| e-texts navigator |
| Wylie |
159b1 སྒྲར་མཐོང་བ་དང་། འབྲས་བུ་ཐོབ་པའི་སྒྲར་མཐོང་བ་དང་། སངས་རྒྱས་ཀྱི་སྒྲར་མཐོང་བ་དང་། ཆོས་ཀྱི་སྒྲར་མཐོང་བ་དང་། དགེ་འདུན་གྱི་སྒྲར་མཐོང་བ་དང་། འགོག་པའི་སྒྲར་མཐོང་བ་དང་། མྱ་ངན་ལས་འདས་པའི་སྒྲར་མཐོང་བའོ། །ཤཱ་རིའི་བུ་དེའི་མིང་མི་བདེན་པའི་སྒྲ་སྐད
159b2 ལ་སོགས་པ་མཐོང་ཞེས་བྱའོ། །འཛངས་འཕྲུལ་པའི་དགེ་འདུན་གྱིས་ནི་གཞུང་ལ་དེ་ལྟ་བུའི་མཐོང་བ་མ་ཐོབ་པ་སྟེ། སྒྲ་སྐད་ཀྱི་རྣམ་པ་ཐམས་ཅད་མཚན་ཉིད་གཅིག་པར་ཁོང་དུ་ཆུད་དེ་མཚན་ཉིད་གལ་བ་མེད་རྩོད་པ་མེད་པའོ། །ཕྱིན་ཅི་མ་ལོག་པའི་ཆོས་ཀྱི
159b3 བཟོད་པ་འབྱོར་གྲུབ་པས་ན་མིང་འཕྲུལ་གྱི་དགེ་འདུན་ཞེས་བྱའོ། །ཤཱ་རིའི་བུ་ཕྱིན་ཅི་མ་ལོག་པའི་ཆོས་ཀྱི་བཟོད་པ་དེ་ནི་མཚན་མ་མེད་པ་ཡིན་ནོ། །མཚན་མ་མེད་པས་ན་བླང་བའང་མེད། དོར་བའང་མེད། ལོག་པའང་མེད། མ་ལོག་པའང་མེད། སྐྱེ་བའང་མེད།
159b4 འགོག་པའང་མེད་དེའི་ནང་རང་བཞིན་པ་ལ་ཕྱོགས་པས་སྤྱད་པའང་མེད། ཞིག་པའང་མེད། ལྡང་བའང་མེད། ཐོབ་པའང་མེད། ཕན་ཚུན་ཞེས་རྣམ་པར་ཡང་མི་རྟོག་པས་ན་སེམས་རྟག་པར་གཏང་བྲལ་ལོ། །ཅིའི་ཕྱིར་ཞེ་ན། དེ་ལྟ་བུའི་བཟོད་པའི་ནང་ན་ཕ
159b5 ལོག་གི་འགྲམ་ཡང་མེད། ཚུ་ལོག་གི་འགྲམ་ཡང་མེད། རྣམ་པར་རྟོག་པའང་མེད། རྣམ་པར་རྟོག་པ་མེད་པའང་མེད་དོ། །མཚན་མ་མེད་པ་ཁོང་དུ་ཆུད་དེ་འབྱོར་གྲུབ་པས། མིང་འཕྲུལ་གྱི་དགེ་འདུན་ཞེས་བྱའོ། །འདུས་ཚོགས་པ་བཤིག་པས་ན་མིང་འཕྲུལ་གྱི་དགེ
159b6 འདུན་ཞེས་བྱའོ། །ཤཱ་རིའི་བུ་ངའི་ཆོས་ཀྱི་ཡི་གེ་གཞན་ལ་བཤད་པ་མི་ལ་ལས་ཆོས་མཐོང་དུ་ཟིན་ན་དེ་ནི་བདག་ཏུ་ལྟ་བ་ཡིན་ནོ། །ཡང་དག་པར་གཤེགས་པ་ཆོས་མ་ཡིན། ཆོས་མ་ཡིན་པའང་མ་ཡིན། ཅིའི་ཕྱིར་ཞེ་ན། ལྷ་སྦྱིན་བླུན་པོ་དང་། མུར་འདུག་ཀུན་གྱིས
159b7 ཁ་དོག་གི་ལུས་སྤྱད་དེ། སངས་རྒྱས་མཐོང་ཞེས་ཟེར་རོ། །ཤཱ་རིའི་བུ་ཡང་དག་པར་གཤེགས་པ་ནི་ཁ་དོག་གི་ལུས་སྤྱད་པས་མཐོང་བ་མི་རིགས་སོ། །སྒྲ་སྐད་སྤྱད་པས་ཀྱང་མཐོང་བ་མི་རིགས་སོ། །ཤཱ་རིའི་བུ་ལ་ལ་ཞིག་ཁ་དོག་གི་ལུས་སྤྱད་པས་སངས་རྒྱས་མཐོང་ན
159b8 དེ་ནི་སངས་རྒྱས་དང་རྒྱང་རིང་ངོ་། །ཅིའི་ཕྱིར་ཞེ་ན་ཞེས་བྱས་ན། སངས་རྒྱས་ཀྱི་མིང་ཁ་དོག་མཐོང་བ་ཞེས་མི་བྱ་བས་ན། དེའི་མིང་སངས་རྒྱས་མཐོང་བ་ཞེས་བྱའོ། །ཤཱ་རིའི་བུ་མི་ལ་ལ་ཞིག་གིས་ཆོས་སོ་ཅོག་ལ་མཚན་མ་མེད། མིང་མེད། རེག་པ་མེད། དྲན་པ་མེད། སེམས
iiif viewer powered by OpenSeadragon
