་དུ་བཅོམ་ལྡན་འདས་ག་ལ་བ
15b2 དེར་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཐལ་མོ་སྦྱར་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་དང་། འཁོར་དང་བཅས་པས་བདག་ཅག་གིས་ཕུལ་བའི་ཞལ
15b3 ཟས་བཞེས་སུ་གསོལ། བཅོམ་ལྡན་འདས་བདག་ཅག་གིས་ད་སླན་ཆད་ཐེག་པ་ཆེན་པོའི་སླད་དུ་ཡི་དམ་བཅའ་བར་འཚལ་ཏེ། རིགས་ཀྱི་བུ་འམ་རིགས་ཀྱི་བུ་མོ་གང་སུ་ཡང་རུང་འཇིགས་པའི་སླད་དུ་འམ། རྙེད་པ་དང་བཀུར་སྟི་འཚལ
15b4 བའི་སླད་དུ་འམ། ཐོབ་ཏུ་རེ་བའི་སླད་དུ་འམ། གཞན་གྱིས་བགྱིད་དུ་སྩལ་བ་འམ། གཞན་གྱི་ཡིད་བསྲུང་བའི་སླད་དུ་ཡང་རུང་སྟེ། ཐེག་པ་ཆེན་པོ་རྗོད་པར་བགྱིད་ན་དེའི་དོན་དུ་འཇིགས་པ་དང་། མི་དགའ་བ་ཐམས་ཅད་བསལ་བའི
15b5 གསང་སྔགས་བཤད་པར་འཚལ་ལོ། །ཏདྱ་ཐ། ཐག་ཀེ་ཊ་ཊ་ར་ཐག་ཀེ། རོ་རུ་རེ། མ་ད་རོ་རུ་རེ། ཨཱ་ལ་མཱ་ལ་ཏཱ་ལ་སྭཱ་ཧཱ། ཆོས་སྨྲ་བ་འཁྲུལ་པ་དང་འཇིགས་པས་གནོད་པར་གྱུར་པ་རྣམས་ཆོས་ཀྱི་ཚུལ་ལ་སྤོབས་པ་བསྐྱེད་པར
15b6 བགྱི་བ་དང་། མུ་སྟེགས་པ་རྣམས་མྱོས་པར་བགྱི་བ་དང་། དམ་པའི་ཆོས་བསྲུང་བ་དང་། བདག་དང་གཞན་བསྲུང་བའི་སླད་དུ་བདག་གིས་རང་གི་དམ་ཚིག་གིས་སྨྲས་པའི་གསང་སྔགས་འདི་གླང་པོ་ཆེའི་འཇིགས་པའམ། ནགས་ཁུང་གི
15b7 འཇིགས་པའམ། ཆུ་ཀླུང་གི་འཇིགས་པའམ། མེའི་འཇིགས་པ་རྣམས་ཀྱི་ནང་དུ་བསྲུང་བའི་གཟུངས་སྔགས་ཀྱི་དོན་དུ་རྗོད་པ་གང་ལགས་པ་དེ་དག་ནི་རྗོད་པ་ཙམ་གྱིས་ཇི་ལྟར་རུ་སྦལ་རང་གི་ལུས་བསྲུངས་པ་དེ་བཞིན་དུ་བདག་གིས་གཡོ་དང
15b8 སྒྱུ་མ་མཆིས་པར་དེ་དག་གི་འཇིགས་པ་ཐམས་ཅད་ལས་བསྲུང་བར་བགྱི། སྟོབས་དང་ལྡན་པར་ཡང་བགྱིད་ལགས་ན་བཅོམ་ལྡན་འདས་ཀྱིས་ད་ཞལ་ཟས་འདི་བཞེས་པར་གསོལ་ཞེས་བསྐུལ་ཏོ། །དེ་ནས་བཅོམ་ལྡན་འདས་ཀྱིས་བདུད་སྡིག
iiif viewer powered by OpenSeadragon
