| e-texts navigator |
| Wylie |
15a1 དུ་ཐུག་གོ། །དེས་ཀྱང་བཅོམ་ལྡན་འདས་ལ་ཞལ་ཟས་བཞེས་པར་གསོལ་བ་ལས་བཅོམ་ལྡན་འདས་ཀྱིས་མ་བཞེས་ནས་ཕྱོགས་གཅིག་ཏུ་འཁོད་དོ། །དེ་ནས་དེའི་ཚེ་ལྷ་མ་ཡིན་གྱི་དབང་པོ་ཐགས་ཟངས་རིས་ལྷ་མ་ཡིན
15a2 ག་ཡི་གཡོག་འཁོར་དཔག་ཏུ་མེད་པ་དང་བཅས་པས་ཚངས་པ་དང་དབང་པོ་གཉིས་མ་གཏོགས་པར་དེའི་བར་གྱི་ལྷ་ཡོད་དོ་ཅོག་གི་འོད་རང་གི་འོད་ཀྱིས་མོག་མོག་པོར་བྱས་ནས་དེའི་རྐྱེན་དུ་འཚམ་པའི་མཆོད་པའི་ཚོགས་དང་རྐྱེན་དུ་འཚམ
15a3 པའི་ཞལ་ཟས་དག་དང་ཆས་ཏེ་བཅོམ་ལྡན་འདས་ཀྱི་ཐད་དུ་སོང་ངོ་། །དེའི་གདུགས་ཕལ་པ་ཡང་ཆུ་ཞེང་དུ་འཇིག་རྟེན་གྱི་ཁམས་ཆུང་ངུ་ཁྱབ་པ་ཙམ་སྟེ། དེས་ཀྱང་བཅོམ་ལྡན་འདས་ལ་ཞལ་ཟས་བཞེས་པར་གསོལ་བ་ལས་བཅོམ
15a4 ལྡན་འདས་ཀྱིས་མ་བཞེས་ནས་ལངས་ཏེ་ཕྱོགས་གཅིག་ཏུ་འདུག་གོ། །དེ་ནས་བདུད་སྡིག་ཅན་ཆུང་མ་གྲངས་མེད་པའི་འཁོར་དང་ཆས་ཏེ། སེམས་ཅན་དམྱལ་བ་ཐམས་ཅད་ཀྱི་བར་སྲང་ཐམས་ཅད་ཕྱེ་ནས་དེ་དག་ལ་ཆུ་དང་ཁ་ཟས་ལ
15a5 སོགས་པ་ཅི་འདོད་པ་བྱིན་ཏེ། དེ་དག་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པར་གྱིས་ཤིག་།སྦྱིན་པའི་ཐ་མ་ལ་རྗེས་སུ་ཡི་རང་བར་གྱིས་ཤིག་ཅེས་སྨྲས་ནས་དེ་དག་ལ་ཁྱེད་བདེ་བར་གྱུར་ཅིག་ཅེས
15a6 ཀྱང་དབུགས་ཕྱུང་ངོ་། །སེམས་ཅན་དམྱལ་བའི་གྲོང་ཁྱེར་མཚོན་ཆས་གང་ཞིང་མེ་ཆེན་པོ་འབར་བ་རྣམས་སུ་ཡང་སྤྲིན་ཆེན་པོ་བཞིན་དུ་ཆུ་ཆེན་པོ་ཕབ་ནས་སེམས་ཅན་དམྱལ་བ་པ་རྣམས་ཀྱིས་སྔོན་མ་མྱོང་བའི་བདེ་བ་དང་ལྡན་པའི་འདུ་ཤེས
15a7 བསྐྱེད་དེ་དེ་བཞིན་གཤེགས་པའི་མཐུས་བདུད་ཀྱི་སེམས་ཀྱི་གནས་སྐབས་དེ་ལྟ་བུར་གྱུར་ཏོ། །དེའི་འཁོར་གང་ཡིན་པ་དེ་དག་གིས་ཀྱང་གཞུ་དང་། རལ་གྲི་དང་ཐོ་བ་དང་དགྲ་སྟ་དང་། རྡོ་རྗེ་རྩེ་གཅིག་པ་དང་། མཚོན་ཀམ་པ་ན་དང་།
15a8 ལྕགས་ཀྱི་བེར་ཀ་དང་། ལྕགས་མདའ་དང་། ཤ་ཏ་ཀ་ནི་ཧ་དང་། མདའ་དང་འཕང་མདུང་དང་། མདུང་རྩེ་གཅིག་པ་ལ་སོགས་པ་མཚོན་ཆ་རྣམ་པ་དུ་མ་ཡོངས་སུ་སྤངས་ཏེ་ཆོས་ལྷུར་ལེན་པར་གྱུར་ཏོ། །དེའི་མཆོད་པ་ཡང་ལྷ་སྔ་མ
iiif viewer powered by OpenSeadragon
