| e-texts navigator |
| Wylie |
159a1 སྤྱད་པས་ཕྱི་མོ་བྱས་སོ། །འཛངས་ཤིང་འཕྲུལ་པའི་ཆོས་འདིའི་ནང་ན་མིང་དང་མཚན་མ་རྣམས་ཆད་དོ། །མིང་དང་མཚན་མ་ཡང་མི་སེམས་ཏེ། མིང་དང་མཚན་མ་ཐོབ་ན་ཇི་ལྟ་བུར་འཕྲུལ་གྱི་དགེ་འདུན་ཡིན་ཞེས་ཟེར་ན། མིང་དང་མཚན་མ་ཀུན་ཆོད་ན་མིང
159a2 འཕྲུལ་གྱི་དགེ་འདུན་ཞེས་བྱའོ། །ཆོས་ཀྱི་གནས་ཡོད་ཟིན་ན། གཞིག་ཏུ་འང་རུང་། གཅད་དུའང་རུང་ངོ་། །འཕྲུལ་གྱི་ཆོས་ཀྱི་ནང་མིང་མེད། མཚན་མ་མེད་སྨྲ་བའི་ཚིག་མེད་དེ། སྨྲ་བའི་ཚིག་ཀུན་ཆད་དེ་འདུས་ཤིང་གྱེས་པ་མེད་དོ། །ལ་ལ་ཞིག་ན་རེ་དགེ་འདུན་མེད་ཅེས་ཟེར་ན། འཕྲུལ་གྱི
159a3 དགེ་འདུན་གཤིག་པ་སྟེ། དེ་ཡང་མི་རུང་ངོ་། །དེ་ནི་མིང་དང་མཚན་མ་སྒྱུ་མ་མི་བདེན་པའི་འདུ་ཤེས་ཀྱི་ལན་ཏེ། ཡོན་པོ་མཐོང་བ་རྣམས་མང་པོ་ལ་ཆགས་སོ། །ཡོན་པོ་མཐོང་བ་དེའི་ལན་གྱིས་ཡང་ཕྱི་མའི་ལུས་མནོས་ཏེ། མཐོང་བ་རྣམས་ལ་འདོད་ཆགས
159a4 པས་ལྔ་ཕུང་སྐྱེས་སོ། །ཤཱ་རིའི་བུ་ལྔ་ཕུང་གི་ཀུན་སྒྱུ་མ་མི་བདེན་པ་ལ་ཆགས་པ་ཡིན་ཏེ། དེའི་མིང་ངན་པའི་ལམ་མོ། །དེའི་མིང་ཡོན་པོའི་ལམ་མོ། །འཛངས་འཕྲུལ་པའི་དགེ་འདུན་ལ་ནི་དེ་ལྟ་བུའི་དོན་མེད་དོ། །སྒྱུ་མ་མི་བདེན་པའི་རྐྱེན་འབའ་ཤིག་ལས་ཁམས
159a5 གསུམ་བྱུང་བར་ཤེས་སོ། །དེ་ལྟ་བུའི་དོན་ཤེས་པས་ན་མིང་འཕྲུལ་གྱི་དགེ་འདུན་ཞེས་བྱའོ། །ཤཱ་རིའི་བུ་ཡོང་མཐོང་བ་ཡོད་དོ། །ཆོ་ག་ནི་འཕྲུལ་གྱི་དགེ་འདུན་གྱི་ནང་ན་ཀུན་ཐོབ་པར་མི་རུང་ངོ་། །བདག་ཏུ་ལྟ་བ་དང་། སེམས་ཅན་དུ་ལྟ་བ་དང་། སྲོག་ཏུ་ལྟ་བ་དང་།
159a6 གང་ཟག་ཏུ་ལྟ་བ་དང་། སྐྱེས་པར་མཐོང་བ་དང་། བུད་མེད་དུ་མཐོང་བ་དང་། ལྷར་མཐོང་བ་དང་། སེམས་ཅན་དམྱལ་བར་མཐོང་བ་དང་། བྱོལ་སོང་དུ་མཐོང་བ་དང་། ཡི་དགས་སུ་མཐོང་བ་དང་། ཕུང་པོ་དང་། འདུ་ཤེས་དང་། ཁམས་སུ་མཐོང་བ་དང་། དུང་གི་སྒྲར་མཐོང་།
159a7 རྔའི་སྒྲར་མཐོང་། སའི་སྒྲར་མཐོང་། ཆུ་དང་། མེ་དང་། རླུང་གི་སྒྲར་མཐོང་། ཚུལ་ཁྲིམས་འཛིན་པའི་སྒྲར་མཐོང་། ཚུལ་ཁྲིམས་ཞིག་པའི་སྒྲར་མཐོང་། དྲང་པོའི་ལམ་གྱི་སྒྲར་མཐོང་། ཡོན་པོའི་ལམ་གྱི་སྒྲར་མཐོང་། དྲི་མའི་སྒྲར་མཐོང་། གཙང་མའི་སྒྲར་མཐོང་།
159a8 བསམ་གཏན་ཐུབ་པ་དང་། ཏིང་ངེ་འཛིན་དང་། འཕྲུལ་བརྒྱད་ཀྱི་ལམ་གྱི་སྒྲ་དང་། རྒྱུན་ཏུ་ཞུགས་པའི་འབྲས་བུ་དང་། ལན་གཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པའི་འབྲས་བུའི་སྒྲར་མཐོང་བ་དང་། གྲོལ་ཐར་གྱི
iiif viewer powered by OpenSeadragon
