| e-texts navigator |
| Wylie |
158b1 དེ་ལྟ་བས་ན་སྨྲ་བའི་ཚིག་རྣམས་ཆོད་པ་ནི་འཕྲུལ་གྱི་དགེ་འདུན་ཞེས་བྱ་བར་མངོན་ནོ། །ཤཱ་རིའི་བུ་མི་ཞིག་ན་རེ། ཆོས་འདིའི་ནང་ན་ཚིག་གིས་བཤད་པ་མེད། ངེས་པ་མེད་ན་ཇི་ལྟར་མིང་དགེ་འདུན་ཞེས་བྱ་ཞེས་ཟེར་བ་ཞིག་ཡོད་ན། ཤཱ་རིའི་བུ་ངའི་འདིའི་ནང་ན་ལན
158b2 འདི་སྐད་ཅེས་བླན་པ་ཡོད་དེ། དགེ་འདུན་གྱི་མིང་བདེན་པ་བཞིན་དུ་དོན་སྟོན་པ་ཞེས་བྱས་ན། དོན་དེ་ངེས་པར་ཐོབ་པའང་མི་རུང་ངོ་། །སློབ་པའི་གྲཝ་ལྷན་ཅིག་ལ་བཟོད་པ་ཡང་གཅིག་།རོ་ཡང་གཅིག་པ་དེའི་དོན་ཀྱང་འཇིག་རྟེན་གྱི་ཐ་མལ་པའི་ཚིག་བཤད་པས་སྤྱད་ཀྱི།
158b3 མཆོག་གི་གཞུང་མ་ཡིན་ནོ། །མཆོག་གི་གཞུང་གི་ནང་ན་ངེས་པར་བདེན་པ་མེད་དེ། མིང་དགེ་འདུན་ང་ཆོས་རྟག་སྟེ། མི་འཇིགས་ཤེས་བྱའོ། །འཕྲུལ་གྱི་མིས་ཆོས་འདི་ཡོད་ཅེས་བཤད་དུ་ཟིན་ན་དེ་ནི་དགོས་པའོ། །ཅིའི་ཕྱིར་ཞེ་ན་ཞེས་བྱས་ན། མི་དེ་ལྟ་བུའི་རྣམ་པར་བརྟག
158b4 པར་བྱ་སྟེ། སྐྱེས་པ་ཡིན། བུད་མེད་ཡིན། ལྷ་ཡིན། ཀླུ་ཡིན། གནོད་སྦྱིན་ཡིན། དྲི་ཟ་ཡིན། གྲུལ་བུམ་ཡིན། ཆོས་ཡིན། ཆོས་མ་ཡིན་ཞེས་དེ་ལྟ་བུར་རྣམ་པར་རྟག་པ་བྱས་ནས་དོན་རྣམ་པ་མང་པོ་ཐོབ་སྟེ། དོན་རྣམ་པ་མང་པོ་ཐོབ་པས་ན་ཚིག་འདི་སྐད་བྱས་སོ། །འདུག
158b5 པ་ཡིན། ཉལ་བ་ཡིན། སོང་བ་ཡིན། སྡོད་པ་ཡིན་ཞེས་ཟེར་རོ། །འཕྲུལ་གྱི་མིས་ནི་ཆོས་སོ་ཅོག་གི་བདེན་པའི་མཚན་མ་ཐོབ་པས་ན་རྣམ་པར་མི་རྟོག་སྟེ། སྐྱེས་པ་ཡིན། བུད་མེད་ཡིན། ལྷ་ཡིན། ཀླུ་ཡིན་པ་དང་། ཆོས་ཡིན་པ་དང་། ཆོས་མ་ཡིན་པ་ལ་ཐུག
158b6 གི་བར་དུ་རྣམ་པར་ཡང་མི་རྟོག་གོ། །རྣམ་པར་མི་རྟོག་པས་ན་ཆོས་སོ་ཅོག་མ་ཐོབ་བོ། །ཆོས་སོ་ཅོག་མ་ཐོབ་པས་འདི་སྐད་དུ་འདུག་པ་ཡིན། ཉལ་བ་ཡིན། འགྲོ་བ་ཡིན། སྡོད་པ་ཡིན་ཞེས་བཤད་པར་བྱ་ནུས་སམ་མི་ནུས། བཅོམ་ལྡན་འདས་མི་ནུས་ལགས་སོ། །
158b7 ཤཱ་རིའི་བུ་མི་ལ་ལ་ཞིག་ན་རེ་སྐྱེས་པ་ཡིན། བུད་མེད་ཡིན། ལྷ་ཡིན། ཀླུ་ཡིན་པ་དང་། ཆོས་ཡིན་པ་དང་། ཆོས་མ་ཡིན་པ་ལ་ཐུག་པ་ཡིན་ཞེས་ཟེར་ན། མི་དེས་བཤད་དོ་ཅོག་སྒྱུ་མ་བདེན་པ་ཡིན་ནམ། བཅོམ་ལྡན་འདས་སྒྱུ་མ་མི་བདེན་པ་ལགས་སོ། །ཤཱ་རིའི་བུ་སྒྱུ་མ
158b8 མི་བདེན་པ་དེའི་ནང་དུ་མ་གཏོགས་པ་ནི་མིང་འཕྲུལ་གྱི་དགེ་འདུན་ཞེས་བྱའོ། །ཕྱིན་ཅི་མ་ལོག་པས་ནི་མིང་འཕྲུལ་གྱི་དགེ་འདུན་ཞེས་བྱའོ། །ཤཱ་རིའི་བུ་མི་དགེ་བ་ཡོད་དོ་ཅོག་དང་། ཤེས་པར་རུང་བ་ཡོད་དོ་ཅོག་དང་། དེ་ལྟ་བུའི་མིང་དགེ་བའི་ཆོས་ཐམས་ཅད་ནི་མིང་མཚན་མ
iiif viewer powered by OpenSeadragon
